Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵙⵙⵉⵅⴼ ⴳ ⵎⵕⵕⴰⴽⵯⵛ ⴰⵕⵥⵥⵓⵎ ⴰⵎⴰⴷⴷⵓⴷ ⵏ ⵓⵎⵣⵉⵣⵣⵍ ⴰⴼⵔⵉⵇⵉ "ⵅⴼ ⵜⵎⵖⵔⵉⵡⵉⵏ ⵜⵉⴼⵔⵉⵇⵢⵏ ⴱⵍⴰ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⵓⵣⵏⵏⵉⵇ"
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵙⵙⵉⵅⴼ ⴳ ⵎⵕⵕⴰⴽⵯⵛ ⴰⵕⵥⵥⵓⵎ ⴰⵎⴰⴷⴷⵓⴷ ⵏ ⵓⵎⵣⵉⵣⵣⵍ ⴰⴼⵔⵉⵇⵉ "ⵅⴼ ⵜⵎⵖⵔⵉⵡⵉⵏ ⵜⵉⴼⵔⵉⵇⵢⵏ ⴱⵍⴰ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⵓⵣⵏⵏⵉⵇ"

24 ⵏⵓⵡⴰⵏⴱⵉⵔ 2018 Version Imprimable
ⵎⵕⵕⴰⴽⵯⵛ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⵎⵕⵕⴰⴽⵯⵛ, ⴰⵕⵥⵥⵓⵎ ⴰⵎⴰⴷⴷⵓⴷ ⵏ ⵓⵎⵣⵉⵣⵣⵍ ⴰⴼⵔⵉⵇⵉ "ⵅⴼ ⵜⵎⵖⵔⵉⵡⵉⵏ ⵜⵉⴼⵔⵉⵇⵢⵏ ⴱⵍⴰ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⵓⵣⵏⵏⵉⵇ".

ⴷⴼⴼⵉⵔ ⵍⵍⵉⵖ ⵉⵜⵜⵓⵙⴽⴰⵔ ⵉⵣⵍⵉ ⴰⵏⴰⵎⵓⵔ, ⵜⵖⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⴰⴱⵔⴰⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵣⵎⵣⵣⵓ ⵢⴰⴷ.

ⴳ ⵜⴱⵔⴰⴷⵜ ⴰⴷ, ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵔⵙ ⵏ ⵓⵎⵣⵉⵣⵣⵍ ⴰⴼⵔⵉⵇⵉ ⵅⴼ ⵜⵎⵖⵔⵉⵡⵉⵏ ⵜⵉⴼⵔⵉⵇⵢⵏ ⴱⵍⴰ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⵓⵣⵏⵏⵉⵇ, ⴷ ⵙⵍⴰⵡⴰⵏ ⴰⴽⴽ ⵜⴰⵙⵏⵜⴰⵢⵜ ⵏ ⵓⵙⵔⵙ ⴰⵎⵣⵡⴰⵔⵓ ⴳ ⵍⵎⵖⵔⵉⴱ: "ⵕⵕⴱⴰⵟ, ⵜⵉⵖⵔⵎⵜ ⴱⵍⴰ ⵏ ⵉⴼⵔⵅⴰⵏ ⵏ ⵓⵣⵏⵏⵉⵇ".

ⴰⵎⵎⴰⵙ ⵏ 120 ⵓⵎⵍⵓⵉⵏ ⵏ ⵉⴼⵔⵅⴰⵏ ⵉⵍⵍⴰⵏ ⴳ ⵓⵎⴰⴹⴰⵍ, ⵓⴳⴳⴰⵔ ⵏ 30 ⴰⵎⵍⵢⵓⵏ ⵣⴷⵖⵏ ⴳ ⵉⴼⵔⵉⵇⵢⴰ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴼ ⵖⵉⴽⴰⵏⵏ, ⵎⴰ ⵢⴰⴷ ⵉⵔⵏⵓ ⵢⵏⵏⴰ, ⵢⴰⵏ ⴰⴼⵔⵓⵅ ⵉⵍⵍⴰⵏ ⴳ ⵓⵣⵏⵏⵉⵇ ⴰⵎⵎⴰⵙ ⵏ 4 ⵉⴳⴰ ⴰⴼⵔⵉⵇⵉ.

"ⴰⴷ ⵉⵇⴱⵍ ⵢⴰⵏ ⴰⴷ ⵏⴰⵊⵊ ⵉⴼⵔⵅⴰⵏ ⴳ ⵉⵣⵏⵏⵉⵇⵏ ⵏⵏⵖ, ⴰⵛⵀⴽⵓ ⵓⵔ ⵉⵥⴹⴰⵕ ⴰⴷ ⵉⴱⵉⴷⴷ ⵉ ⵜⵎⵓⴽⵔⵉⵙⵜ ⴰⵏⵏ ⵏⵖⴷ ⵓⵔ ⴰⵢⵜ ⵉⴼⴽⵉ ⵍⵀⵎⵎ, ⵉⴳⴰ ⴰⴷ ⵏⵎⵢⴰⵔ ⴽⵔⴰ ⵢⴳⴰⵜⵜ ⴰⵙⵙ ⴰⴷ ⵜⴽⵉⵟⵟⵉ ⵜⴰⵏⴼⴳⴰⵏⵜ ⵏⵏⵖ, ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵉⴳⴰⵡⵜ ⵓⵔ ⵉⵜⵜⵓⵇⴱⵉⵍⵏ", ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵍⵎⵖⵔⵉⴱ, ⴰⵎⵣⴰⵖ ⵅⴼ ⵜⵎⵙⴰⵔⵜ ⵏ ⵉⴼⵔⵅⴰⵏ ⵢⵉⵡⵉ ⵜⴰⵢⵢⵉⵀⵜ ⵜⴰⵏⴰⵎⵓⵔⵜ ⴳ ⵍⵎⵖⵔⵉⴱ. ⴷ ⵓⵎⵓⵙⵙⵓ ⵏ ⵓⵡⴰⵏⴽ, ⵜⵎⴰⵏ ⵜⵉⵔⵉⵎⵜ ⵜⴰⵅⴰⵜⴰⵔⵜ ⵏ ⵓⵎⵓⵏ ⵓⵖⵔⵉⵎ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴷⴼⴼⵉⵔ ⵍⵍⵉⵖ ⵜⵖⵕⴰ ⵜⴰⴱⵔⴰⴷⵜ ⴰⵏⵏ, ⵜⵥⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵙⵉⵏ ⵉⴼⵉⴷⵢⵓⵏⵏ ⵅⴼ ⵉⴼⵔⵅⴰⵏ ⵉⴼⵔⵉⵇⵉⵢⵏ ⵉⵍⵍⴰⵏ ⴳ ⵓⵣⵏⵏⵉⵇ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⴽⵕⴰⴹ ⵏ ⵜⵎⵢⴰⵇⵇⴰⵏⵉⵏ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵎⵙⴰⵙⴰ ⵍⵍⵉ ⵙⴳⵎⴹⵏ ⵜⴰⵏⵎⵀⴰⵍⵜ ⵜⴰⵎⵙⴽⴰⵔⵜ ⵏ "ⵓ ⵉⵏ ⴷⵉ ⵓ", ⵍⴰⵎⵢⴰ ⴱⴰⵣⵉⵔ, ⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵖⵔⵎⵉⵡⵉⵏ ⴷ ⵜⵏⴱⴰⴹⵉⵏ ⵉⴷⵖⵔⴰⵏ, ⵊⴰⵏ ⴱⵢⵉⵔ ⵉⵍⵓⵏⴳ ⵎⴱⴰⵙⵉ, ⵓⵍⴰ ⵢⴰⵜ ⵜⴰⵎⵢⴰⵇⵇⴰⵏⵜ ⴰⵙⴰⵜⵉ ⵏ ⵓⵎⵢⴰⵡⴰⵙ ⵍⵍⵉ ⵙⴳⵎⴹⵏ ⵎⴰⵙⵙⴰ ⴱⴰⵣⵉⵔ ⴷ ⵜⴰⵙⵎⴷⵢⴰⵏⵜ ⵏ ⵜⴼⵏⵉⵇⵜ ⵏ ⵜⵉⵎⵜⵜⴰ ⵢⵎⴰⵏⵏ ⵅⴼ ⵉⴼⵔⵅⴰⵏ, ⵊⵢⵓⴼⴰⵏⵏⴰ ⴱⴰⵕⴱⵉⵔⵉⵙ. ⴰⵎⵎⴰ ⵜⵉⵙⵙ ⴽⵕⴰⴹ, ⵙⴳⵎⴹⵏ ⵜ ⵎⵏⵏⴰⵡ ⵉⵎⴰⵡⵙⴰⵙⵏ ⴷ ⵉⵎⵜⵙⴳⴳⴰⵔⵏ ⵉⵎⵖⵔⴰⴱⵉⵢⵏ ⴷ ⵎⴰⵙⵙⴰ ⵍⴰⵎⵢⴰ ⴱⴰⵣⵉⵔ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⴰⵢ ⴷ ⵜⵎⵖⴰⵕⵉⵏ ⵉⵜⵜⵓⵙⵜⴰⵢⵏ ⴳ ⵉⴼⵔⵉⵇⵢⴰ ⵉⴽⵛⵎⵏ ⴳ ⵓⵎⵣⵉⵣⵣⵍ ⴰⴷ.

ⵍⵍⵉⵖ ⵜⵍⴽⵎ ⵙ ⴱⴰⴱ ⵊⴷⵉⴷ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵔ ⴰⴷ ⵜ ⵣⵓⵍⵏ ⵎⴰⵙⵙ ⴰⵏⴰⵙ ⴷⴷⴰⴽⴽⴰⵍⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ, ⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⴰⵎⴰⵡⵙⴰⵙ ⵏ ⵜⵄⵓⵕⵎⴰ ⴷ ⵜⵓⵏⵏⵓⵏⵜ, ⴷ ⵎⴰⵙⵙⴰ ⴱⴰⵙⵉⵎⴰ ⵍⵃⵇⵇⴰⵡⵉ, ⵜⴰⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 24 ⵏⵓⵡⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F#comment-0