ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵜⴰⴼⵓⴽⵍⴰ ⵏ ⵢⴰⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ ⵏ ⵓⵙⴳⴳⵯⴰⵙ

19 ⴷⵓⵊⴰⵏⴱⵉⵔ 2018 Version Imprimable

ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ , ⵉⴹⵍⵍⵉ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵜⴰⴼⵓⴽⵍⴰ ⵏ ⵢⴰⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ ⵏ ⵓⵙⴳⴳⵯⴰⵙ , ⵍⵍⵉ ⵢⵙⵏⵎⴰⵍⴰ ⵜⴰⵎⵙⵇⴰⴷⵜ ⵏ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ ⵜⴰⵎⴰⴷⵏⴰⵏⵜ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ .

ⵜⴳⴰ ⵜⴼⵓⴽⵍⴰ ⴰⴷ ⵍⵍⵉ ⵜⵙⵏⵎⴰⵍⴰ ⵙ ⵉⵡⵉⵣⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⵍⵉ ⵢⵙⵎⴰⵏ ⵉⵜⵜⵓⵙⴽⴰⵔⵏ ⵅⴼ ⵜⵡⵓⵔⵉⵡⵉⵏ ⵏ ⵜⵡⵍⵍⵓⵖⵜ ⵅⴼ ⵉⵎⵉⵔ ⴰⴷⵉⴱⵍⵓⵎⴰⵙⵉ ⴰⴱⵕⵕⴰⵏⵉ ⵓⵖⵣⵉⵏ ⵖⵓⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵏ ⵓⵎⵓⵙⵙⵓ ⵏ ⵓⵙⴳⵯⴰⵙⵏ ⵍⵍⵉ ⵢⵜⵙⵏⵎⴰⵍⴰ ⵙ ⵜⴰⵙⵏⵜⴰⵢⵜ ⵏ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ ⴷ ⵜⵉⵎⵙⵇⴰⴷⵉⵏ ⵜⵉⴱⵕⵕⴰⵏⵢⵉⵏ ⵉⵜⵜⵓⵖⵣⵉⵏ ⴳ ⵕⵕⴱⴰⵟ, ⴳ ⵙⵙⴱⵖⵔ ⵏ ⵉⵣⴷⵓⵖⵏ ⵉⵥⵍⴰⴹⵏ ⵙ ⵜⴷⵔⴰⵡⵜ ⵏ ⴷⵉⴱⵍⵓⵎⴰⵙⵢⵉⵏ ⴷ ⵉⵔⴳⵣⵏ ⵏ ⵜⵡⵓⵔⵉⵡⵉⵏ ⴷ ⵉⵏⴰⵥⵓⵔⵏ .

ⵜⵔⴰ ⵜⴰⴼⵓⴽⵍⴰ ⵏ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ ⴰⴷ ⵙⵎⵓⵏ ⵏ ⵉⵇⴰⵔⵉⴹⵏ ⵎⵔⴰ ⴰⴷ ⵉⴷⵔⵓ ⴳ ⵜⵓⴳⵓⵣⵣⵏ ⵏ ⵜⵡⵓⵔⵉ ⵉⵏⴰⵎⵓⵏ ⴳ ⵍⵎⵖⵔⵉⴱ ⴳ ⵙⵙⵥⵕⴼ ⵎⵛⵜⴰ ⵏ ⵉⵙⵏⵜⵉⵏ ⵏ ⵓⵎⵢⴰⵡⴰⵙ ⵍⵍⵓⵎⵏ ⴳ ⵉⴳⵔⵏ ⵏ ⵜⴰⴷⵓⵙⵉ ⴷ ⴰⵙⵎⵓⵜⵜⵓⴳ ⵏ ⵜⵔⴱⴰⵜⵉⵏ

ⵃⴰⴹⵕⵏ ⴳ ⵜⴰⴼⵓⴽⵍⴰ ⴰⴷ ⵓⴳⴳⴰⵔ ⵏ 400 ⵉⴼⴳⴰⵏ ⵍⵍⴰ ⴷⵉⴳⵙⵏ ⵉⵎⵙⵇⴰⴷⵏ ⴷ ⵉⴳⵎⴰⵎⵏ ⵢⴰⴹⵏⵉⵏ ⴳ ⵜⴰⵙⵎⵉⴳⵍⵉⵏ ⵉⴷⵓⴱⵍⵓⵎⴰⵙⵉⵏ ⵍⵍⵉ ⵢⵙⵎⴷⵢⴰ ⵢⵓⴳⴳⵔ ⵏ 10 ⵉⵡⵏⴽⵏ ⵏ ⵜⵉⵏⵎⵍⴰⵢⵜ ⵜⴰⵎⴰⴹⵍⴰⵏⵜ ⴷ ⵜⴰⵎⴰⵏ ⵏ ⵉⵎⵙⵜⴳⴳⴰⵔⵏ ⵏ ⵜⵏⴱⴰⴹⵉⵏ ⴷ ⵎⵛⵜⴰ ⵏ ⵉⵏⵔⵣⵓⴼⵏ ⵉⵅⴰⵜⴰⵔⵏ.

Dernière modification : 19 ⴷⵓⵊⴰⵏⴱⵉⵔ 2018

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%BD%E2%B5%8D%E2%B4%B0-%E2%B5%8F-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89#comment-0