Published on MAPNews (https://www.mapnews.ma/am)

Accueil > ⵉⵜⵜⵓⵎⵢⴰⴹⴰⵍ ⵏ ⵉⴳⴳⵍⵉⵏ ⴰⵎⴷⵢⴰⵣ ⵄⵍⵉ ⵚⵚⵇⵍⵍⵉ ⵍⵃⵓⵙⵢⵏⵉ ⴳ ⵜⵙⵎⴹⴰⵍⵜ ⵏ ⵛⵛⵓⵀⴰⴷⴰ ⴳ ⵕⵕⴱⴰⵟ ⵙ ⵜⵉⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵜⵜⵓⵎⵢⴰⴹⴰⵍ ⵏ ⵉⴳⴳⵍⵉⵏ ⴰⵎⴷⵢⴰⵣ ⵄⵍⵉ ⵚⵚⵇⵍⵍⵉ ⵍⵃⵓⵙⵢⵏⵉ ⴳ ⵜⵙⵎⴹⴰⵍⵜ ⵏ ⵛⵛⵓⵀⴰⴷⴰ ⴳ ⵕⵕⴱⴰⵟ ⵙ ⵜⵉⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ

06 ⵏⵓⵡⴰⵏⴱⵉⵔ 2018 Version Imprimable
ⵕⵕⴱⴰⵟ - ⵜⵣⵔⵉ, ⴷⴼⴼⵉⵔ ⵏ ⵜⴽⵯⵥⵉⵏ ⵏ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵍⵎⴰⵕⴰⵚⵉⵎ ⵏ ⵓⵎⴹⴰⵍ ⵏ ⵓⵎⴷⵢⴰⵣ ⵄⵍⵉ ⵚⵚⵇⵍⵍⵉ ⵍⵃⵓⵙⴰⵢⵏⵉ, ⵙ ⵜⵉⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ.

ⴷⴷⴼⵉⵔ ⵏ ⵜⵥⴰⵍⵍⵉⵜ ⵏ ⵜⴽⵯⵥⵉⵏ ⴷ ⵍⴳⵏⴰⵣⵜ ⴳ ⵜⵎⵣⴳⵉⴷⴰ ⵏ ⵛⵛⵓⵀⴰⴷⴰ, ⵉⵜⵜⵢⵓⵙⴰ ⵢⴳⵍⵍⵉⵏ ⵙ ⴰⵏⵙⴰ ⵏⵏⵙ ⴰⵎⴳⴳⴰⵔⵓ ⴳ ⵜⵙⵎⴹⴰⵍⵜ ⵏ ⵛⵛⵓⵀⴰⴷⴰ, ⵍⵍⵉⵖ ⵉⵜⵜⵓⵙⵍⵎⴹⴰⵏ ⴳ ⵢⴰⵏ ⵍⵎⴰⵡⴽⵉⴱ ⵏ ⴳⵏⴰⵣⵜ ⴰⵎⵇⵕⴰⵏ ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵡⵊⴰ ⵏⵏⵙ.

ⵉⵎⴰⵏ ⴷ ⵉⴳⵍⵍⵉⵏ ⴳ ⵓⵎⴹⴰⵍ ⴰⴷ ⵎⵏⵏⴰⵡ ⵏ ⵉⴼⴳⴰⵏⵏ, ⵍⵍⵓⵎⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⴰⵎⵣⵔⵓⵢ ⵏ ⵜⴳⵍⴷⵉⵜ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵎⴰⵙⵙ ⵄⴱⴷ ⵍⵃⵇⵇ ⵍⵎⵔⵉⵏⵉ, ⵜⴰⵎⴰ ⵏ ⵉⵙⵎⴰⵡⵏ ⴳ ⵉⵎⴰⴹⵍⴰⵏ ⵏ ⵜⴷⵍⵙⴰ ⴷ ⴰⵅⵎⵎⴻⵎ ⴷ ⵜⴰⵙⴽⵍⴰ.

ⴳ ⵓⵣⵎⵎⵣⵓ ⵉⵛⵇⵇⴰⵏ ⴰⴷ, ⵉⵜⵜⵓⵖⵔⴰ ⴰⵡⴰⵍ ⵏ ⵕⵕⴱⵉ, ⴷ ⵜⵓⵙⵙⴰⵏ ⵉⴼⴰⵙⵙⵏ ⵏ ⴷⴷⵓⵄⴰ ⵉ ⵕⵕⴱⵉ ⴰⴷ ⵉⵕⵃⵎ ⵉⴳⴳⵍⵉⵏ ⵢⴰⵜ ⵕⵃⵎⵜ ⵉⵡⵙⵄⵏ.

ⵜⵜⵔⵏ ⵙⵓⵍ ⵉⵎⵃⴹⴰⵕⵏ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ. ⴷ ⵜⵜⵔⵏ ⵙⵓⵍ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

ⴳ ⵓⵙⴰⵜⵉ ⴷⵖ, ⵢⵓⵣⵏ ⴱⴰⴱ ⵏ ⵡⴰⴷⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵢⴳⵎⴰⵎⵏ ⵉⴰⴹⵕⵏ ⵉ ⵡⵎⴹⴰⵍ ⵏ ⵉⴳⵍⵍⵉⵏ ⴰⵎⴷⵢⴰⵣ ⵄⵍⵉ ⵚⵚⵇⵍⵍⵉ ⵍⵃⵓⵙⴰⵢⵏⵉ, ⵉⵎⵍⴰ ⴷⵉⴳⵙ ⴱⴰⴱ ⵏ ⵡⴰⴷⴷⵓⵔ ⴰⴼⵛⵛⴰⴷ ⵏⵏⵙ ⵉ ⴰⴽⴽⵯ ⵜⵡⵊⴰ ⵏ ⵉⴳⵍⵍⵉⵏ ⵓⵍⴰ ⵢⵎⴷⴷⵓⴽⴽⵯⴰⵍ ⵏⵏⵙ ⴰⴼⵛⴰⴷ ⵏⵏⵙ ⵉⵔⵖⴰⵏ ⴷ ⵜⴰⴱⴷⴰⴷⵜ ⵏⵏⵙ ⵉⵖⵥⴰⵏⵏ ⵍⵍⵉⵖ « ⵉⴷⴷⴰ ⵢⴰⵏ ⵓⵎⵖⴰⵕ ⴰⵅⴰⵜⴰⵔ ⵏ ⵜⵙⴽⴰ ⵜⴰⵎⵖⵔⴰⴱⵉⵜ, ⵎⴰ ⵢⴰⴷ ⵢⵓⵔⴰⵏ ⵉⵣⵍⵉ ⴰⵏⴰⵎⵓⵔ ⵏ ⵜⴳⵍⴷⵉⵜ, ⴷ ⵢⴳⵍⴰⵏ ⵜⴰⵙⴷⵍⵉⵙⵜ ⵜⴰⵏⴰⵎⵓⵔⵜ ⵙ ⵜⵉⴳⵉⵏ ⵜⵉⵎⴷⵢⴰⵣⵏ ⴷ ⵉⵏⴳⴰⵍⵏ ⵉⵎⵥⵍⵉⵏⵉⵏ ⵍⵍⵉ ⵢⵉⵡⵉⵏ ⵎⵏⵏⴰⵡ ⵎⵏⵏⴰⵡ ⵏ ⵜⵙⵎⵖⵓⵔⵉⵏ ⵜⵉⵏⴼⵍⵍⴰⵏ ⵏ ⵓⵙⵓⵜⴳ ⵜⵉⵏⴰⵎⵓⵔⵉⵏ ⴷ ⵜⵉⵄⵕⴰⴱⵉⵏ ».

ⵉⵜⵜⵓⵙⴰⵏ ⵉⴳⵍⵍⵉⵏ, ⵍⵍⵉ ⵢⵍⵓⵍⵉⵏ ⴳ ⵜⵖⵔⵎⵜ ⵏ ⴼⴰⵙ ⴳ 1932, ⵍⵍⵉⵖ ⵢⵓⵔⴰ ⵢⵣⵍⵉ ⵡⵏⴰⵎⵓⵔ ⵏ ⵜⴳⵍⴷⵉⵜ, ⵓⵍⴰ ⵅⴼ ⵎⵏⵏⴰⵡ ⵏ ⵜⵙⴳⵍⴰⵡⵉⵏ ⵜⵉⵙⵎⴰⵢⵏⵓⵏⵏ.

ⵢⵉⵡⵉ ⵡⵎⴷⵢⴰⵣ ⵄⵍⵉ ⵚⵚⵇⵍⵍⵉ ⵍⵃⵓⵙⴰⵢⵏⵉ ⵜⴰⵙⵎⵖⵓⵔⵜ ⵜⴰⵎⵇⵕⴰⵏⵜ ⵏ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 1982, ⵓⵍⴰ ⵜⴰⵙⵎⵖⵓⵔⵜ ⵏ ⵓⴳⵍⵍⵉⴷ ⴼⴰⵢⵚⴰⵍ ⵜⴰⵎⴰⴹⵍⴰⵏⵜ ⵏ ⵜⵙⴽⵍⴰ ⵏ ⵓⵎⵣⵢⴰⵏ ⴳ ⵓⵙⴳⴳⵯⴰⵙ ⵏ 1992.

Dernière modification : 06 ⵏⵓⵡⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%9C%E2%B5%9C%E2%B5%93%E2%B5%8E%E2%B5%A2%E2%B4%B0%E2%B4%B9%E2%B4%B0%E2%B5%8D-%E2%B5%8F-%E2%B5%89%E2%B4%B3%E2%B4%B3%E2%B5%8D%E2%B5%89%E2%B5%8F-%E2%B4%B0%E2%B5%8E%E2%B4%B7%E2%B5%A2%E2%B4%B0%E2%B5%A3-%E2%B5%84%E2%B5%8D%E2%B5%89-%E2%B5%9A%E2%B5%9A%E2%B5%87%E2%B5%8D%E2%B5%8D%E2%B5%89-%E2%B5%8D%E2%B5%83%E2%B5%93%E2%B5%99%E2%B5%A2%E2%B5%8F%E2%B5%89-%E2%B4%B3-%E2%B5%9C%E2%B5%99%E2%B5%8E%E2%B4%B9%E2%B4%B0%E2%B5%8D%E2%B5%9C-%E2%B5%8F-%E2%B5%9B%E2%B5%9B%E2%B5%93%E2%B5%80%E2%B4%B0%E2%B4%B7%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%99#comment-0