Published on MAPNews (https://www.mapnews.ma/am)

Accueil > ⵔⴰⴷ ⵙⴽⵔⵏ ⵉⴳⵍⴷⴰⵏⵏ ⵏ ⵜⴳⵍⴷⵉⵜ ⵏ ⵚⴱⵍⵢⵓⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ ⴳ ⵡⵙⵙⴰⵏ 13 ⴷ 14 ⴱⵕⴰⵢⵕ
  1. Accueil
  2. Activités royales

ⵔⴰⴷ ⵙⴽⵔⵏ ⵉⴳⵍⴷⴰⵏⵏ ⵏ ⵜⴳⵍⴷⵉⵜ ⵏ ⵚⴱⵍⵢⵓⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ ⴳ ⵡⵙⵙⴰⵏ 13 ⴷ 14 ⴱⵕⴰⵢⵕ

11 ⴱⵕⴰⵢⵕ 2019 Version Imprimable
ⵕⵕⴱⴰⵟ - ⵜⵏⵏⴰ ⵜⵎⴰⵡⴰⵙⵜ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴷ ⵏ ⵓⴱⵕⵓⵜⵓⴽⵓⵍ ⵎⴰⵙ ⵙ ⵜⵖⵓⵔⵉ ⵜⴰⵎⴰⴽⴽⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵔⴰⴷ ⵙⴽⵔⵏ ⵉⴳⵍⴷⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴹⵓⵏ" ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴳⵍⵍⵉⴷⵜ "ⴹⵓⵏⵢⴰ" ⵍⵉⵜⵉⵜⵢⴰ, ⵉⴳⵍⴷⴰⵏⵏ ⵏ ⵜⴳⵍⴷⵉⵜ ⵏ ⵚⴱⵍⵢⵓⵏ ⵢⴰⵏ ⵓⵔⵣⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ, ⵡⵙⵙⴰⵏ ⵏ ⵓⴽⵕⴰⵙ ⴷ ⵓⴽⵡⴰⵙ ⴰⴷ ⵢⵓⵛⴽⴰⵏ.

ⵀⴰ ⵎⴰ ⵢⵏⵏⴰ ⵡⵙⵉⵡⴹ ⴰⴷ:

"ⵙ ⵜⵖⵓⵔⵉ ⵜⴰⵎⴰⴽⴽⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵔⴰⴷ ⵙⴽⵔⵏ ⵉⴳⵍⴷⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴹⵓⵏ" ⴼⵉⵍⵉⴱⵉ ⵡⵉⵙⵙ ⵚⴹⵉⵚ ⴷ ⵜⴰⴳⵍⵍⵉⴷⵜ "ⴹⵓⵏⵢⴰ" ⵍⵉⵜⵉⵜⵢⴰ, ⵉⴳⵍⴷⴰⵏⵏ ⵏ ⵜⴳⵍⴷⵉⵜ ⵏ ⵚⴱⵍⵢⵓⵏ, ⵢⴰⵏ ⵓⵔⵣⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⵡⵙⵙⴰⵏ ⵏ ⵓⴽⵕⴰⵙ ⴷ ⵓⴽⵡⴰⵙ ⴰⴷ ⵢⵓⵛⴽⴰⵏ, 07 ⴷ 08 ⵊⵓⵎⴰⴷⴰ ⵡⵉⵙⵙ ⵙⵉⵏ 1440 ⵉⵎⴰⵏⵏ ⴷ 13 ⴷ 14 ⴱⵕⴰⵢⵕ 2019 ⴰⵎⵉⵍⴰⴷⵉ.

ⴳ ⵓⵣⵎⵣⵣⵓ ⴷⵖ, ⵔⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵃⴼⴹ ⵕⵕⴱⵉ, ⵉⵎⴷⴰⴽⴰⵕⵏ ⵉⵎⴰⴷⴷⵓⴷⵏ ⴷ ⵓⵏⴱⴳⵉ ⴰⵎⵇⵕⴰⵏ ⵏⵏⵙ, ⴷ ⵔⴰⴷ ⵉⵙⵙⵉⵅⴼ ⴰⵙⴳⵎⴹ ⵅⴼ ⵜⵎⵢⴰⵇⵇⴰⵏⵉⵏ ⴳⵔ ⵙⵏⴰⵜ ⵏ ⵜⵎⵉⵣⴰⵔ.

ⵔⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⵕⴱⵉ, ⵢⴰⵏ ⵉⵎⵏⵙⵉ ⵅⴼ ⴰⴷⴷⵓⵔ ⵏ ⵉⴳⵍⴷⴰⵏⵏ ⵏ ⵜⴳⵍⴷⵉⵜ ⵏ ⵚⴱⵍⵢⵓⵏ ⴷ ⵓⴽⴰⴱⴰⵕ ⵍⵍⵉ ⴷⵉⵜ ⵉⵎⴰⵏⵏ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ.

ⵉⵎⵍⴰ ⵓⵔⵣⴼ ⴰⴷ ⵜⴰⵎⴰⵜⴰⵔⵜ ⵏ ⵜⵖⴱⵉ ⵏ ⵜⵓⵇⵇⵏⵉⵏ ⵜⵉⵙⵉⵏⵔⴰⵏⵉⵏ, ⵙ ⵜⵉⵔⴰⵜ ⵉⵛⵛⴰⵔⵏ ⵙ ⵜⵏⴽⵔⴰ ⵙ ⵜⴷⵔⴰⵡⵜ ⵜⴰⵙⵟⵕⴰⵜⵉⵊⵉⵜ ⵏ ⵎⵛⵜⴰ ⵢⵎⵏⵉⵏⵏ, ⵍⵍⵉ ⵢⵙⵎⴰⵏⵏ ⵙⵏⴰⵜ ⵏ ⵜⵎⵉⵣⴰⵔ ⵜⵉⴹⵊⴰⵕⵉⵏ ⵜⵉⵎⴷⵓⴽⴽⴰⵍⵉⵏ."

Dernière modification : 11 ⴱⵕⴰⵢⵕ 2019
Source URL: https://www.mapnews.ma/am/activites-royales/%E2%B5%94%E2%B4%B0%E2%B4%B7-%E2%B5%99%E2%B4%BD%E2%B5%94%E2%B5%8F-%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%8F-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F-%E2%B5%9A%E2%B4%B1%E2%B5%8D%E2%B5%A2%E2%B5%93%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%A1%E2%B5%99%E2%B5%99%E2%B4%B0%E2%B5%8F-13-%E2%B4%B7-14