Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴽⵓⵙⵜ ⵏ ⵓⴷⴰⴱⵓ ⵏ ⵜⵡⵊⵊⴰ ⵏ ⵓⴹⴰⵕ 2017-2018
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴽⵓⵙⵜ ⵏ ⵓⴷⴰⴱⵓ ⵏ ⵜⵡⵊⵊⴰ ⵏ ⵓⴹⴰⵕ 2017-2018

18 ⵏⵓⵡⴰⵏⴱⵉⵔ 2018 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⴰⵎⴰⵙ ⴳ ⵓⴷⴷⵉⵙ ⴰⵎⴰⵏⵓⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ, ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴽⵓⵙⵜ ⵏ ⵓⴷⴰⴱⵓ 2017-2018, ⵍⵍⵉ ⵜⵉⵡⵉ ⵜⵔⴰⴱⴱⵓⵜ "ⵜⴰⵏⴽⵔⴰ ⵏ ⴱⵔⴽⴰⵏ" ⵎⴰ ⵢⴰⴷ ⵉⵏⵏⵔⴰⵏ ⵍⵡⵉⴷⴰⴷ ⵏ ⴼⴰⵙ ⵙ ⵜⵉⵢⵜⵉⵏ ⵜⵉⵏⴼⴳⵓⵔⵜⵉⵏ (3-2), ⴷⴼⴼⵉⵔ ⵍⵍⵉⵖ ⵜⵜⵎⵎⴰ ⵜⴰⵎⵏⵢⵓⴳⴰⵔⵜ ⵙ 2-2.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴱⴰⵔⴰⵣ ⴰⴳⵍⴷⵓⵏ ⵎⵓⵍⴰⵢ ⵄⴱⴹⵍⵍⴰⵀ, ⵉⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵎⴰⵡⵙⴰⵙ ⵏ ⵜⵄⵓⵕⵎⴰ ⴷ ⵜⵓⵏⵏⵓⵏⵜ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵓⵍⴰⵎⴱⵉ ⴰⵎⵖⵔⵉⴱⵉ , ⴷ ⵍⵡⴰⵍⵉ ⵏ ⵜⵙⴳⴰ ⵏ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ, ⴷ ⵓⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵢⴰⴹⵏⵉⵏ.

ⴰⵎⵎⴰⵙ ⵏ ⵉⵙⵔⵇⴱⵏ ⵏ ⵓⴳⴷⵓⴷ ⵍⵍⵉ ⵢⵓⵛⴽⴰⵏ ⵙⴳ ⴽⵔⴰ ⵢⴳⴰⵜⵜ ⵜⵙⴳⴰ ⵏ ⵜⴳⵍⴷⵉⵜ ⴰⴼ ⴰⴷ ⵣⵕⵉⵏ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⴰⴷ, ⵉⴼⵜⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⴰⴷⴰⴱⵓⵜ ⵏ ⴰⴷⴷⵓⵔ.

ⴷⴼⴼⵉⵔ ⵍⵍⵉⵖ ⵉⵣⵓⵍ ⴰⵛⵏⵢⴰⵍ ⴰⵏⴰⵎⵓⵔ ⵙ ⵉⵎⵙⵍⵉ ⵏ ⵉⵣⵍⵉ ⴰⵏⴰⵎⵓⵔ, ⵉⴳⴳⵯⵣ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵓⴱⴰⵔⴰⵣ ⵍⵍⵉⵖ ⵜⵣⵓⵍⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ, ⴷ ⵉⵏⴼⴳⵓⵔⵏ ⵏ ⵜⵎⵏⵢⵓⴳⴰⵔⵜ ⵍⵍⵉ ⵢⵙⵙⵉⵅⴼ ⵙⴰⵎⵉⵔ ⵍⴳⵣⵣⴰⵣ, ⵓⵍⴰ ⵢⵎⵙⵜⴳⴳⴰⵔⵏ ⴷ ⵉⵎⵓⵔⴰⵔⵏ ⵏ ⵙⵏⴰⵜ ⵜⵔⵓⴱⴱⴰⵜⵉⵏ ⵉⵍⴽⵎⵏ ⵙ ⵜⵎⵏⵢⵓⴳⴰⵔⵜ ⴰⴷ.

ⴷⴼⴼⵉⵔ ⵍⵍⵉⵖ ⵉⵙⴽⵔ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵙⵏⴰⵜ ⵜⵔⵓⴱⴱⴰ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵍⴱⴷⵓ ⴰⵎⴰⴷⵓⴷ ⵏ ⵜⵎⵏⵢⵓⴳⴰⵔⵜ ⴰⴷ, ⴷⴰⵜ ⴰⴷ ⵉⵙⴽⴽⵓⵙ ⴳ ⵜⴷⴰⴱⵓⵜ ⵏ ⴰⴷⴷⵓⵔ ⵙⴳ ⵎⴰⵏⵉ ⵉⴹⵓⴼ ⵜⴰⵎⵏⵢⵓⴳⴰⵔⵜ ⴰⴷ.

ⵍⵍⵉⵖ ⵜⵎⵎⴰ ⵜⵎⵏⵢⵓⴳⴰⵔⵜ ⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵜⴷⴰⵍⴰ ⵉ ⵡⵏⵙⵙⵉⵅⴼ ⵏ ⵜⵔⴰⴱⴱⵓⵜ « ⴼⴰⵜⵃ ⵚⵟⵟⴰⵜ », ⵙⵄⴷ ⵇⵏⵢⵢⴰ, ⵓⵍⴰ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵜⵎⵖⴰⵕⵉⵏ ⵉ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ "ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ", ⵄⴰⵣⵉⵣⴰ ⵔⴱⴱⴰⵃ.

ⵉⴼⴽⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵉⵔⴳⴰⵣⵏ ⵉ ⵡⵏⵙⵙⵉⵅⴼ ⵏ "ⵜⴰⵏⴽⵔⴰ ⵏ ⴱⵔⴽⴰⵏ", ⵄⴰⵣⵉⵣ ⵎⵓⵃⵎⵎⴷ.

Dernière modification : 18 ⵏⵓⵡⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B5%8E%E2%B5%8F%E2%B5%A2%E2%B5%93%E2%B4%B3%E2%B4%B0%E2%B5%94%E2%B5%9C-%E2%B5%89%E2%B4%B3%E2%B4%B3%E2%B5%AF%E2%B5%94%E2%B4%B0%E2%B5%8F-%E2%B5%8F-0#comment-0