Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴰⵎⵎⴰⵙ ⵏ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵓⴳⵔⴰⵡ ⵏ ⵓⵏⵣⵡⵉ ⵉⵥⵍⵉⵏ ⵙ ⵜⵙⴳⴰ ⵏ ⵙⵙⴰⵃⵉⵍ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴰⵎⵎⴰⵙ ⵏ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵓⴳⵔⴰⵡ ⵏ ⵓⵏⵣⵡⵉ ⵉⵥⵍⵉⵏ ⵙ ⵜⵙⴳⴰ ⵏ ⵙⵙⴰⵃⵉⵍ

25 ⴱⵕⴰⵢⵕ 2019 Version Imprimable
ⵏⵢⴰⵎⵉ (ⵏⵏⵉⵊⵉⵔ) - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵏⴰⵡ ⴰⵎⵎⴰⵙ ⵏ ⵜⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵓⴳⵔⴰⵡ ⵏ ⵓⵏⵣⵡⵉ ⵉⵥⵍⵉⵏ ⵙ ⵜⵙⴳⴰ ⵏ ⵙⵙⴰⵃⵉⵍ, ⵍⵍⵉ ⵢⵕⵥⵎⵏ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⵏ ⵓⵢⵏⴰⵙ ⴳ ⵏⵢⴰⵎⵉ, ⴳ ⵏⵏⵉⵊⵉⵔ.

ⵉⵖⵕⴰ ⵜⴱⵔⴰⵜ ⵜⴰⴳⵍⴷⴰⵏⵜ ⴰⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ.

ⵉⴱⴰⵢⵏ ⵉ ⵎⴷⴷⵏ ⵉⵎⵉⵣⵉⵏⵏ ⵉⵍⵍⴰⵏ ⴷⴰⵜ ⵏ ⵜⵙⴳⴰ ⵏ ⵙⵙⴰⵃⵉⵍ, ⵜⵓⵙⵙⴰⵏⵏ ⵉⵎⵉⵣⵉⵏⵏ ⴰⴷ ⴰⵛⴽⵓ ⴳⴳⵔⵏ ⵉ ⵜⵓⴷⵔⵜ ⵏ ⵉⵎⵣⴷⴰⵖⵏ ⴽⵔⴰ ⵢⴳⴰⵜⵜ ⴰⵙⵙ, ⴷ ⵟⵟⴰⴼⵏ ⵜⵓⵙⵓⵔⵜ ⵉⴹⵉⵚⵏ ⵙ ⵢⴰⵜ ⵜⵡⵍⴰⴼⵜ ⵓⵔ ⵉⵃⵍⴰⵏ ⵅⴼ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴰⴷⵍⵙⴰⵏⵜ, ⵓⵍⴰ ⵅⴼ ⴰⴳⵣⵣⵓⵎ ⵏ ⵡⴰⵍⴰⵍ ⴳ ⵜⵙⴳⴰ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ.

ⵉⴳⵔ ⴰⴷ ⴰⵙⵟⵕⴰⵜⵉⵊⵉ ⵉⴱⴰⵢⵏ, ⵓⴳⴳⴰⵔ ⵏ ⴽⵔⴰ ⵢⴳⴰⵜⵜ ⵉⴳⵔ ⵢⴰⴹⵏⵉⵏ, ⵅⴼ ⵉⴹⵉⵚ ⴰⵙⵔⵉⴷ ⵍⵍⵉ ⵢⵟⵟⴰⴼ ⵓⵡⵏⴰⴹ ⵅⴼ ⵜⵙⵓⵜⵍⴰⵏ ⵏ ⵜⵓⴷⵔⵜ, ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

"ⴳⴰⵏ ⵓⴷⵔⵓⵙ ⵏ ⵓⵜⵛⵉ ⴷ ⴰⴳⴳⵯⵣ ⵏ ⵎⴰⴷ ⵉⵜⵜⵓⵙⵎⴰⵏⵏ ⵏ ⵡⴰⵎⴰⵏ ⴷ ⴰⵙⵏⵣⵔⵓⴼ ⵜⵉⵢⴰⴼⵓⵜⵉⵏ ⵖⵓⵔⵙⵏ ⵜⵓⵇⵇⵏⵉⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵔⴰⴷ ⴷⵃⵉⵏ ⵜⵉⵄⵄⵓⵔⵎⴰ ⵏⵏⵖ ⴰⴷ ⴰⵎⵥⵏ ⴰⵖⴰⵔⴰⵙ ⵏ ⵜⵎⵣⵡⴰⴳⵜ, ⵎⴰⴷ ⵔⴰⴷ ⵢⴰⴽⵓⵔ ⵉ ⵡⵎⵏⵣⴰⵡ ⴰⴼⵔⵉⵇⵉ ⵏⵏⵖ ⵢⴰⵜ ⵜⴼⵓⵍⵜ ⵜⴰⴷⴷⵓⵔⵜ ⵏ ⵉⴷⵓⵙⵏ ⵉⴷⴷⵔⵏ ⵏⵏⵙ", ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

"ⵏⵎⴰⵏ ⴳⵉⴷ ⴳ ⵏⵢⴰⵎⵉ, ⵜⵍⵍⴰ ⴷⴰⵔⵏⵖ ⵢⴰⵜ ⵜⵉⵔⴰⵜ ⴰⴷ ⵏⵙⵓⴷⵙ ⵉⵙⵡⵓⴷⴷⵓⵏ ⵏⵏⵖ ⴷ ⵉⵙⵎⵓⵏⵉⵏ ⵏⵏⵙⵏ, ⵙ ⵜⵙⵓⵎⵔⵉⵏ ⵜⵉⵎⴰⵢⵏⵓⵜⵉⵏ, ⴰⵛⴽⵓ ⵙ ⵓⵕⵥⵥⵓⵎ ⵏ ⵜⵖⵡⵙⴰ ⵏ ⵓⵙⵙⵔⵓⵏ ⵏ ⵓⵏⵣⵡⵉ ⵏ ⵜⵙⴳⴰ ⵏ ⵙⵙⴰⵃⵉⵍ ⴷ ⴰⵖⴰⵡⴰⵙ ⵏⵏⵙ ⵉⵟⵟⴰⴼⵏ ⵜⴰⵎⵣⵡⴰⵔⵓⵜ ⵉⴷⴷⵓⵔⵏ, ⵔⴰⴷ ⵜⴽⵎⵎⵍ ⵜⵎⴰⵖⵓⵏⵜ ⵏ ⵉⵙⵏⵜⵉⵏ ⵉⴷⴷⵓⵔⵏ ⴷ ⵉⵅⵚⵚⴰⵏ, ⵍⵍⵉ ⵢⴱⴷⴰ ⵡⵣⴳⴳⵉⵔ ⵏⵏⵙⵏ", ⵎⴰ ⵢⴰⴷ ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⴷⵖ, ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵓⵎⵔⵜ ⵏⵏⵙ ⴰⴷ ⵉⵙⴳⵓⵔ ⵅⴼ ⴰⵙⵓⵖⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⵙⴽⵔ ⵜⵖⵓⵔⵉⵡⵉⵏ ⵉⵅⵚⵚⴰⵏ ⵎⵔⴰ ⴰⴷ ⵜⴽⵎⵎⵍ ⵜⵖⴰⵡⵙⴰ ⵏ ⵓⵙⵙⴰⵔⵓ ⴳ ⵓⵏⵣⵡⵉ ⵢⴰⴷ.

ⴳ ⵜⵙⴳⴰ ⵢⴰⴹⵏⵉⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵥⴹⴰⵕ ⵓⴳⵔⴰⵡ ⴰⴷ ⵉⵄⵡⵡⵍ ⵅⴼ ⴰⵎⵎⴰⵙ ⵏ ⵓⵙⵏⴼⵍ ⵏ ⵓⵏⵣⵡⵉ ⴳ ⵍⵎⵖⵔⵉⴱ, ⵍⵍⵓⵎⵏ ⵎⴰⴷ ⵉⵅⵚⵚⴰⵏ ⴰⵙⴷⵓⵙ ⵏ ⵜⵎⵥⴹⴰⵕⵏ ⵏ ⵉⴳⵎⴰⵎⵏ ⵏⵏⵙ, ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⴳⴳⵯⴰⵙ ⵏ 2014, ⵎⴰ ⵢⴰⴷ ⵉⴳⴰⵏ ⵢⴰⵏ ⴰⵏⵙⴰ ⵏ ⵜⵎⵥⵍⵉⵜ ⵜⴰⵏⴰⵎⵓⵔⵜ ⴷ ⵜⴰⵎⵏⵣⴰⵡⵜ ⴳ ⵉⴳⵔ ⵏ ⵜⵏⴽⵔⴰ ⵙ ⵜⵣⵔⵉⴳⵜ ⵏ ⵜⵓⵙⵙⵏⴰ ⴷ ⵏ ⵜⵎⵙⴽⵔⵉⵏ ⵉⴼⵓⵍⴽⵉⵏ ⵖⵓⵔⵙ ⵜⵓⵇⵇⵏⵉⵏ ⴷ ⵉⵙⵏⴼⴰⵍⵏ ⵏ ⵓⵏⵣⵡⵉ.

Dernière modification : 25 ⴱⵕⴰⵢⵕ 2019
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%93%E2%B5%8F%E2%B5%A3%E2%B5%A1%E2%B5%89-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99