Published on MAPNews (https://www.mapnews.ma/am)

Accueil > ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡ ⵏ ⵉⵎⵙⴰⵙⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ
  1. Accueil
  2. Activités royales

ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵎⵏⵏⴰⵡ ⵏ ⵉⵎⵙⴰⵙⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ

13 ⴱⵕⴰⵢⵕ 2019 Version Imprimable
ⵕⵕⴱⴰⵟ - ⵙⵙⵉⵅⴼⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵔ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵓⴳⵍⵍⵉⴷ ⵏ ⵚⴱⴰⵏⵢⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼⵉⵍⵉⴱⵉ ⵡⵉⵙⵙ ⵚⴹⵉⵚ, ⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵏ ⵉⵎⵍⴰⵖⴰⵏ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ 11 ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵎⵏⵏⴰⵡ ⵏ ⵉⴳⵔⵏ.

ⴰⵎⵙⴰⵙⴰ ⴰⵎⵣⵡⴰⵔⵓ ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⵙⵔⵙⵏ ⵜⴰⴷⵔⴰⵡⵜ ⵜⴰⵙⵟⵕⴰⵜⵉⵊⵉⵜ ⵉⵟⵟⴰⴼⵏ ⵎⵏⵏⴰⵡ ⵏ ⵉⵎⵏⴰⴷⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵚⴱⴰⵏⵢⴰ. ⵉⵜⵜⵓⵙⴳⵎⴹ ⵙⴳ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏⵏ ⴷ ⵎⴰⵙⵙ ⵊⵓⵣⵉⴱ ⴱⵓⵔⵉⵍ ⵉⵢ ⴼⵓⵏⵜⵉⵍⵉⵙ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴷ ⵏ ⵓⵎⵢⴰⵡⴰⵙ.

ⵙⴳⵎⴹⵏ ⵙⵓⵍ ⵙⵉⵏ ⵉⵎⴰⵡⵙⴰⵙⵏ ⴰⴷ ⴰⵎⵙⴰⵙⴰ ⵡⵉⵙⵙ ⵙⵉⵏ, ⵎⴰ ⵢⴰⴷ ⵉⴳⴰⵏ ⴰⴱⵕⵓⵟⵓⴽⵓⵍ ⵉⴳⴳⵔⵏ ⵉ ⵜⵉⴽⴽⵉ ⵏ ⵓⵎⵣⴳⵓⵏ ⴰⵎⵇⵕⴰⵏ "ⵙⵉⵔⴼⴰⵏⵜⵉⵙ" ⵏ ⵟⴰⵏⵊⴰ.

ⴰⵎⵎⴰ ⵡⵎⵙⴰⵙⴰ ⵡⵉⵙⵙ ⴽⵕⴰⴹ, ⵉⴳⴳⵔ ⵉ ⵡⵎⵢⴰⵡⴰⵙ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵓⴱⴽⴽⵉⴹ. ⵙⴳⴹⵏ ⵜ ⵉⵎⴰⵡⵙⴰⵙⵏ ⵏ ⵓⴳⵏⵙⵓ ⵏ ⵙⵏⴰⵜ ⵜⵎⵉⵣⴰⵔ, ⵎⴰ ⵢⴰⴷ ⵉⴳⴰⵏ ⵎⴰⵙⵙ ⵄⴱⴷⵍⵡⴰⵃⴷ ⵍⴼⵜⵉⵜ ⴷ ⵎⴰⵙⵙ ⴼⵉⵏⵕⵏⴰⵏⴷⵓ ⴳⵕⴰⵏⴷⵉ ⵎⴰⵕⵍⴰⵙⴽⴰ ⴳⵓⵎⵉⵣ. 

ⴰⵎⵙⴰⵙⴰ ⵡⵉⵙⵙ ⴽⴽⵓⵥ ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⵙⵔⵙⵏ ⵜⴰⴷⵔⴰⵡⵜ ⵜⴰⵙⵟⵕⴰⵜⵉⵊⵉⵜ ⴳ ⵉⴳⵔ ⵏ ⵜⵥⴹⴰⵕⵜ, ⵎⴰ ⵢⴰⴷ ⵙⴳⵎⴹⵏ ⵎⴰⵙⵙ ⵄⴰⵣⵉⵣ ⵔⴱⴱⴰⵃ, ⴰⵎⴰⵡⵙⴰⵙ ⵏ ⵜⵣⴹⴰⵔⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ, ⴷ ⵎⴰⵙⵙ ⵅⵓⵙⵉ ⴷⵓⵎⵉⵏⴳⵉⵣ ⴰⴱⴰⵙⴽⴰⵍ, ⵉⵎⵉⵔⵉ ⵏ ⵓⵡⴰⵏⴽ ⴰⵚⴱⵍⵢⵓⵏⵉ ⵏ ⵜⵥⴹⴰⵕⵜ.

ⵙⵉⵏ ⵉⵎⵙⵜⴳⴳⴰⵔⵏ ⴰⴷ ⵙⴳⵎⴹⵏ ⵙⵓⵍ ⴰⵎⵙⴰⵙⴰ ⵡⵉⵙⵙ ⵙⵎⵎⵓⵙ, ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⴳⴳⵔⵏ ⵉ ⵜⴳⵎⵉ ⵏ ⵢⴰⵏ ⵓⵣⴷⴷⴰⵢ ⵏ ⵓⵥⴰⵕⵓⵕ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ. 

ⴰⵎⵙⴰⵙⴰ ⵡⵉⵙⵙ ⵚⴹⵉⵚ ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⴳⵔ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵙⵓⵍⴰⵢ (ⵍⵎⵖⵔⵉⴱ) ⴷ ⵜⵎⴰⵡⴰⵙⵜ ⵜⴰⵚⴱⵍⵢⵓⵏⵉⵜ ⵏ ⵜⴷⵍⵙⴰ ⴷ ⵏ ⵜⵓⵏⵏⵓⵏⵉⵏ ⵅⴼ ⵓⵎⵢⴰⵡⴰⵙ ⴳ ⵉⴳⵔ ⵏ ⵉⵙⵓⵍⴰⵢ. ⵙⴳⵎⴹⵏ ⵜ ⵎⴰⵙⵙ ⵎⵀⴷⵉ ⵇⵟⴱⵉ, ⴰⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵙⵓⵍⴰⵢ, ⴷ ⵎⴰⵙⵙ ⵅⵓⵙⵉ ⴳⵡⵉⵕⴰⵡ ⴽⴰⴱⵕⵉⵕⴰ, ⴰⵎⴰⵡⵙⴰⵙ ⴰⵚⴱⵍⵢⵓⵏⵉ ⵏ ⵜⴷⵍⵙⴰ ⴷ ⵏ ⵜⵓⵏⵏⵓⵏⵉⵏ.

ⴰⵎⵙⴰⵙⴰ ⵡⵉⵙⵙ ⵙⴰ ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⴳⵔ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵙⵓⵍⴰⵢ ⴷ ⵜⴰⵙⵏⵏⵉⵖⵜ ⵜⴰⵏⴰⵎⵓⵔⵜ ⴰⵎⵎⴰⵙ ⵏ ⵜⵥⵓⵕⵉ ⵕⵉⵢⵏⴰ ⵚⵓⴼⵢⴰ (ⵚⴱⵍⵢⵓⵏ), ⵅⴼ ⴰⵙⵓⴷⵙ ⵏ ⵢⴰⵏ ⵓⵙⴼⵙⵔ ⴳ ⵎⴰⴷⵔⵉⴷ. ⵙⴳⵎⴹⵏ ⵜ ⵎⴰⵙⵙ ⵎⵀⴷⵉ ⵇⵟⴱⵉ ⴷ ⵎⴰⵙⵙ ⵅⵓⵙⵉ ⴳⵡⵉⵕⴰⵡ ⴽⴰⴱⵕⵉⵕⴰ.

ⴰⵎⵙⴰⵙⴰ ⵡⵉⵙⵙ 8 ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⴳⵔ ⵜⵎⵃⴹⵉⵜ ⵜⴰⴳⵍⴷⴰⵏⵜ (ⵍⵎⵖⵔⵉⴱ) ⴷ ⴰⵢⴷⴰ ⴰⵏⴰⵎⵓⵔ ⵏ ⵜⴳⵍⴷⵉⵜ ⵏ ⵚⴱⴰⵏⵢⴰ, ⵅⴼ ⴰⵙⵓⴷⵙ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵎⴰⴷⵔⵉⴷ ⵏ ⵢⴰⵏ ⴰⵙⴼⵙⵔ ⵅⴼ ⵜⵉⴳⵔⵔⵓⵎⴰ ⵜⵉⴳⵍⴷⴰⵏⵉⵏ ⵏ ⵙⵏⴰⵜ ⵜⵎⵉⵣⴰⵔ. ⵙⴳⵎⴹⵏ ⵜ ⵎⴰⵙⵙⴰ ⴱⴰⵀⵉⵊⴰ ⵙⵉⵎⵓ, ⵜⴰⵏⵎⵀⴰⵍⵜ ⵏ ⵜⵎⵃⴹⵉⵜ ⵜⴰⴳⵍⴷⴰⵏⵜ, ⴷ ⵎⴰⵙⵙ ⴰⵍⴼⵕⵉⴹⵓ ⴱⵉⵔⵉⵣ ⴷⵉ ⴰⵔⵎⵉⵏⴰⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⴰⵢⴷⴰ ⴰⵏⴰⵎⵓⵔ ⵏ ⵚⴱⴰⵏⵢⴰ. 

ⴰⵎⵙⴰⵙⴰ ⵡⵉⵙⵙ 9 ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵢⴰⵡⴰⵙ ⵉⴳⵎⴰⵏ ⵅⴼ ⴰⵙⵔⵙ ⵏ ⵓⵎⴰⵜⵜⵉⵡ ⵏ ⵓⵙⵙⵔⵅⵓ ⵏ ⵓⵎⵓⵙⵙⵓ ⵏ ⵓⵙⵖⵏⵣⵉ ⴷ ⵏ ⵉⵎⵙⵙⵓⴷⵓⵏ ⴰⵎⵎⴰⵙ ⵏ ⵍⵎⴹⵢⵇ ⵏ ⵊⴰⴱⴰⵍ ⵟⴰⵕⵉⵇ. ⵙⴳⵎⴹⵏ ⵜ ⵎⴰⵙⵙ ⴼⵓⴻⴰⴷ ⴱⵔⵉⵏⵉ, ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵓⵏⴱⴰⴹ ⵏ ⵓⴼⵜⴰⵙ ⵏ ⵉⵍⵍ ⴰⵏⴰⵎⵎⴰⵙ ⵓⵎⵍⵉⵍ ⵏ ⵟⴰⵏⵊⴰ, ⴷ ⵎⴰⵏⵡⵉⵍ ⵎⵓⵕⵓⵏ ⵍⵉⴹⵕⵓ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵏⴱⴰⴹ ⵏ ⵓⴼⵜⴰⵙ ⵏ ⴰⵍⵊⵉⵣⵉⵔⴰⵙ. 

ⴰⵎⵙⴰⵙⴰ ⵡⵉⵙⵙ 10 ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵢⴰⵡⴰⵙ ⴳⵔ ⵜⴰⵎⵙⵙⵓⵔⵜ "ⵕⵡⴰⵢⴰⵍ ⵉⵕ ⵎⴰⵕⵓⴽ" (ⵍⴰⵕⴰⵎ) ⴷ "ⵉⴱⵉⵔⵢⴰ ⵉⵕⵍⴰⵢⵏⵣ". ⵙⴳⵎⴹⵏ ⵜ ⵎⴰⵙⵙ ⵄⴱⴷⵍⵃⴰⵎⵉⴷ ⵄⴷⴷⵓ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ "ⵍⴰⵕⴰⵎ", ⴷ ⵍⵡⵉⵙ ⴳⴰⵢⵉⴳⵓ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ "ⵉⴱⵉⵔⵢⴰ".

ⴰⵎⵙⴰⵙⴰ ⵡⵉⵙⵙ 11 ⵉⴳⴰ ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵢⴰⵡⴰⵙ ⵅⴼ ⵜⵡⵉⵙⵉ ⴷ ⵓⵎⵢⴰⵡⴰⵙ ⵉⵛⵛⴰⵔⵏ ⴳⵔ ⵓⵏⴱⴰⴹ ⴰⵎⵖⵔⴰⴱⵉ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴷ ⵜⴰⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⴳⴰⴷⴰⵣ ⵏ ⵉⵜⵉⴳⵏ. ⵙⴳⵎⴹⵏ ⵜ ⵎⴰⵙⵙⴰ ⵏⵣⵀⴰ ⵃⴰⵢⴰⵜ, ⵜⴰⵏⵙⵙⵉⵅⴼⵜ ⵏ ⵓⵏⴱⴰⴹ ⴰⵎⵖⵔⴰⴱⵉ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴷ ⵎⴰⵙⵙ ⵙⵉⴱⴰⵙⵜⵢⴰⵏ ⴰⵍⴱⵉⵍⵍⴰ ⴰⵎⵉⴳⵓ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⴳⴰⴷⴰⵣ ⵏ ⵉⵜⵉⴳⵏ.

ⵜⵣⵔⵉ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵉⵎⵙⴰⵙⴰⵏ ⴰⴷ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵏ ⵉⵏⵙⵙⵉⵅⴼⵏ ⵏ ⵙⵏⴰⵜ ⵜⵙⵇⵇⵉⵎⵉⵏ ⵏ ⵓⴱⵕⵍⴰⵎⴰⵏ, ⴷ ⵏ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⵓⵍⴰ ⵡⴽⴰⴱⴰⵕ ⴰⵎⴰⴷⴷⵓⴷ ⵉⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴹⵓⵏ ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⵏ ⵚⴱⴰⵏⵢⴰ. 

Dernière modification : 14 ⴱⵕⴰⵢⵕ 2019
Source URL: https://www.mapnews.ma/am/activites-royales/%E2%B5%99%E2%B5%99%E2%B5%89%E2%B5%85%E2%B4%BC%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%BC%E2%B5%89%E2%B5%8D%E2%B5%89%E2%B4%B1%E2%B5%89-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A