Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵎⴽⵜⵉⵜ ⵜⵉⵙⵙ 50 ⵏ ⵜⵓⴳⵉ ⵏ ⵜⵎⵙⵎⵓⵏⵜ "ⵍⵎⴰⵏⴰⵕ" ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵉⵏⵢⴰⵎⴰⵏⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵎⴽⵜⵉⵜ ⵜⵉⵙⵙ 50 ⵏ ⵜⵓⴳⵉ ⵏ ⵜⵎⵙⵎⵓⵏⵜ "ⵍⵎⴰⵏⴰⵕ" ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵉⵏⵢⴰⵎⴰⵏⵏ

06 ⵎⴰⵕⵚ 2019 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵎⴽⵜⵉⵜ ⵜⵉⵙⵙ 50 ⵏ ⵜⵓⴳⵉ ⵏ ⵜⵎⵙⵎⵓⵏⵜ "ⵍⵎⴰⵏⴰⵕ" ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵉⵏⵢⴰⵎⴰⵏⵏ.

ⴷⴼⴼⵉⵔ ⵍⵍⵉⵖ ⵜⵜⵓⵖⵕⴰⵏ ⴽⵔⴰ ⵏ ⵍⴰⵢⴰⵜ ⵏ ⵍⵇⵓⵕⴰⵏ ⵍⵄⴰⴹⵉⵎ ⵙⴳ ⵢⴰⵏ ⵡⴼⵔⵓⵅ ⵏ ⵓⵎⵎⴰⵙ, ⵜⵖⵕⴰ ⵎⴰⵙⵙⴰ ⴰⵏⵉ ⵍⵥⵕⵇ, ⵜⴰⵏⵎⵀⴰⵍⵜ ⵏ ⵜⵎⵔⵙⵍⵜ ⵏ ⵜⵎⵙⵎⵓⵏⵜ ⵏ "ⵍⵎⴰⵏⴰⵕ" ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵢⴰⵜ ⵜⵉⵏⴰⵡⵜ ⴳ ⵉⵣⵎⵣⵣⵓ ⵢⴰⴷ, ⵍⵍⵉⵖ ⵜⵙⴰⵡⵍ ⵅⴼ ⵜⵓⴳⴳⴰⵣ ⵍⵍⵉ ⵢⵙⴽⵔ ⵓⵎⵎⴰⵙ ⴳ 50 ⵓⵙⴳⴳⵯⴰⵙ. 

ⵜⵣⵓⵍ ⵙⵓⵍ ⵜⵓⴳⴳⴰⵣ ⵏ ⵓⵎⵢⴰⵡⴰⵙ ⵉⵙⵎⴰⵏⵏ ⵜⵎⵙⵙⵓⴳⵓⵔⵜ ⵏ ⵜⵎⵙⵎⵓⵏⵜ ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ, ⵓⵍⴰ ⴰⵏⴰ ⵍⵍⵉ ⴼⴽⴰⵏⵜ ⵎⵏⵏⴰⵡ ⵏ ⵜⵎⵙⵙⵓⵔⵉⵏ ⴳ ⵉⴳⵔ ⵏ ⵜⵎⵓⵏⵜ ⴷ ⵉⴼⵔⵅⴰⵏ ⵏ ⵓⵎⵎⴰⵙ ⴷ ⵓⵙⵙⴽⵛⵎ ⵏⵏⵙⵏ ⴳ ⵓⴳⴰⴷⴰⵣ ⵏ ⵜⵡⵓⵔⵉ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵜⵜⵓⵎⵍⴰ ⵢⴰⵏ ⵍⴼⵉⵍⵎ ⵉⵙⴰⵡⵍ ⵅⴼ ⵜⵡⵓⵔⵉ ⵏ ⵜⵎⵙⵎⵓⵏⵜ ⴰⵎⵎⴰⵙ ⵏ 50 ⵓⵙⴳⴳⵯⴰⵙ, ⵎⴰⴷ ⵜ ⵉⴹⴼⵕⵏ ⵢⴰⵜ ⵜⵓⴳⴳⴰ ⵏ ⵢⴰⵜ ⵜⵄⵔⵔⵉⵎⵜ ⵍⵍⵉ ⵢⵙⵙⴱⵖⵔⵏ ⵙⴳ ⵜⵏⴰⴼⵓⵜⵉⵏ ⵏ ⵓⵎⵎⴰⵙ ⴷ ⵍⵍⵉ ⵢⵥⴹⴰⵕⵏ ⴰⴷ ⵜⴽⵛⵎ ⴳ ⵓⴳⴰⴷⴰⵣ ⵏ ⵜⵡⵓⵔⵉ.  

ⴳ ⵢⴰⵜ ⵜⵉⵏⴰⵡⵜ ⵢⴰⴹⵏⵉⵏ, ⵜⵏⵏⴰ ⵎⴰⵙⵙⴰ ⴼⵓⵣⵢⵢⴰ ⵍⵄⵣⵣⵓⵣⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵙⵎⵓⵏⵉⵏ ⵉⵜⵜⵡⵓⵔⵉⵏ ⴳ ⵉⴳⵔ ⵏ ⵓⵎⵎⵓⵄⴹⵕ, ⵍⵍⵉ ⵢⵟⵟⴰⴼⵏ ⵓⵙⵖⵉⵎ ⵏⵏⵙ ⴳ ⵓⵎⵎⴰⵙ ⵏ "ⵍⵎⴰⵏⴰⵕ", ⵎⴰⵙⵙ ⵜⴰⵎⵓⵏⵜ ⴰⴷ ⵜⵓⵛⴽⴰ ⴹⴼⴼⵉⵕ ⵏ ⵜⵙⵏⵜⴰⵢⵜ ⵍⵍⵉ ⵙⴽⵔⵏ ⵎⵏⵏⴰⵡ ⵏ ⵜⵎⵙⵎⵓⵏⵉⵏ ⴳ ⵉⴳⵔ ⵏ ⵓⵎⵎⵓⵄⴹⵕ ⴳ ⵜⴳⵍⴷⵉⵜ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵙⵎⵓⵏⵜ ⵏ ⵙⵏⴰⵜ ⵏ ⵜⵎⵢⴰⵇⵇⴰⵏⵉⵏ. ⵜⴰⵎⵣⵡⴰⵔⵓⵜ ⴷ ⵓⵙⵉⵔⴰ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵏ ⵡⴰⵎⴰⵏ ⵉⵜⵜⵓⵙⵡⴰⵏ, ⵎⴰ ⵢⴰⴷ ⵙⴳⵎⴹⵏⵜ ⵎⴰⵙⵙⴰ ⴰⵏⵉ ⵍⵥⵕⵇ ⴷ ⵎⴰⵙⵙ ⵄⴱⴷⵕⵕⴰⵃⵉⵎ ⵍⵃⴰⴼⵉⴹⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ. ⴰⵎⵎⴰ ⵜⵉⵙⵙ ⵙⵏⴰⵜ, ⵜⵜⵓⵙⴳⵎⴰⴹ ⴷ ⵜⵙⵏⵓⵕⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴽⵔⴰ ⵙ ⵓⵙⵡⵡⵓⵔⵉ ⴷ ⵜⵉⵙⵓⴳⵔⵉⵏ, ⵍⵍⵉ ⵙⴳⵎⴹⵏ ⵎⴰⵙⵙⴰ ⵍⵥⵕⵇ ⴷ ⵎⴰⵙⵙ ⵄⴱⴷⵍⵎⵓⵏⵄⵉⵎ ⵍⵎⴰⴷⴰⵏⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵕⴰⵢⵜ. 

ⴳ ⵓⵣⵎⵣⵣⵓ ⵢⴰⴷ, ⵜⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴷⴰⵔ ⵜⵉⴷⴰⵍⵉⵏ ⵏ ⵓⵙⵍⵎⴷ ⴷ ⵜⵎⵖⵔⵉⵏ ⵏ ⵉⵏⵍⵎⴰⴷⵏ ⴷ ⵏ ⵉⵎⵙⴳⵎⴰⵏ ⵉⴹⴼⴰⵕⵏ ⵉ ⵜⵙⵏⵓⵕⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴽⵔⴰ ⵙ ⵓⵙⵡⵡⵓⵔⵉ ⴷ ⵜⵉⵙⵓⴳⵔⵉⵏ, ⴷⴰⵜ ⴰⴷ ⵜⴰⵎⵥ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⴰⵢ. 

ⵍⵍⵉⵖ ⵢⴰⴷ ⵍⵍⵉ ⵜⵍⴽⵎ ⵙ ⵓⵎⵎⴰⵙ ⵏ ⵍⵎⴰⵏⴰⵕ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵜ ⵉⵣⵓⵍⵏ, ⴷⴰⵜ ⴰⴷ ⵜ ⵣⵓⵍⵏ, ⵙⵍⴰⵡⴰⵏ ⴰⴽⴽⵯ, ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴷ ⵜⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵓⵎⵙⵇⴰⴷ ⵏ ⴼⵕⴰⵏⵚⴰ ⴳ ⵍⵎⵖⵔⵉⴱ, ⴷ ⵍⵡⴰⵍⵉ ⵏ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 06 ⵎⴰⵕⵚ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%BD%E2%B5%9C%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%8E%E2%B4%BD%E2%B5%9C%E2%B5%89%E2%B5%9C