Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⵇⵇⵉⵎ ⵏ ⵜⵎⵀⵍⴰ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⵙⵇⵇⵉⵎ ⵏ ⵜⵎⵀⵍⴰ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ

13 ⴷⵓⵊⴰⵏⴱⵉⵔ 2018 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⴰⵙⵇⵇⵉⵎ ⵏ ⵜⵎⵀⵍⴰ ⵏ ⵜⵎⵔⵙⵍⵜ ⴰⴷ.

ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵜⵣⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵡⵓⵔⵉ ⵉⵜⵜⵓⵙⴽⴰⵔⵏ ⴷ ⵜⵢⴰⴼⵓⵜⵉⵏ ⵉⴽⵎⴰⵎⵏ ⵉⵜⵜⵓⵙⴽⴰⵔⵏ ⵙⴳ ⵜⵓⴳⵉ ⵏ ⵜⵎⵔⵙⵍⵜ ⴳ ⵢⵓⵏⵢⵓ 2001. ⴷⴼⴼⵉⵔ ⵍⵍⵉⵖ ⵉⵙⵙⵣⵔⵉ ⵜⴰⵎⴰⵖⵓⵏⵜ ⵏ 2017 ⴷ ⵉⵎⵏⵉⴷⵏ ⴰⴷ ⵢⵓⵛⴽⴰⵏ, ⵉⵙⵙⵖⵥⵏ ⵓⵙⵇⵇⵉⵎ ⵏ ⵜⵎⵀⵍⴰ ⵉⵎⵉⴹⴰⵏⵏ ⵏ 2017.

ⵉⵣⵓⵍ ⵓⵙⵇⵇⵉⵎ ⵏ ⵜⵎⵀⵍⴰ ⴰⵙⵜⴰⵢ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴷ ⵜⴳ ⵜⴰⵎⵙⴽⴰⴷⵜ ⵏ ⵜⵉⵔⴰⵜ ⵉⴼⵓⵍⴽⵉⵏ ⵏ ⵜⵙⵇⵇⵉⵎⵜ ⵏ ⵓⵏⵣⵡⵉ ⵏ ⵓⵎⴷⴰ ⵏ ⵍⴽⵓⵏⴳⵓ ⵓⵍⴰ ⵏ ⵜⴼⵏⵉⵇⵜ ⵜⴰⵣⴳⵣⴰⵡⵜ ⵏ ⵓⵎⴷⴰ ⵏ ⵍⴽⵓⵏⴳⵓ, ⵎⴰ ⵢⴰⴷ ⵙⵙⵓⴼⵖⵏ 12 ⵜⵎⴰⵣⵉⵔⵜ ⵏ ⵜⵙⴳⴰ ⵢⴰⴷ ⴰⵙⵙ ⵏ 9 ⵎⴰⵕⵚ 2017 ⴳ "ⵓⵢⵓ" ⴳ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ.

ⵜⵙⵎⴷⵢⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵉⵎⵔⵙⵍⵜ ⵏⵏⵙ ⴳ ⵎⵏⵏⴰⵡ ⵏ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵜⵖⵕⴰ ⴳⵉⵜⵏ ⵉⵏⴰⵡⵏ ⵏ ⵓⵕⵥⵥⵓⵎ, ⵣⵓⵏⴷ ⵉⵏⴰⵡ ⵍⵍⵉ ⵜⵏⵏⴰ ⴳ ⵓⵣⵎⵣⵣⵓ ⵏ ⵓⵕⵥⵥⵎ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵅⴼ ⵓⵙⴳⵎⵉ ⵜⵡⵏⴹⴰⵏⵜ ⴳ ⴼⴰⵏⴽⵓⴼⵔ, ⴳ ⴽⴰⵏⴰⴹⴰ, ⵏⵖⴷ ⵙⵓⵍ ⴳ ⵓⵙⴳⵔⴰⵡ ⵏ ⵜⵎⵖⴰⵔⵜ ⴳ ⵟⵓⵕⵓⵏⵟⵓ, ⴳ ⵎⴰⵢⵢⵓ 2018.

ⴰⵎⵎⴰⵙⵏ ⵏ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⵉⵅⴰⵜⴰⵔⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵓⵙⴳⴳⵯⴰⵙ ⵏ 2017, ⵉⵍⵍⴰ ⵡⵖⴰⵡⴰⵙ ⵏ ⵜⵖⴰⵔⵉⵏ ⵉⵣⴷⵉⴳⵏ, ⵍⵍⵉ ⵢⵍⴽⵎⵏ ⵜⴰⵡⴰⵍⴰ ⵏⵏⵙ ⵜⵉⵙⵙ 18, ⴷ ⵓⵖⴰⵡⴰⵙ ⵏ ⵜⵉⵏⵎⴰⵍ ⵜⵉⵡⵏⴹⴰⵏ, ⵎⴰ ⵢⴰⴷ ⵉⵔⴰⵏ ⴰⴷ ⵉⵙⵙⴽⵛⵎ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ ⴰⵎⵎⴰⵙ ⵏ ⵓⵙⴳⵎⵉ ⵏ ⵉⴼⵔⵅⴰⵏ. 

Dernière modification : 13 ⴷⵓⵊⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8E%E2%B5%80%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B5%8D%E2%B5%9C#comment-0