Published on MAPNews (https://www.mapnews.ma/am)

Accueil > ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙⵉⵏ ⵉⵙⵏⵜⵉⵏ ⵉⵣⵓⵔⵉⵏ ⴳ ⵓⵖⴰⵡⴰⵙ ⵏ ⵓⵔⴰⵢ ⴷ ⵜⴳⵎⵉ ⵏ ⵜⵖⵍⴰ ⵏ ⵓⴳⵯⵊⵊⵉⴼ ⵏ ⵎⵕⵕⴰⴽⵯⵛ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙⵉⵏ ⵉⵙⵏⵜⵉⵏ ⵉⵣⵓⵔⵉⵏ ⴳ ⵓⵖⴰⵡⴰⵙ ⵏ ⵓⵔⴰⵢ ⴷ ⵜⴳⵎⵉ ⵏ ⵜⵖⵍⴰ ⵏ ⵓⴳⵯⵊⵊⵉⴼ ⵏ ⵎⵕⵕⴰⴽⵯⵛ

09 ⴽⵟⵓⴱⵕ 2018 Version Imprimable
ⵎⵕⵕⴰⴽⵯⵛ - ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⴰⵙⵙ ⵏ ⵓⵙⵉⵏⴰⵙ ⴳ ⵎⵕⵕⴰⴽⵯⵛ, ⵙⵉⵏ ⵉⵙⵏⵜⵉⵏ ⵉⵣⵓⵔⵉⵏ ⴳ ⵓⵖⴰⵡⴰⵙ ⵏ ⵓⵔⴰⵢ ⴷ ⵜⴳⵎⵉ ⵏ ⵜⵖⵍⴰ ⵏ ⵓⴳⵯⵊⵊⵉⴼ ⵏ ⵎⵕⵕⴰⴽⵯⵛ.

ⵉⵙⵙⵏ ⵓⵖⴰⵡⴰⵙ ⵏ ⵓⵔⴰⵢ ⵏ ⵜⵖⵍⴰ ⵏ ⵓⴳⵯⵊⵊⵉⴼ, ⵍⵍⵉ ⵢⴱⴷⴰⵏ ⴳ ⵓⵙⴳⴳⵯⴰⵙ ⵏ 2007, ⵜⵉⴽⵍⵉⵏ ⵜⵉⵎⴰⵢⵏⵓⵜⵉⵏ ⴳ ⵜⵏⴽⵔⴰ ⵏⵏⵙ. ⵜⵙⵜⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵎⵎⴰⵙ ⵏ ⵓⵔⵣⴰⴼ ⵏⵏⵙ, ⵙⵉⵏ ⵉⵏⵙⵙⴰⵏ ⵉⴳⴰⵏ ⵙⵉⵏ ⵜⵉⴽⵍⵉⵏ ⵏ ⵜⵡⵓⵔⵉ ⵍⵍⵉ ⵢⵜⵜⵓⵙⴽⴰⵔⵏ ⴰⵔ ⵓⴽⵓⴷ ⴰⴷ.

ⵍⵍⵉⵖ ⵜⴱⵉⴷⴷ ⵍⴰⵍⵍ ⵏ ⵜⴰⵜⵜⵓⵢⵜ ⴰⵎⵎⴰⵙ ⵏ ⵢⴰⵜ ⵜⵖⵍⵉ ⵜⴰⵏⴼⵍⴰⵃⵜ, ⵜⵎⵍⴰⵍ ⴷ ⵉⵏⴼⵍⴰⵃⵏ ⵏ ⵉⴳⵔ ⵏ ⵉⵣⵍⵎⴹ ⵏ ⵜⴳⵓⵜ ⵏ ⵜⵖⵍⴰ ⵏ ⵓⴳⵯⵊⵊⵉⴼ. ⴹⴼⴰⵕⵏ ⵉⵏⴼⵍⴰⵃⵏ ⴰⴷ ⵉ 49 ⵜⴰⵡⵊⴰ ⵉⵎⵙⴱⵖⵔⵏ ⵙⴳ ⵓⵖⴰⵡⴰⵙ ⴰⵣⵓⵔⵉ ⴳ ⵉⴳⵔ ⵏ ⵓⵙⵏⴼⵍⴰⵃ ⴰⴽⵓⵍⵓⵊⵉ ⵍⵍⵉ ⵜⵙⵙⵓⴼⵖ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵃⵟⵟⵓ ⵏ ⵓⵡⵏⴰⴹ ⴷ ⵜⵙⵙⵉⵅⴼ ⴰⵣⵣⴳⵉⵔ ⵏⵏⵙ ⵜⵎⵙⵎⵓⵏⵜ ⵜⴰⵎⴰⴹⵍⴰⵏⵜ "ⴰⴳⵔⵉⵙⵓⴷ" ⴷ "ⵓⵔⵙⵉⵣ" ⵙ ⵓⵙⵙⵥⵕⴼ ⵏ ⵓⵙⵉⵔⴰ ⴰⵛⵔⵉⴼ ⵏ ⵍⴼⵓⵚⴼⴰⵟ.

ⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵍⵍⵉⵖ ⵜⵍⴽⵎ ⵉ ⵡⵎⵜⵜⵓⵍ ⴰⵏⴼⵍⴰⵃ ⴰⵎⵣⵡⴰⵔⵓ ⴳ ⵜⵖⵍⴰ ⵏ ⵓⴳⵯⵊⵊⵉⴼ ⵏ ⵎⵕⵕⴰⴽⵯⵛ ⵓⵏⵙⵙⵉⵅⴼ ⴰⵎⵉⵔⵉ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⵎⴰⵙⵙ ⵍⵃⵓⵙⴰⵢⵏ ⵜⵜⵉⵊⴰⵏⵉ, ⴷ ⵜⵉⵎⵉⵔⵉⵜ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙ ⵏ ⵜⴰⵥⴹⴰⵕⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵙⵎⴳⵍⵏ ⵙ ⵜⵉⴳⵎⵉ ⵜⴰⵙⵓⵍⴰⵏⵜ, ⵎⴰⵙⵙⴰ ⵏⵣⵀⴰ ⵍⵡⴰⴼⵉ, ⴷ ⵍⵡⴰⵍⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵓⵏ ⵜⵉⴷⵖⵔⴰⵏ, ⵎⴰⵙⵙ ⵅⴰⵍⵉⴷ ⵙⴰⴼⵉⵔ, ⴷ ⵍⵡⴰⵍⵉ ⵏ ⵜⵙⴳⴰ ⵏ ⵎⵕⵕⴰⴽⵯⵛ ⴰⵙⴼⵉ ⵎⴰⵙⵙ ⴽⴰⵔⵉⵎ ⵇⵙⵙⵉ ⵍⵃⵍⵓ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵎⵕⵕⴰⴽⵯⵛ ⴰⵙⴼⵉ, ⵎⴰⵙⵙ ⴰⵃⵎⴰⴷ ⵅⵛⵉⵛⵏ, ⴷ ⵓⵏⴱⴰⴹ ⴷ ⵓⵏⵎⵀⴰⵍ ⵏ ⵜⵏⵎⵀⴰⵍⵜ ⵏ ⵡⴰⵎⴰⵏ ⴷ ⵓⵙⵔⵉⴷ ⴳ ⵜⵎⴰⵡⴰⵙⵜ ⵏ ⵓⴳⵏⵙⵓ, ⵎⴰⵙⵙ ⵎⵚⵟⴰⴼⴰ ⵍⵀⴱⵟⵉ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴼⵔⴰⵏ ⵏ ⵎⵕⵕⴰⴽⵯⵛ, ⵎⴰⵙⵙ ⵎⵓⵃⵎⵎⴷ ⵍⵄⵕⴱⵉ ⴱⵍⵇⴰⵢⴷ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ. 

ⴷⴼⴼⵉⵔ ⴰⴷ, ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⵔⵣⴰⴼ ⵉ ⵡⵎⴷⴰ ⵏ ⵓⴳⴰⴷⵉⵔ ⵏ ⵡⴰⵎⴰⵏ ⵉⵙⵡⵉⵏ, ⵍⵍⵉ ⵢⴳⴰⵏ ⵢⴰⵜ ⵜⴽⵍⵉ ⵉⴷⴷⵓⵔⵏ ⴳ ⵓⵎⴳⵔⴰⵡ ⵏ ⵓⵣⵔⵜ ⵎⵔⴰ ⴰⴷ ⵙⵡⵉⵏ ⵛⵛⴰⵜⴰⴻⵉⵍ ⵏ ⴰⴳⵯⵊⵊⵉⴼ ⵉⵎⴰⵢⵏⵓⵏ ⵙ ⵡⴰⵎⴰⵏ ⴷ ⵓⵙⵎⴽⵍ ⴳ ⵓⵙⴰⵔⵙ ⵏ ⵡⴰⵎⴰⵏ ⵓⵔ ⵉⵜⵜⵓⵙⵡⴰⵏ ⴳ ⵜⵖⵔⵎⵜ ⵏ ⵎⵕⵕⴰⴽⵯⵛ.

ⵍⵍⵉⵖ ⵢⴰⴷ ⵍⵍⵉ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴹ, ⵉ ⴰⵏⵙⴰ ⵡⵉⵙⵙ ⵙⵉⵏ, ⵣⵓⵍⵏ ⵜ ⵎⴰⵙⵙ ⵄⴱⴷⵏⵏⴱⵉ ⵊⴰⵡⴰⴷⴰ, ⴰⵏⴱⴰⴹ ⴰⵏⵎⵀⴰⵍ ⵏ ⵜⵏⴽⵔⴰ ⵙ ⵜⵡⵓⵔⵉ ⵜⴰⵏⴰⵎⵓⵔⵜ ⴳ ⵓⴹⴼⴰⵚ, ⴷ ⵎⴰⵙⵙ ⵎⵓⵃⵎⵎⴷ ⵜⵓⴼⵍⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⵏⵓⴹⵜ ⵏ ⵍⵎⵏⴰⵕⴰ, ⴷ ⵎⴰⵙⵙ ⵟⴰⵕⵉⵇ ⵙⵙⵉⵊⵉⵍⵎⴰⵙⵙⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵓⵕⵜⵟⵏ ⴰⵏⴼⵍⴰⵃ, ⴷ ⵎⵏⵏⴰⵡ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 09 ⴽⵟⵓⴱⵕ 2018
Source URL: https://www.mapnews.ma/am/activites-princieres/%E2%B5%9C%E2%B5%94%E2%B5%A3%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%99%E2%B5%89%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%A3%E2%B5%93%E2%B5%94%E2%B5%89%E2%B5%8F-%E2%B4%B3-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F#comment-0