ⵜⵉⵡⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵟⵓⴽⵢⵓ ⵜⴰⵙⵎⵖⵓⵔⵜ ⵜⴰⵎⴰⴹⵍⴰⵏⵜ ⵏ "ⴳⵓⵢ" ⵏ ⵙⵙⵍⴰⵎⵜ

23 ⵏⵓⵡⴰⵏⴱⵉⵔ 2018 Version Imprimable

ⵟⵓⴽⵢⵓ - ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ « ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⴼⵔⴰⴳ ⵏ ⵓⵡⵏⴰⴹ », ⴰⵙⵙ ⵏ ⵓⵙⵉⵎⵡⴰⵙ ⴳ ⵟⵓⴽⵢⵓ, ⵜⴰⵙⵎⵖⵓⵔⵜ ⵜⴰⵎⴰⴹⵍⴰⵏⵜ ⵍⵍⵉ ⴰⵔ ⵜⵢⴰⴽⴽⴰ ⵜⵎⵔⵙⵍⵜ ⵏ "ⴳⵓⵢ" ⵏ ⵙⵙⵍⴰⵎⵜ ⴳ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ ⴳ ⵜⵙⵎⵖⵓⵔⵜ ⵏ ⵜⵡⵓⵔⵉ ⵓⵔ ⵉⴹⵉⵚⵏ ⵏ ⵓⴼⴳⴰⵏ ⵅⴼ ⵜⴳⵎⵉ ⵏ ⵓⵎⴰⴹⴰⵍ ⴰⵙⵏⴼⵍ ⵏ ⵙⵙⵍⴰⵎⵜ.

ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⵙⵎⵖⵓⵔⵜ ⵜⴰⵎⴹⵍⴰⵏⵜ ⴰⴷ ⵙⴳ ⵎⴰⵙⵙ ⵀⵉⵔⵓ ⵙⵢⵓⵏⵊⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ "ⴳⵓⵢ", ⵍⵍⵉ ⵜⵏⵏⴰⵍ ⴰⵎⵙⴰⵡⴰⵍ ⴷ ⵜⵉⵙⵏⵜⴰⵢⵉⵏ ⵅⴼ ⵙⵙⵍⴰⵎⵜ.

ⵜⴱⵉⴷⴷ ⵜⵓⵚⴽⴰ ⵜⴰⴼⵍⵙⴰⴼⵜ ⵏ ⵜⵎⵔⵙⵍⵜ ⴷ ⵜⵡⵓⵔⵉ ⵏⵏⵙ ⵅⴼ "ⵜⴰⵙⴳⵓⵔⵉ ⵏ ⵓⴷⵔⴰⵔ "ⴼⵓⵊⵉ" ⵅⴼ ⵜⵓⴷⵔⵜ ⴳ ⵡⴰⴽⴰⵍ", ⵍⵍⵉ ⵢⴼⵙⵔⵏ ⵉⵎⵏⵣⴰⵢⵏ ⵏ ⵜⵎⵙⵜⴳⴳⴰⵔⵜ ⵜⴰⵙⵓⵜⵍⵜ ⵅⴼ ⵜⵓⵚⴽⴰ ⵜⴰⵎⴹⴰⵍⵜ ⵜⴰⵙⵏⴼⵍⵜ ⵍⵍⵉ ⴳⵉⵜ ⵉⵍⵍⴰⵏ ⵙⵙⵍⴰⵎⵜ ⴳ ⵜⴰⵙⵓⵜ ⵜⵉⵙⵙ 21.

ⴰⵔ ⵜⵢⴰⴽⴽⴰ ⵜⵙⵎⵖⵓⵔⵜ ⵏ ⵜⵎⵔⵙⵍⵜ "ⴳⵓⵢ" ⵏ ⵙⵙⵍⴰⵎⵜ ⴽⵓⵍ ⵓⵙⴳⴳⵯⴰⵙ, ⵙⴳ ⵓⵙⴳⴳⵯⴰⵙ ⵏ 2000, ⵉ ⵢⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⴰⵎⵎ ⵎⵉⵅⴰⵢⵍ ⴳⵓⵕⴱⴰⵜⵛⵓⴼ ⴷ ⴱⵉⵍ ⴳⵉⵢⵜⵙ ⴷ ⵓⵚⴽⴰⵕ ⴰⵕⵢⴰⵚ ⵚⴰⵏⵛⵉⵥ ⴷ ⵓⵎⵣⴰⵖ ⵅⴼ ⵓⵡⵏⴰⴹ ⵍⵉⵙⵜⵔ ⴱⵕⴰⵡⵏ.

ⵜⵥⵕⴰ ⵜⵎⵔⵙⵍⵜ ⴰⴷ ⵜⴼⴽ ⵜⴰⵙⵎⵖⵓⵔⵜ ⴳ ⵓⵙⴳⴳⵯⴰⵙ ⴰⴷ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵅⴼ ⴰⵍⵜⵖ ⵏⵏⵙ ⴳ ⵓⵎⵣⴰⵖ ⵅⴼ ⵓⵡⵏⴰⴹ ⴷ ⵍⵍⵉⵖ ⵜⴼⴽⴰ ⵜⵓⴷⵔⵜ ⵏⵏⵙ ⵉ ⴰⵡⵜⴰⵙ ⵉⴼⵓⵍⴽⵉⵏ ⴰⴷ.

ⵜⵙⴰⵡⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵅⴼ ⴰⵏⵜⵖ ⵏ ⵜⵓⵚⴽⴰ ⵢⴰⴷ ⴳ ⵉⵏⴰⵡ ⵍⵍⵉ ⵜⴼⴽⴰ ⴳ ⵓⵣⵎⵎⵣⵓ ⴷⵖ.

Dernière modification : 23 ⵏⵓⵡⴰⵏⴱⵉⵔ 2018

Source URL: https://www.mapnews.ma/am/activites-princieres/%E2%B5%9C%E2%B5%89%E2%B5%A1%E2%B5%89-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%9F%E2%B5%93%E2%B4%BD%E2%B5%A2%E2%B5%93-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F%E2%B5%9C-%E2%B5%8F#comment-0