Published on MAPNews (https://www.mapnews.ma/am)

Accueil > ⵉⵙⵎⴰⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵕⵥⵥⵓⵎ ⵏ ⵉⵎⴰⵍⴰⵙⵙ ⵏ ⴰⴱⵓ ⴹⴰⴱⵉ ⵏ ⵜⵙⵓⵍⴰⵏⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵎⴰⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵕⵥⵥⵓⵎ ⵏ ⵉⵎⴰⵍⴰⵙⵙ ⵏ ⴰⴱⵓ ⴹⴰⴱⵉ ⵏ ⵜⵙⵓⵍⴰⵏⵜ

14 ⵉⵏⵏⴰⵢⵔ 2019 Version Imprimable
ⴰⴱⵓ ⴹⴰⴱⵉ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⵎⴰⴷⴷⵓⴷ ⵏ ⵉⵎⴰⵍⴰⵙⵙ ⵏ ⵜⵙⵓⵍⴰⵏⵜ ⴳ ⴰⴱⵓ ⴹⴰⴱⵉ 2019, ⵓⵍⴰ ⵜⵉⴽⴽⵉ ⵏ ⵡⴰⵜⵉⴳ ⵏ ⵜⵡⴰⵍⴰ ⵜⵉⵙⵙ 11 ⵏ "ⵜⴰⵙⵎⵖⵓⵔⵜ ⵛⵛⵉⵅ ⵣⴰⵢⴷ ⵏ ⵜⵙⵓⵍⴰⵏⵜ".

ⵍⵍⵉⵖ ⵉⵍⴽⵎ ⵙ ⵓⵎⵎⴰⵙ ⴰⵏⴰⵎⵓⵔ ⵏ ⵓⵙⴼⵙⵔ ⵏ ⴰⴱⵓ ⴹⴰⴱⵉ, ⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵛⵛⵉⵅ ⵀⴰⵣⵣⴰⵄ ⴱⵏ ⵣⴰⵢⵔ ⴰⵍ ⵏⴰⵀⵢⴰⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⵙⴽⴰⵔ ⵏ ⵍⵉⵎⴰⵕⴰ ⵏ ⴰⴱⵓ ⴹⴰⴱⵉ, ⴷ ⵎⴰⵙⵙ ⵄⴰⵣⵉⵣ ⵔⴱⴱⴰⵃ, ⴰⵎⴰⵡⵙⴰⵙ ⵏ ⵜⵣⴹⴰⵔⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ, ⴷ ⵎⴰⵙⵙ ⵎⵓⵃⵎⵎⴷ ⴰⵢⵜ ⵄⵍⵉ, ⴰⵎⵙⵇⴰⴷ ⵏ ⵜⴳⵍⴷⵉⵏⵜ ⴳ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏ.

ⵍⵍⵉⵖ ⵉⵙⴰⵡⵍ ⴳ ⵓⵣⵎⵣⵣⵓ ⵢⴰⴷ, ⵉⵏⵏⴰ ⵚⵓⵍⵟⴰⵏ ⴱⵏ ⴰⵃⵎⴰⴷ ⴰⵍ ⵊⴰⴱⵉⵔ, ⴰⵎⴰⵡⵙⴰⵙ ⵏ ⵓⵡⴰⵏⴽ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵓⴳⴳⵓⵔⵜ ⵏ "ⵎⴰⵚⴹⴰⵕⴰ", ⵎⴰⵙⵙ ⵍⵉⵎⴰⵕⴰⵜ ⵜⵉⵄⵕⴰⴱⵉⵢⵏ ⵉⵎⵓⵏⵏ ⴷⵔⴰⵏⵜ ⵉⵔⵉⵎ ⵏⵏⵙⵏ ⵉⴳⵍⴰⵏ ⴳ ⵉⴳⵔ ⵏ ⵜⵥⴹⴰⵕⵜ, ⵎⴰ ⵢⴰⴷ ⵉⵙⴳⴳⵓⵙⵏ ⵜⵓⴳⴳⴰⵣ ⴳ ⵉⴳⵔ ⵏ ⵜⵥⴹⴰⵕⵜ ⵉⵣⴷⴳⴰⵏ ⴷ ⵜⴰⵙⵓⵍⴰⵏⵜ.

ⵉⵙⴰⵡⵍ ⵉⵎⴰⵍⴰⵙ ⵏ ⴰⴱⵓ ⴹⴰⴱⵉ ⵅⴼ ⵜⵙⵓⵍⴰⵏⵜ ⴳ ⵜⵡⴰⵍⴰ ⵏⵏⵙ ⴰⴷ, ⵍⵍⵉ ⵜⵙⵏⵓⴱⴳ ⴰⴱⵓ ⴹⴰⴱⵉ ⵏ ⵜⵣⴹⴰⵔⵜ ⵏ ⵉⵎⴰl "ⴰⵙⴰⴳⵎ", ⵅⴼ ⵎⵏⵏⴰⵡ ⵏ ⵉⵙⴳⵓⵎⵏ ⵉⴷⵍⵙⴰⵏ ⴰⴼ ⴰⴷ ⵜⵎⵓⵏⵏ ⵉⵎⴰⴹⵍⴰⵏ ⵏ ⵉⵎⴰⵜⵜⵉⵡ ⴷ ⴰⵎⵓⵟⵟⵓⵏ ⴷ ⵜⵉⵍⴰⵍⵜ ⵜⴰⵣⴹⴰⵕⵜ ⵉⵜⵜⵓⵙⵎⴰⵢⵏⵓⵏ ⴳ ⵉⴱⵉⵏ ⵏ ⵉⴹⵉⵚ ⵏ ⵙⵏⴼⵍⵏ ⵏ ⵓⵏⵣⵡⵉ, ⴷ ⴰⵎⴰⵏ ⴷ ⵉⵎⴰⵏ ⵏ ⵓⵙⵙⴰⵢ, ⴷ ⵜⴰⵏⴰⵢⵜ ⵏ ⵓⵙⴰⵢⵔⴰⵔ, ⴷ ⵜⵉⴽⵏⵓⵍⵓⵊⵉⵜ ⵉ ⵜⴷⵔⴰⵡⵜ ⵉⴼⵓⵍⴽⵉⵏ. 

ⵉⵔⴰ ⵢⵎⴰⵍⴰⵙⵙ ⵏ ⴰⴱⵓ ⴹⴰⴱⵉ ⵏ ⵜⵙⵓⵍⴰⵏⵜ, ⵍⵍⵉ ⵢⵙⵎⴰⵏ ⵉⴳⵔⴰⵡⵏ ⵉⵅⴰⵜⴰⵔⵏ ⵍⵍⵉ ⵢⵅⵚⵚⴰⵏ ⵏ ⵜⵙⵓⵍⴰⵏⵜ ⴳ ⵓⵎⴰⴹⴰⵍ, ⴰⴷ ⵉⵙⴷⵓⵙ ⴰⵔⵎⵙ ⵏ ⵉⵙⵡⴰⵍⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⴷ ⵓⵏⴰⴹ ⵍⵍⵉ ⵢⴷⵔⴰⵏ ⴳ ⵜⵉⵍⴰⵍⵜ ⵏ ⵓⵎⴰⴹⴰⵍ.

 

Dernière modification : 14 ⵉⵏⵏⴰⵢⵔ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%8E%E2%B4%B0%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F