Published on MAPNews (https://www.mapnews.ma/am)

Accueil > ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵍⴽⵓⵎⵟ ⵏ ⴱⴰⵔⵉⵣ, ⵀⵓⵏⵔⵉ ⴷⵓⵕⵍⵉⵢⵓⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵍⴽⵓⵎⵟ ⵏ ⴱⴰⵔⵉⵣ, ⵀⵓⵏⵔⵉ ⴷⵓⵕⵍⵉⵢⵓⵏ

02 ⴱⵕⴰⵢⵕ 2019 Version Imprimable
ⴷⵔⵓ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵍⴽⵓⵎⵟ ⵏ ⴱⴰⵔⵉⵣ, ⵀⵓⵏⵔⵉ ⴷⵓⵕⵍⵉⵢⵓⵏ, ⵍⵍⵉ ⵢⵣⵔⵉⵏ ⴳ ⵜⵣⴷⵡⵉⵜ ⵏ ⴰⵙⵙ ⵏ ⵓⵙⵉⴹⵢⴰⵙ ⴳ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ ⵜⴰⴳⵍⴷⴰⵏⵜ ⵏ "ⵙⴰⵏ ⵍⵡⵉ" ⴳ ⴷⵔⵓ (80 ⴰⴽⵉⵍⵓⵎⵉⵜⵔ ⵙⴳ ⴱⴰⵔⵉⵣ).

ⵍⵍⵉⵖ ⵉⵍⴽⵎ ⵙ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ, ⵉⵜⵜⵓⵙⵏⵓⴱⴰⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⵍⵍⵉ ⵢⵎⴰⵏⵏ ⴷ ⵢⴰⵏ ⵓⴽⴰⴱⴰⵕ ⴰⵎⴰⴷⴷⵓⴷ ⵉⵙⵎⴰⵏⵏ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ, ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ, ⴰⵎⵙⴽⴰⴷ ⵏ ⵍⵎⵖⵔⵉⴱ ⴳ ⴼⵕⴰⵏⵚⴰ, ⵙⴳ ⵉⵡⵙ ⵏ ⵉⴳⵍⵍⵉⵏ, ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵊⴰⵏ ⴷⵓⵕⵍⵉⵢⴰⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵢⵓⵎⵥ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴰⵏⵙⴰ ⵏⵏⵙ ⴳ ⵓⴷⵔⴰⵙ ⴰⵎⵣⵡⴰⵔⵓ ⵏ ⵉⵡⵔⵉⴽⵏ ⵍⵍⵉ ⵢⵃⴰⴹⵕⵏ, ⵜⴰⵎⴰ ⵏ ⵜⴳⵍⴷⵉⵜ ⵚⵓⴼⵢⴰ ⵏ ⵚⴱⴰⵏⵢⴰ ⴷ ⴰⴳⵍⴷⵓⵏ ⴰⵍⴱⵉⵕ ⵏ ⵎⵓⵏⴰⴽⵓ.

ⴼⴽⴰⵏ ⵉⴳⵎⴰⵎⵏ ⵏ ⵜⵡⵊⴰ ⵏ ⵍⴽⵓⵎⵟ ⵏ ⴱⴰⵔⵉⵣ, ⵍⵍⵉ ⵢⵎⵎⵓⵜⵏ ⴰⵙⵙ ⵏ 21 ⵉⵏⵏⴰⵢⵔ ⵉⵣⵔⵉⵏ ⴳ ⵓⵡⵜⴰⵢ ⵏ 85 ⵓⵙⴳⴳⴰⵙ, ⴰⵙⵎⵖⵔ ⵉⵔⵖⴰⵏ ⴱⴰⵀⵔⴰ ⵅⴼ ⵉⴳⵍⵍⵉⵏ ⴷ ⵙⴰⵡⵍⵏ ⵅⴼ ⵜⵡⵓⵔⵉⵡⵉⵏ ⵉⴼⵓⵍⴽⵉⵏ ⵍⵍⵉ ⵢⵙⴽⵔ ⴳ ⵜⵓⴷⵔⵜ ⵏⵏⵙ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴱⵉⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴷⴰⵜ ⵏ ⵍⵇⴱⵕ ⵏ ⵉⴳⵍⵍⵉⵏ ⴷⴰⵜ ⴰⴷ ⵉⴼⴽ ⴰⴼⵛⴰⴷ ⵏⵏⵙ ⵉ ⵡⵎⴽⴽⵓⵙⵓ ⵏ ⵜⴳⵍⴷⵉⵜ ⵊⴰⵏ ⴷⵓⵕⵍⵉⵢⵓⵏ, ⵓⵍⴰ ⵉⴳⵎⴰⵎⵏ ⵏ ⵜⵡⵊⴰ ⵏⵏⵙ.

ⵍⵍⵉⵖ ⵉⵜⵎⵎⴰ ⵡⵏⵙⴰⵢ ⴰⴷ, ⵉⴱⴹⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴷ ⵜⵡⵊⴰ ⵏ ⵍⴽⵓⵎⵟ ⵏ ⴱⴰⵔⵉⵣ ⴷⴰⵜ ⴰⴷ ⵢⴰⵊⵊ ⵜⴰⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ ⵜⴰⴳⵍⴷⴰⵏⵜ ⵏ "ⵙⴰⵏ ⵍⵡⵉ ⴷⵓ ⴷⵔⵓ".

ⵉⵍⵓⵍ ⵀⵓⵏⵔⵉ ⴷⵓⵕⵍⵉⵢⵓⵏ ⴰⵙⵙ ⵏ 14 ⵢⵓⵏⵢⵓ 1933 ⴳ ⵜⴳⴰⴷⵉⵔⵜ ⵏ "ⴰⵏⵊⵓ", ⵜⴰⵎⴰ ⵏ ⴱⵔⵓⴽⵙⵉⵍ. ⵉⴳⴳⵣ ⵙⴳ ⵍⵡⵉⵙ ⴼⵉⵍⵉⴱ ⴰⵎⵣⵡⴰⵔⵓ, ⴰⴳⵍⵍⵉⴷ ⵉⴳⴳⵔⴰⵏ ⵏ ⴼⵕⴰⵏⵚⴰ, ⵍⵍⵉ ⵢⵃⴽⵎⵏ ⵙⴳ 1830 ⴰⵔ 1848.

Dernière modification : 03 ⴱⵕⴰⵢⵕ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7