Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⴳⵔⴰⵡ "ⵎⵉⵛⵍⵉⴼⵏ ⴳⵓⵍⴼ ⴰⵏⴷ ⴽⴰⵡⵏⵜⵔⵉ"
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵕⵥⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⴳⵔⴰⵡ "ⵎⵉⵛⵍⵉⴼⵏ ⴳⵓⵍⴼ ⴰⵏⴷ ⴽⴰⵡⵏⵜⵔⵉ"

01 ⴽⵟⵓⴱⵕ 2018 Version Imprimable
ⵉⴼⵔⴰⵏ - ⵉⵕⵥⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵉⴼⵔⴰⵏ, ⴰⵙⴳⵔⴰⵡ "ⵎⵉⵛⵍⵉⴼⵏ ⴳⵓⵍⴼ ⴰⵏⴷ ⴽⴰⵡⵏⵜⵔⵉ", ⵎⴰⵢⴰⴷ ⵉⵜⵜⴱⵏⴰⵏ ⴳ ⵢⴰⵏ ⵡⴰⴽⴰⵍ ⵢⵓⵎⵥⵏ 100 ⴰⵀⵉⴽⵜⴰⵕ.

ⵍⵍⵉⵖ ⵉⵍⴽⵎ ⵉ ⵡⵙⴳⵔⴰⵡ "ⵎⵉⵛⵍⵉⴼⵏ ⴳⵓⵍⴼ ⴰⵏⴷ ⴽⴰⵡⵏⵜⵔⵉ", ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵏ ⵓⴳⵔⴰⵡ ⵏ ⵜⴳⴰⵍⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵎⴰⵡⵙⴰⵙ ⵏ ⵜⵉⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⴷ ⵉⵎⵉⵔⵉ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵙⴳⴰⵡⴰⵏ ⵏ ⵉⴼⵔⴰⵏ, ⵎⴰⵙⵙ ⵃⵎⵎⵓ ⵓⵃⵍⵍⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⴷ ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⴼⴰⵙ, ⵎⴰⵙⵙ ⵙⴰⵄⵉⴷ ⵥⵏⵉⴱⵕ, ⴷ ⵎⵏⵏⴰⵡ ⵏ ⵉⵎⵙⵜⴳⴳⵯⴰⵔⵏ ⵢⴰⴹⵏⵉⵏ. 

ⴷⴼⴼⵉⵔ ⵍⵍⵉⵖ ⵉⴱⴱⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⴼⵉⴼ ⵏ ⵉⵏⵉⴳⵍ, ⵉⵙⴽⵔ ⵢⴰⵜ ⵜⵡⴰⵍⴰ ⴳ ⵜⴰⴷⴷⴰⵔⵜ ⵏ ⵓⵙⴳⵔⴰⵡ "ⵎⵉⵛⵍⵉⴼⵏ ⴳⵓⵍⴼ ⴰⵏⴷ ⴽⴰⵡⵏⵜⵔⵉ", ⵍⵍⵉ ⴳⵉⵜ ⵉⵍⵍⴰⵏ ⵢⴰⵏ ⵓⵃⴰⵏⵓ ⵏ ⵎⵉⴷⴷⵏ ⵉⵣⵣⵓⵍⴰⵏ ⵏ ⵜⵓⵏⵏⵓⵏⵜ ⵏ ⵍⴳⵓⵍⴼ, ⴷ ⵜⴰⵙⴷⵍⵉⵙⵜ, ⴷ ⵜⴰⵙⵉⵔⵎⵜ.

ⵉⵔⵣⴼ  ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵏⵙⵙⴰⵏ ⵢⴰⴹⵏⵉⵏ ⵏ ⵓⵙⴳⵔⴰⵡ ⴰⴷ, ⵍⵍⴰⵏ ⴳⵉⵙⵏ ⵜⴰⴽⴰⴷⵉⵎⵉⵜ ⵏ ⵍⴳⵓⵍⴼ (ⵉⵎⵎⴰⵙⵏ ⵏ ⴰⵙⴰⵏⵓⵏ ⵅⴼ ⵉⵡⵜⵏ ⵏ ⵜⴽⵓⵔⵜ, ⴷ ⵉⵎⴰⵙⵙⵏ ⴷ ⵉⵙⴰⵏⵓⵏⵏ) ⴷ ⵓⵙⴰⵢⵔⴰⵔ ⵏ ⵜⵙⴽⴰⵔⵜ ⴷ ⵉⵏⵙⵙⴰⵏ ⵏ ⵓⵙⴰⵏⵓⵏ ⵉⵥⴳⵯⵣⴰⵏ.

ⵉⵍⵍⴰ ⵡⵙⴳⵔⴰⵡ ⴰⴷ ⴳ ⵜⴰⵜⵜⵓⵢⵜ ⵏ 1650 ⴰⵎⵉⵜⵔⵓ ⴳⵔ ⵉⴷⵔⴰⵔⵏ ⴷ ⵜⴳⴰⵏⵜⵉⵏ ⵏ ⵍⴰⵔⵣ ⴰⵎⵎⴰⵙ ⵏ ⵍⴰⵟⵍⴰⵚ ⴰⵏⴰⵎⵎⴰⵙ, ⵍⵍⴰⵏ ⴳⵉⵜ 18 ⵓⴳⵯⴹⵉ ⵍⵍⵉ ⵢⵙⴽⵔ ⵓⵏⴱⴰⵔⴰⵣ ⴰⵎⴰⴹⵍⴰⵏ "ⵊⴰⴽ ⵏⵉⴽⵓⵍⵓⵙ". ⴱⵍⴰ ⵏ ⵖⵉⴽⴰⵏⵏ, ⵉⵙⵎⴰⵏ ⵓⵙⴳⵔⴰⵡ ⴰⴷ 100 ⴰⵀⵉⴽⵜⴰⵕ, 77 ⴳⵉⵜⵙⵏ ⴳⴰⵏ ⵉ ⵡⴱⴰⵔⴰⵣ ⵏ ⵍⴳⵓⵍⴼ.

Dernière modification : 01 ⴽⵟⵓⴱⵕ 2018
Source URL: https://www.mapnews.ma/am/activites-princieres/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B0%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8E%E2%B5%89%E2%B5%9B%E2%B5%8D%E2%B5%89%E2%B4%BC%E2%B5%8F-%E2%B4%B3%E2%B5%93%E2%B5%8D%E2%B4%BC-%E2%B4%B0%E2%B5%8F%E2%B4%B7-%E2%B4%BD%E2%B4%B0%E2%B5%A1%E2%B5%8F%E2%B5%9C%E2%B5%94%E2%B5%89#comment-0