Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵜⵎⴰⵔⴰ ⵜⴰⴼⵓⴽⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴹⴰⵡ ⵅⴼ ⵜⵎⵓⵙⴰⵅ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵜⵎⴰⵔⴰ ⵜⴰⴼⵓⴽⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴹⴰⵡ ⵅⴼ ⵜⵎⵓⵙⴰⵅ

24 ⵛⵓⵜⴰⵏⴱⵉⵔ 2018 Version Imprimable
ⵜⵎⴰⵔⴰ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⵉⴹⵍⵍⵉ ⵏ ⵓⵙⴰⵎⴰⵙ ⴳ ⵓⴷⵉⵙ ⵏ ⵜⵉⵏⵎⵍ ⵜⴰⴳⵍⴷⴰⵏⵜ ⵏ ⵉⵎⵏⴰⵢⵏ ⴳ ⵜⵎⴰⵔⴰ, ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵎⵏⵢⵓⴳⴰⵔⵜ ⵜⴰⵎⴰⴷⴷⵓⴷⵜ ⵏ ⵓⵏⴹⴰⵡ ⵅⴼ ⵜⵎⵓⵙⴰⵅ.

ⵍⵍⵉⵖ ⵢⵉⵡⴹ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵉ ⵡⴷⵉⵙ ⵏ ⵜⵉⵏⵎⵍ ⵜⴰⴳⵍⴷⴰⵏⵜ ⵏ ⵉⵎⵏⴰⵢⵏ ⴳ ⵜⵎⴰⵔⴰ, ⵢⵓⴼⴰ ⴳ ⵓⵙⴱⵓⴳ ⵏⵏⵙ ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⴰⵎⴳⴳⵉⵡⵙ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏ.

ⴷⴼⴼⵉⵔ ⵍⵍⵉⵖ ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵏ ⵓⴳⵔⴰⵡ ⵏ ⵉⵏⴹⴰⴼⵏ ⵉⴳⵍⴷⴰⵏⵏ ⵍⵍⵉ ⴷ ⵜ ⵉⵣⵓⵍⵏ, ⵣⵢⵓⵍⵏ ⵏⵜ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⴷ ⵓⵎⴰⵡⵙⴰⵙ ⵏ ⵜⵉⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵓⵏⴰⵎⴱⵉ ⵏ ⵍⵎⵖⵔⵉⴱ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵙⵍⴰ ⵍⵇⵏⵉⵟⵕⴰ, ⴷ ⵎⵏⵏⴰⵡ ⵢⴰⴹⵏⵉⵏ.

ⴳ ⴰⵎⵎⴰⵙ ⵏ ⵔⵔⵛ ⵏ ⵓⴳⴷⵓⴷ ⵉⵄⴷⴰⵏ ⵍⵍⵉ ⴷ ⵢⵓⵛⴽⴰⵏ ⵙ ⵓⴷⴷⵉⵙ ⵏ ⵜⵉⵏⵎⵍ ⵜⴰⴳⵍⴷⴰⵏⵜ ⵏ ⵉⵎⵏⴰⵢⵏ, ⵉⴷⴷⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵙ ⵜⵉⵎⵣⵔⵉⵜ ⵏ ⵡⴰⴷⴷⵓⵔ, ⵍⵍⵉⵖ ⵉⴹⴼⴰⵕ ⵉⵎⵃⵉⵣⵡⵔⵏ ⵉⵣⵍⵉⵏ ⵙ ⵜⴰⵙⵎⵖⵓⵔⵜ ⵜⴰⵎⵇⵕⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵉⵡⵉ ⵡⵎⵏⴰⵢ ⵍⵖⴰⵍⵉ ⴱⵓⵇⴰⵄ ⵍⵍⵉ ⵢⵙⵙⵓⴷⴰⵏ « ⴽⵓⵍ ⵔⴰⵏⵉⵏⴳ » ⴷⴷⴼⵉⵔ ⵍⵍⵉⵖ ⵢⵣⵔⵉ ⵜⴰⵎⵏⵢⵓⴳⴰⵔⵜ ⵏ ⵓⴳⴳⵓⴳ ⴱⵍⴰ ⴽⵔⴰ ⵢⴳⴰⵜ ⵜⴰⵣⴳⵍⵜ ⴳ ⴰⴽⵓⴷ ⵓⵙⵜⵉⴳ ⵏ 43 ⵜⴰⵙⵉⵏⵜ ⴷ 16/100.

ⵍⵍⵉⵖ ⵉⵜⵎⵎⴰ ⵡⵎⵃⵉⵣⵡⵔ ⴰⵎⴰⵏⵓⵏ ⴰⴷ, ⵍⵍⵉ ⵢⵜⵙⵏⵎⴰⵍⴰⵏ ⵙ ⵉⵥⵍⵉ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵎⵏⴰⵢⵜ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵙⵎⵖⵓⵔⵜ ⵜⴰⵎⵇⵕⴰⵏⵜ ⵉ ⵍⵖⴰⵍⵉ ⴱⵓⵇⴰⵄ.

ⴷ ⵉⴼⴽⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⵉⵙⵎⵖⵓⵔⵉⵏ ⵉ ⵢⵎⵏⴰⵢⵏ ⵍⵍⵉ ⵢⵉⵡⵉⵏ ⴽⴽⵓⵥ ⵉⵏⵙⵙⴰⵏ ⵉⵣⵡⴰⵔⵏ, ⵎⴰⵢⴰⴷ ⵉⴳⴰⵏ ⵄⵍⵉ ⵍⵃⵕⵛ ⵍⵍⵉ ⵢⵉⵡⵉⵏ ⴰⵏⵙⴰ ⵡⵉⵙⵙ ⵙⵉⵏ, ⴷ ⵍⵉⵏⴰ ⴱⵏⵅⵕⴰⴱⴰ ⵍⵍⵉ ⵢⵉⵡⵉⵏ ⴰⵏⵙⵙⴰ ⵡⵉⵙⵙ ⴽⵕⴰⴹ ⴷ ⵡⵉⵙⵙ ⴽⴽⵓⵣ, ⴷ ⵄⵍⵉ ⵍⵃⵕⵛ ⴷⴰⵖ ⵍⵍⵉ ⵢⵉⵡⵉⵏ ⴰⵏⵙⴰ ⵡⵉⵙⵙ ⵙⵎⵎⵓⵙ. ⴳ ⵓⴽⵎⵎⵍ ⵏ ⵓⵎⵃⵉⵣⵡⵔ ⴰⵎⴰⵏⵓⵏ ⴰⵎⵇⵕⴰⵏ ⴰⴷ, ⵓⵎⵥⵏ ⵉⵎⵏⴰⵢⵏ ⵉⵏⵏⵔⴰⵏ ⵢⴰⵜ ⵜⴰⵡⵍⴰⴼⵜ ⵏ ⵓⵙⴽⵜⵉ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ.

ⵍⵍⵉⵖ ⵉⵜⵎⵎⴰ ⵓⵎⵃⵉⵣⵡⵔ ⴰⴷ, ⵙⴽⵔⵏ ⵢⵎⵏⴰⵢⵏ ⵍⵍⵉ ⵢⵉⵡⵉⵏ ⵜⴰⵙⵎⵖⵓⵔⵜ ⵜⴰⵎⵇⵕⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴰⵡⴰⵍⴰ ⵏ ⵡⴰⴷⴷⵓⵔ ⵅⴼ ⵓⴷⵉⵙ .

Dernière modification : 24 ⵛⵓⵜⴰⵏⴱⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%9C%E2%B5%8E%E2%B4%B0%E2%B5%94%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%BD%E2%B5%8D%E2%B4%B0-%E2%B5%8F#comment-0