ⵡⵊⴷⴰ - ⵜⵙⵏⵓⴱⴳ ⵜⵎⵏⴰⴹⵜ ⵏ ⵍⵇⴱⵍⵜ, ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ, ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⴳⵣⵣⴰⵢⵜ ⵏ ⵓⴼⵉⵔⵓⵙ "ⴽⵓⵕⵓⵏⴰ" ⴰⵎⴰⵢⵏⵓ (ⴽⵓⴼⵉⴷ-19), ⵎⵔⴰ ⴰⴷ ⵜⵏⵏⵓⵕⵥⵎ ⵜⵎⵀⵍⴰ ⵢⵓⵙⵄⴰⵏ ⵏ ⵜⴳⵣⵣⴰⵢⵜ ⴳ ⴰⴽⴽⵯ ⴰⴽⴰⵍ ⴰⵏⴰⵎⵓⵔ.

ⵜⴰⵔⵓⴷⴰⵏⵜ - ⵉⵙⴽⵔ ⵓⵎⴰⵡⵙⴰⵙ ⵏ ⵜⵣⵔⴼⵜ ⵎⵓⵃⵎⵎⴷ ⴱⵏ ⵄⴱⴷ ⵍⵇⴰⴷⵕ ⴰⵙⵙ ⵏ ⵓⵙⵉⵏⴰⵙ ⵢⴰⵏ ⵓⵔⵣⴰⴼ ⵏ ⴽⵔⴰ ⵢⴳⴰⵜ ⵏ ⵜⵙⴰⵡⵔⵉⵏ ⵏ ⵜⵎⵖⵔⵉⵜ ⵏ ⵜⵣⵔⴼⵜ ⵏ ⵜⵡⵊⴰ ⴳ ⵜⴰⵔⵓⴷⴰⵏⵜ ⴷ ⵜⴰⵙⵙⴰⵔⵓⵜ ⵏ ⵜⵓⵚⴽⴰ ⵏ ⵓⵙⵖⵉⵎ ⵏ ⵜⵙⵏⴱⴹⴰⵢⵜ ⵜⴰⵎⵣⵡⴰⵔⵓⵜ ⴷ ⵜⵉⵖⵔⵉⵜ ⵏ ⵜⵣⵔⴼⵜ ⵏ ⵜⵡⵊⴰ ⴳ ⵜⵖⵔⵎⵜ ⵏ ⴱⵢⵓⴽⵔⴰ (ⵜⵙⴳⴰ ⵏ ⵛⵜⵓⴽⴰ ⴰⵢⵜ ⴱⴰⵀⴰ)

ⵍⵄⵢⵓⵏ - ⵜⵕⵥⵎ ⵜⴳⵍⴷⵉⵜ ⵏ ⵍⴱⵃⵕⴰⵢⵏ, ⴰⵙⵙ ⵏ ⵓⵢⵏⴰⵙ, ⵢⴰⵜ ⵜⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⴳ ⵍⵄⵢⵓⵏ, ⵎⴰ ⵢⴰⴷ ⵉⴳⴰⵏ ⴰⵙⵎⴷⵢⴰ ⴰⴷⵉⴱⵍⵓⵎⴰⵙⵉ ⵡⵉⵙⵙ ⵎⵔⴰⵡ ⵉⵏⵏⵓⵕⵥⵎⵏ ⴳ ⵜⵎⴰⵥⵓⵏⵜ ⵏ ⵚⵚⵃⵕⴰ ⵜⵎⵖⵔⴰⴱⵉⵜ ⴳ ⵢⴰⵏ ⵓⵙⴳⴳⵯⴰⵙ.

ⴰⴳⴰⴷⵉⵔ - ⵉⵖⵜⵙ ⵓⴳⵔⴰⵡ ⵉⵥⵍⵉⵏ ⵉⵜⵜⵓⵙⵎⴰⴳⵍⵏ ⵏ ⵓⴹⴼⴼⴰⵕ ⵏ ⵡⵓⴷⴷⴰⴷ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴳ ⵓⵙⵡⵉⵔ ⵏ ⵜⵎⵏⴱⴰⴹⵜ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ ⴰⴷ ⵢⴰⵎⵥ ⵎⵏⵏⴰⵡ ⵏ ⵉⵎⴰⴽⵏ ⵏ ⵓⵔⴰⵢ ⵏ ⵓⵡⵓⵜⵜⵓ ⵏ ⵓⵙⴼⵙⵔ ⵏ ⵓⴼⵉⵔⵓⵙ "ⴽⵓⴼⵉⴷ-19" ⴷⴼⴼⵉⵔ ⵏ ⵜⵙⵎⵓⵏⵉ ⵏ ⴰⵙⵙ ⴰⴷ ⵏ ⵓⵙⵉⵎⵡⴰⵙ.

ⵕⵕⴱⴰⵟ - ⵜⵙⴳⵓⵔⴰ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⴹ ⵍⵍⵉ ⵏ ⴰⵙⵙ ⵏ ⵓⵢⵏⴰⵙ, ⵎⴰⵙ ⵉⵜⵜⵓⵖⵜⵙ ⴰⴷ ⵉⵜⵜⵓⵙⴽⴰⵔ ⵉⵔⵉⵎ ⴰⵏⵎⵏⴰⴹ ⴰⵎⵙⵢⵉⵡⵏ ⵏ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵍⴱⴰⴽⴰⵍⵓⵕⵢⴰ ⴳ ⵓⵙⵙⴰⵏ 1 ⴷ 2 ⴷ 3 ⴽⵟⵓⴱⵔ 2020 ⵉⵖ ⵢⵓⴼ ⵓⴷⴷⴰⴷ ⵏ ⵓⴱⴰⵢⵢⵓⵕ ⴳ ⵜⴳⵍⴷⵉⵜ.

ⵕⵕⴱⴰⵟ - ⵜⵙⴷⴷⵉⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵎⴰⵙ ⵉⵅⵚⵚⴰ ⵉ ⵢⵏⴰⵎⵓⵔⵉⵏ ⴷ ⵜⵉⵏⴰⵎⵓⵔⵉⵏ ⴳ ⵓⵙⴽⵔ ⵏ ⵙⵎⴰⵢⵏⵓ ⵏ ⵜⴽⵕⴹⴰ ⵜⴰⵎⴳⵉⵜ ⵜⵉⵍⵉⴽⵟⵕⵓⵏⵉⵜ ⴰⴷ ⵣⵣⵔⴰⵢⵉⵏ ⴳ ⵓⵣⵓⵛⵛⵍ ⴳ ⵢⴰⵜ ⵜⵡⵍⴰⴼⵜ ⵜⴰⵎⴰⵣⵡⴰⵔⵓⵜ ⴳ ⵍⴱⴷⵓ ⵏ 03 ⵛⵓⵜⴰⵏⴱⵉⵔ 2020 ⵜⵡⵡⵓⵔⵜ ⵜⵉⵍⵉⴽⵟⵕⵓⵏⵉⵜ ⵜⵜⵓⵙⵔⵙⵏ ⴳ ⵓⵙⴰⵜⵉ ⴷⵖ ⴳ ⵓⵣⵡⵍⵏ WWW.CNIE.MA ⵎⵔⴰ ⴰⴷ ⵢⴰⵎⵣⵏ ⵢⴰⵏ ⵓⵏⵎⵓⵇⵇⴰⵔ ⵢⵓⵛⴽⴰⵏ ⵏ ⵓⵙⵙⵓⴼⵖ ⵏ ⵜⴽⵕⴹⴰ ⵏ ⵜⵎⴰⴳⵉⵜ ⴳ ⵉⵙⵓⵜⵍⵏ ⵉⴼⵓⵍⴽⵉⵏ .