ⴰⵎⵎⴰⵙ ⵏ ⵜⴱⵔⴰⵜ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵎⵇⵇⴰⵕ ⵍⵍⵉⵖ ⵣⵔⵉⵏ ⵉⵙⵏⴼⵍⵏ ⵉⵖⴱⴰⵏ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵉⵙⴳⴳⵯⴰⵙⵏ ⵉⵣⵔⵉⵏ ⴰⴷ, ⵜⵇⵇⴰⵎⴰ ⵙⵓⵍ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⵍⴼⵜ ⵎⴰⵙ ⵜⵎⵙⴰⵔⵜ ⵜⴰⴼⵉⵍⵉⵚⵜⵉⵏⵉⵜ ⵜⴳⴰ ⵜⴰⵙⴰⵔⵓⵜ ⵏ ⵓⴼⵙⵙⴰⵢ ⴰⵎⵖⵍⴰⵍ ⵉ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⴼⵙⵙⴰⵢ ⵉⴱⵉⴷⴷⵏ ⵅⴼ ⵜⵥⴹⵕⴰ ⵏ ⴽⵔⴰ ⵢⴳⴰⵜⵜ ⵓⵎⴰⴷⴰⵏ ⴳ ⵜⵙⴳⴰ ⵢⴰⴷ ⴰⴷ ⴷⴷⵔⵏ ⴳ ⵜⵏⴼⵔⵓⵜ ⴷ ⵙⵙⵍⴰⵎⵜ ⴷ ⵜⵉⴷⴷⵓⴽⴽⵯⵍⴰ, ⴳ ⵓⵙⴰⵜⵉ ⵏ ⵓⵙⵍⴳⴰⵏ ⴰⵎⴰⴹⵍⴰⵏ ⴷ ⵓⵎⵎⴰⵙ ⵏ ⵓⵙⴱⵉⴷⴷ ⵅⴼ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ ⵍⵍⵉ ⵢⵎⵙⴰⵙⴰ ⴼⵍⵍⴰⵙ ⴰⵎⵓⵏ ⴰⵎⴰⴹⵍⴰⵏ.

ⵖ ⵖⵉⴽⴰⵏⵏ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵇⵇⵏ ⵓⵙⵓⵔⵙ ⵏ ⵓⵔⴳⵍ ⵏ ⵜⵎⵀⵍⴰ ⵏ ⵜⵏⴰⴳⵔⵉⵜ,  ⴷ ⴰⴷ ⴳⴳⵓⵜⵏⵜ ⵜⵓⴳⴳⴰⵣ ⵜⵉⵎⴰⴹⵍⴰⵏⵉⵏ ⵍⵍⵉ ⵔⴰⵏⵜ ⴰⴷ ⵙⵙⴳⵔⴰⵡⵍⵏⵜ ⵜⵓⴷⵔⵜ ⵉ ⵜⵎⴰⵀⵡⴰⴹⵏ ⵉⵙⵔⵉⴷⵏ ⴳⵔ ⵙⵏⴰⵜ ⵜⴼⵓⵍⵉⵏ ⵜⴰⴼⵉⵍⵉⵚⵟⵉⵏⵉⵜ ⴷ ⵜⵉⵚⵕⴰⵢⵍⵉⵜ, ⵎⵔⴰ ⴰⴷ ⴼⵙⵉⵏ ⴰⴽⴽⵯ ⵜⵖⴰⵡⵙⵉⵏ ⵏ ⵜⵎⵎⴰⵖⵜ. 

ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵖⵉⴽ ⵍⵍⵉ ⵙ ⵢⵔⴰ ⴰⴷ ⵜⵉⵍⵉ ⵜⵏⴰⴳⵔⵉⵜ ⵜⴰⵣⵔⴼⴰⵏⵜ ⴷ ⵜⴰⵎⵖⵍⴰⵍⵜ, ⵉⵏⵏⴰ ⵙⵓⵍ ⵎⴰⵙ ⵉⵎⴰⴽⵏ ⵍⵍⵉ ⵜⵓⵎⵥ ⵢⴰⵜ ⵜⴼⵓⵍⵜ ⴳ ⵡⴰⴽⴰⵍ ⴰⴼⵉⵍⵉⵚⴹⵉⵏⵉ ⵉⵎⵙⴷⵓⵔⵔⵉⵏ, ⵍⵍⵉⵖ ⵉⵍⵍⴰ ⵍⵇⵓⴷⵙ ⵏ ⵍⵇⴱⵍⵜ, ⵓⵔ ⴹⴼⴰⵕⵏ ⵜⵖⵜⴰⵙⵉⵏ ⵏ ⵓⵙⵍⴳⴰⵏ ⴰⵎⴰⴹⵍⴰⵏ, ⴷ ⵓⵜⵏ ⵓⴼⵙⵙⴰⵢ ⵉⵜⵜⵓⵙⴰⴳⴳⴰⵍⵏ, ⴷ ⵙⵙⵔⵏⴰⵏ ⵓⵎⵏⵣⴰⵖ ⴷ ⵙⵙⵖⵍⵉⵏ ⵜⵉⵟⵟⵓⵕⴼⴰ. 

ⴼ ⵖⵉⴽⴰⵏⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙⵎⴰⵢⵏⴰ ⴰⵙⴷⴷⵉⴷ ⵏⵏⵙ ⵎⴰⵙ ⵉⵅⵚⵚⴰ ⴰⴷ ⵓⵔ ⵢⵉⵍⵉ ⴽⵔⴰ ⵢⴳⴰⵜⵜ ⵓⵙⵏⴼⵍ ⵏ ⵡⴰⴷⴷⴰⴷ ⵏ ⵓⵙⵍⴳⵏ ⵏ ⵡⴰⴽⴰⵍ ⴰⴼⵉⵍⵉⵚⵟⵉⵏⵉ, ⴷ ⴰⴷ ⵉⵍⵉⵏⵜ ⵜⵉⵎⵙⵓⵜⴰⵍ ⵉⵙⵙⵓⵊⴰⴷⵏ ⵜⵔⵏⵓⵜ ⵏ ⵉⵎⵀⴰⵡⴹⵏ ⵙ ⵜⵎⵙⵙⵓⴳⵔⵜ ⵉⵅⵚⵚⴰⵏ. 

ⵜⵍⵍⴰ ⵜⵖⵔⵎⵜ ⵏ ⵍⵇⵓⴷⵙ ⴰⵛⵛⵔⵉⴼ, ⵍⵍⵉ ⵢⵟⵟⴰⴼⵏ ⵓⵙⵜⴰⵍ ⵉⵇⴱⵓⵕⵏ ⴷ ⴰⴷⴷⴰⴷ ⴰⵙⵍⴳⴰⵏ ⵉⵅⴰⵜⴰⵔⵏ, ⴰⵎⵎⴰⵙ ⵏ ⵓⵎⵙⴰⵙⴰ ⵏ ⴽⵔⴰ ⵢⴳⴰⵜⵜ ⵓⴼⵙⵙⴰⵢ ⴳⵔ ⵉⴼⵉⵍⵉⵚⵜⵉⵏⵉⵏ ⴷ ⵉⵚⵕⴰⵢⵍⵉⵏ, ⴰⵛⴽⵓ ⵜⵍⵍⴰ ⴰⵎⵎⴰⵙ ⵏ ⵡⴰⴷⴷⴰⴷ ⵉⴳⴳⵯⵔⴰⵏ ⵍⵍⵉ ⵎⵓ ⵢⵅⵚⵚⴰ ⵢⴰⵏ ⵓⴼⵙⵙⵢⴰ ⴳ ⵓⵙⴰⵜⵉ ⵏ ⵉⵎⵀⵉⵡⴰⴹⵏ ⵉⵙⵔⴷⵉⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵅⴼ ⵓⴷⵖⴰⵔ ⵉⴼⵓⵍⴽⵉⵏ ⴰⴷ ⵍⵍⵉ ⴼⴽⴰⵏ ⵉ ⵜⵖⵔⵎⵜ ⵏ ⵍⵇⵓⴷⵙ ⵉⵎⴹⴼⴰⵕⵏ ⵏ ⴽⵕⴰⴹ ⵉⵙⴳⴰⴷⵏ ⵉⵎⵢⵉⵡⴰⵏⵏ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰ ⵢⴰⴷ ⵉⴳⴰⵏ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⵉⴼⴼⵖⵏ ⵙⴳ ⵜⵎⵏⴰⵍⴰⵢⵜ ⵏ ⵓⵎⵢⴰⵡⴰⵙ ⵜⴰⵎⵓⵙⵍⵎⵜ, ⴰⴷ ⵉⵜⵜⵓⴼⵔⴰⴽ ⵅⴼ ⵓⵎⵢⴰⵏⴰⵡ ⴷ ⴰⴷⴷⴰⴷ ⴰⵙⵍⴳⴰⵏ ⴷ ⴰⵙⴳⴰⴷ ⴷ ⵓⵏⵙⴰ ⴰⵅⴰⵜⴰⵔ ⵏ ⵜⵖⵔⵎⵜ ⵏ ⵍⵇⵓⴷⵙ.