ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⴽⵢⵓⵟⵓ ⴷⴷⵓⴽⵜⵓⵕⴰ ⵍⴼⴰⵅⵔⵉⵢⵢⴰ ⵙⴳ ⵜⴰⵙⴷⴰⵡⵉⵜ "ⵔⵉⵜⵙⵓⵎⵉⴽⴰⵏ"

27 ⵏⵓⵡⴰⵏⴱⵉⵔ 2018 Version Imprimable

ⴽⵢⵓⵟⵓ - ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ « ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ », ⴰⵙⵙ ⵏ ⵓⵙⵉⵏⴰⵙ ⴳ ⵜⵖⵔⵎⵜ ⵏ ⴽⵢⵓⵟⵓ, ⴷⴷⵓⴽⵜⵓⵕⴰ ⵍⴼⴰⵅⵔⵉⵢⵢⴰ ⵙⴳ ⵜⴰⵙⴷⴰⵡⵉⵜ "ⵔⵉⵜⵙⵓⵎⵉⴽⴰⵏ".

ⵙ ⵓⵣⵎⵎⵣⵓ ⴷⵖ, ⵜⵙⵏⵉⵎⵎⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ, ⴳ ⵢⴰⵜ ⵜⴰⴼⵓⴳⵍⴰ ⵉⵜⵜⵓⵙⴽⴰⵔⵏ ⴳ ⵡⴰⵏⵙⴰ ⵏ ⵜⵙⴷⴰⵡⵉⵜ ⵙ ⵜⵉⵍⵉⵜ ⵏ ⵉⴼⴳⴰⵏⵏ ⵏ ⵜⵙⴷⴰⵡⵉⵏⵏ ⵢⴰⵜⵜⵓⵢⵏ, ⵉⵎⵙⵜⴳⴳⴰⵔⵏ ⵏ ⵜⵙⴷⴰⵡⵉⵜ ⵍⵍⵉ ⵢⴰⵜ ⵉⴼⴽⴰⵏ ⴰⵏⵙⴰ ⴰⴽⴰⴷⵉⵎⵉ ⵢⴰⵜⵜⵓⵢⵏ ⴰⴷ.

ⵉⵏⵏⴰ ⵡⵏⵙⵙⵉⵅⴼ ⵏ ⵜⵙⴷⴰⵡⵉⵜ, ⵎⵉⴽⵢⵓ ⵢⵓⵛⵉⴷⴰ, ⴳ ⵢⴰⵜ ⵜⵙⴳⵓⵔⵉ ⴳ ⵜⴼⵓⴳⵍⴰ ⵢⴰⴷ, ⵎⴰⵙ ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴷⴷⵓⴽⵜⵓⵕⴰ ⵍⴼⴰⵅⵔⵉⵢⵢⴰ ⵢⴰⴷ ⵅⴼ ⵜⴰⵙⵎⵖⵓⵔⵜ ⵏ ⵜⵓⴳⴳⴰⵣ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⴷ ⵜⴰⴷⵔⴰⵡⵜ ⵏⵏⵙ ⵜⵅⴰⵜⴰⵔⵜ ⴳ ⵉⴳⵔ ⵏ ⵓⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ.

ⵜⵍⵜⵖ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵙ ⵢⴰⵜ ⵜⴰⵡⵉⵍⴰ ⵉⵖⴱⴰⵏ, ⴳ ⵉⴽⴰⵏ ⴰⴷⴷⵓⵔ ⵏ ⵜⵖⴰⵡⵙⵉⵡⵉⵏ ⵏ ⵓⵡⵏⴰⴹ, ⴷ ⵜⵕⵥⵎ, ⵙ ⴰⵏⵙⴰ ⵏⵏⵙ ⴰⵎⵎ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ, ⵎⵏⵏⴰⵡ ⵏ ⵉⵖⴰⵡⴰⵙⵏ ⵉⵅⵚⵚⴰⵏ ⴰⵙⴳⵎⵉ ⵅⴼ ⵜⴳⵎⵉ ⵜⴰⵙⵓⵍⴰⵏⵜ ⴷ ⴰⵔⴰⵢ ⵏ ⵉⵍⵍ, ⴷ ⵜⴰⵎⴰⵍⵍⴰⵢⵜ ⵜⴰⵙⵓⵍⴰⵏⵜ, ⴷ ⴰⴹⵓ, ⴷ ⴰⵏⵣⵡⵉ, ⴷ ⵜⵓⵔⵜⵉⵏ ⵜⵉⵎⵣⵔⴰⵢⵏ, ⴷ ⵉⴳⵯⵊⵊⵉⴼⵏ ⵏ ⵎⵕⵕⴰⴽⵯⵛ.

Dernière modification : 27 ⵏⵓⵡⴰⵏⴱⵉⵔ 2018

Source URL: https://www.mapnews.ma/am/activites-princieres/%E2%B5%9C%E2%B5%93%E2%B5%8E%E2%B5%A5-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B4%BD%E2%B5%A2%E2%B5%93%E2%B5%9F%E2%B5%93-%E2%B4%B7%E2%B4%B7%E2%B5%93%E2%B4%BD%E2%B5%9C%E2%B5%93%E2%B5%95%E2%B4%B0-%E2%B5%8D%E2%B4%BC%E2%B4%B0%E2%B5%85%E2%B5%94%E2%B5%89%E2%B5%A2%E2%B5%A2%E2%B4%B0-%E2%B5%99%E2%B4%B3#comment-0