Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵢⴰⵜ ⵜⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⵎⴳⵔⴰⵡ "ⵛⵛⵉⵅ ⵣⴰⵢⴷ ⴷ ⵜⵉⵍⴰⵍⵜ ⵏⵏⵙ ⴳ ⵜⵓⵚⴽⴰ ⵏ ⵜⵇⵇⵏⵉⵏ ⵜⵉⵎⵖⵔⴰⴱⵉⵢⵏ ⴷ ⵜⵉⵎⴰⵕⴰⵜⵉⵢⵏ"
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵢⴰⵜ ⵜⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⵎⴳⵔⴰⵡ "ⵛⵛⵉⵅ ⵣⴰⵢⴷ ⴷ ⵜⵉⵍⴰⵍⵜ ⵏⵏⵙ ⴳ ⵜⵓⵚⴽⴰ ⵏ ⵜⵇⵇⵏⵉⵏ ⵜⵉⵎⵖⵔⴰⴱⵉⵢⵏ ⴷ ⵜⵉⵎⴰⵕⴰⵜⵉⵢⵏ"

27 ⵏⵓⵡⴰⵏⴱⵉⵔ 2018 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⵏⴰⵙ ⴳ ⵓⵙⵖⵉⵎ ⵏ ⵜⴽⴰⴷⵉⵎⵉⵜ ⵜⴰⵎⵖⵔⴰⴱⵉⵢⵜ ⴳ ⵕⵕⴱⴰⵟ, ⵜⵉⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⵎⴳⵔⴰⵡ "ⵛⵛⵉⵅ ⵣⴰⵢⴷ ⴷ ⵜⵉⵍⴰⵍⵜ ⵏⵏⵙ ⴳ ⵜⵓⵚⴽⴰ ⵏ ⵜⵓⵇⵇⵏⵉⵏ ⵜⵉⵎⵖⵔⴰⴱⵉⵢⵏ ⴷ ⵜⵉⵎⴰⵕⴰⵜⵉⵢⵏ", ⵙ ⵓⵣⵎⵎⵣⵓ ⵏ "ⵓⵙⴳⴳⵯⴰⵙ ⵏ ⵣⴰⵢⴷ".

ⵜⵙⵙⵏ ⵜⵖⵉⵎⵉⵜ ⵏ ⵓⵕⵥⵥⵓⵎ ⵜⴰⴱⵔⴰⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵢⵎⴷⵔⴰⵡⵏ ⴳ ⵓⵎⴳⵔⴰⵡ ⴰⴷ, ⵎⴰ ⵢⴰⴷ ⵉⵖⵕⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.

ⴰⵎⵎⴰⵙ ⵏ ⵜⴱⵔⴰⴷⵜ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰⵙ ⵉⵎⵎⵔ ⴰⴷ ⵉⵙⴰⵡⵍ ⴷ ⵉⵎⴷⵔⴰⵡⵏ ⴳ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵓⵎⴳⵔⴰⵡ ⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵙ ⵜⵎⴷⵔⴰⵡⵜ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵉⵢⵏ ⵉⵎⵓⵏⵏ ⴷ ⵜⴰⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴳ ⵓⵙⴽⵜⵉ ⵡⵉⵙⵙ 100 ⵏ ⵜⵍⴰⵍⵉⵜ ⵏ ⵉⴳⵍⵍⵉⵏ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵣⴰⵢⴷ ⴱⵏ ⵚⵓⵍⵟⴰⵏ ⴰⵍ ⵏⴰⵀⵢⴰⵏ, ⴰⵏⵙⵙⵉⵅⴼ ⴰⵎⵙⵙⵓⴼⵖ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵢⵏ ⵉⵎⴰⵏⵏ.

ⵉⵎⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵜⵉⴳ ⴰⵖⴱⵓ ⵏⵏⵙ ⵅⴼ ⵢⴰⵜ ⵜⴰⵙⵏⵜⴰⵢⵜ ⵍⵍⵉ ⵢⵙⵙⴽⵜⵉⵏ ⴰⵏⵙⵙⵉⵅⴼ ⴰⵄⵕⴰⴱ ⴰⵅⴰⵜⴰⵔ ⴰⴷ.

ⵉⴷⵔⴰ ⵢⴳⵍⵍⵉⵏ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵣⴰⵢⴷ, ⴰⴷ ⵜ ⵉⵕⵃⵎ ⵕⵕⴱⵉ, ⴳ ⵜⵉⵏⵣⵓⵣⵜ ⵜⴰⵏⴰⵢⵜ ⵍⵍⵉ ⵢⴰⴷ ⵍⵍⵉ ⵢⵟⵟⴰⴼ, ⴰⴷ ⵉⵙⴷⵓⵙ ⵜⵓⵇⵇⵏⵉⵏ ⵉⴼⵓⵍⴽⵉⵏ ⴳⵔ ⵍⵎⵖⵔⵉⴱ ⴷ ⵍⵉⵎⴰⵕⴰⵜ, ⴷ ⴰⴷ ⵉⵙⵎⵖⵔ ⴰⴳⵥⵥⵓⵎ ⴷ ⵜⴰⴱⴷⴰⴷⵜ ⴳⵔ ⵜⵎⵉⵣⴰⵔ ⵜⵉⵖⵕⴰⴱⵉⵢⵏ, ⵎⴰ ⵢⴰⴷ ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⴷⵜ ⵏⵏⵙ, ⵉⵔⵏⵓ ⵢⵏⵏⴰ ⵉⵙ ⵖⵉⴽⴰⵏⵏ ⴰⴷ ⵉⴱⵏⴰ ⵢⴳⵍⵍⵉⵏ ⴰⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵢⵏ ⵉⵎⴰⵏⵏ.

ⵙ ⵓⵣⵎⵎⵣⵓ ⴷⵖ, ⵉⵖⵕⴰ ⵡⵎⵙⵇⴰⴷ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⴰⵏⵏ ⵓⵜⵜⵓⵙⵖⵥⴰⵏⵏ ⴳ ⵕⵕⴱⴰⵟ, ⵎⴰⵙⵙ ⵄⵍⵉ ⵙⴰⵍⵉⵎ ⵍⴽⵄⴱⵉ, ⵢⴰⵜ ⵜⴰⴱⵔⴰⵜ ⵍⵍⵉ ⵢⵓⵣⵏ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵅⴰⵍⵉⴼⴰ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵖⵕⴰⴱⵉⵏ ⵉⵎⴰⵏⵏ.

ⴳ ⵜⴼⵓⵍⵜ ⵏⵏⵙ, ⵉⵏⵏⴰ ⵡⵏⴼⵍⵓⵙ ⵏ ⵜⵏⵜⵍⴰ ⴰⵎⵖⵍⴰⵍ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵎⴰⵙⵙ ⵄⴱⴷⵊⵊⵍⵉⵍ ⵍⵃⵊⵎⵕⵉ, ⵎⴰⵙ "ⴰⵙⴼⵓⴳⵍⵓ ⵏ ⵓⵙⴽⵜⵉ ⵏ ⵛⵛⵉⵅ ⵣⴰⵢⴷ ⵉⴳⴰ ⵢⴰⵏ ⴰⵙⴼⵓⴳⵍⵓ ⵏ ⵢⴰⵏ ⵓⵔⴳⴰⵣ ⵍⵍⵉ ⵢⵖⴰⵍⵏ ⴳ ⵉⵜⵉⴳⵏ ⵏ ⵜⵎⵓⵔⵉ ⴷ ⵏ ⵙⵙⵍⴰⵎⵜ, ⵎⴰ ⵢⴰⴷ ⵉⴳⴰⵏ ⵉⵜⵉⴳⵏ ⵍⵍⵉ ⵔⴰⴷ ⴱⴷⴷⴰ ⵅⵉⵚⵚⵉⵏ ⵉⵎⴰⵏⵓⵏⵏ ⵎⵔⴰ ⴰⴷ ⵥⴹⵕⵏ ⴰⴷ ⵃⴹⵓⵏ ⵚⵚⴰⵍⴰⵃ ⴷ ⴰⵍⴰⵢ ⵏⵏⵙⵏ, ⴷ ⴰⴷ ⵙⴷⵓⵙⵏ ⵜⴰⴷⵍⵙⴰ ⵏ ⵓⴹⴼⵕ ⵏ ⵡⵉⵏⵏ ⵉⵣⵡⴰⵔⵏ ⴷ ⵏ ⵜⵓⵙⵏⵜ".

ⵉⵙⵙⵣⵔⵉ ⵢⴰⴷ ⵍⵍⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵍⵍⵉⵖ ⵉⵍⴽⵎ ⵙ ⵓⵙⵖⵉⵎ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵏⴼⵍⵓⵙ ⵏ ⵜⵏⵜⵍⴰ ⴰⵎⵖⵍⴰⵍ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵎⵙⵇⴰⴷ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵉⵄⵕⴰⴱⵏ ⵉⵎⴰⵏⵏ ⵉⵜⵜⵓⵙⵖⵥⴰⵏⵏ ⴳ ⵕⵕⴱⴰⵟ.

ⵍⵍⵉⵖ ⵜⵎⵎⴰ ⵜⴼⵓⴳⵍⴰ ⵢⴰⴷ, ⵉⵜⵜⵓⵎⵍⴰ ⵢⴰⵏ ⴰⵙⴼⵉⴼ ⵏ ⵓⵜⵉⵎ ⵅⴼ ⵜⵓⵇⵇⵏⵉⵏ ⵍⵍⵉ ⵢⴰⴷ ⵍⵍⵉ ⵢⵙⵎⴰⵏⵏ ⵉⴳⵍⵍⵉⵏ ⵛⵛⵉⵅ ⵣⴰⵢⴷ ⴱⵏ ⵚⵓⵍⵟⴰⵏ ⴰⵍ ⵏⴰⵀⵢⴰⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ.

Dernière modification : 27 ⵏⵓⵡⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%9C-%E2%B5%9C%E2%B5%96%E2%B5%89%E2%B5%8E%E2%B5%89%E2%B5%9C-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0