Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵎⵓⵏⵉ ⵜⴰⵎⴰⵜⴰⵢⵜ ⵏ ⵉⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⴰⵙⵎⵓⵏⵉ ⵜⴰⵎⴰⵜⴰⵢⵜ ⵏ ⵉⵎⵎⵓⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ

06 ⵢⵓⵍⵢⵓⵣ 2018 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ, ⵜⴰⵏⵙⵙⵉⵅⴼⵜ ⵏ ⵓⵎⵓⵍⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵉⴼⴰⵡⵜ, ⵜⴰⵙⵎⵓⵏⵉ ⵜⴰⵎⴰⵜⴰⵢⵜ ⵜⴰⵄⴰⴷⵉⵜ ⵏ ⵓⵎⵓⵍⵍⵉ , ⴳ ⵓⵙⴰⵜⵉ ⵏ ⵜⵙⵎⵓⵏⵉ ⵜⵉⵙⴳⴳⵯⴰⵙⵉⵏ ⵏ ⵓⵙⵜⴰⵍ ⴷ ⵓⴹⴼⴰⵕ, ⵍⵍⵉ ⵢⵙⵙⵏ ⴰⵙⵎⵏⵉⴷ ⵏ ⵜⵉⵏⴰⴹⵉⵏ ⵏ ⵜⵙⴽⵍⴰ ⴷ ⴰⵣⵔⴼⴰⵏ ⵓⵍⴰ ⵜⴰⵖⵓⵔⵉ ⵏ ⵜⵏⴰⴹⵜ ⵏ ⵓⵎⵓⵣⴰⵢ ⵏ ⵍⵃⵉⵙⴰⴱⴰⵜ ⴳ ⵓⵣⵎⵣ ⵏ ⵓⵙⴳⴳⵯⴰⵙ ⵏ 2017.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵎⵓⵍⵍⵉ ⴰⵎⵖⵔⴰⴱⵉ ⵏ ⵓⵔⴰⵢ ⵏ ⵜⵎⵣⵉ ⵎⴰⵙⵙ ⴷⴷⴼⵉⵔ ⵍⵍⵉⵖ ⵜⵣⵓⵍ ⵏ ⵜⵉⵍⵉⵜ ⵎⴰⵢⴰⴷ ⵉⴳⴰⵏ ⵉⵙⵎⴷⵢⴰⵡⵏ ⵏ ⵉⵙⴰⵔⵏ ⵉⵎⵏⴰⴹⵏ ⴷ ⵉⴷⵖⵔⴰⵏ ⵏ ⵓⵎⵓⵍⵍⵉ, ⵜⵙⵎⵖⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⵉⵏⴱ ⵜⵓⴳⴳⴰⵣ ⵍⵍⵉ ⵙⴽⵔⵏ ⴰⴽⴽⵯ ⵉⴳⵎⴰⵎⵏ ⴳ ⵉⴳⵔ ⵏ ⵓⵔⴰⵢ ⴷ ⵉⴹⴼⴰⵕ ⵏ ⵉⴷⴷⴰⴷⵏ ⵏ ⵉⴼⵔⵅⴰⵏ ⵓⵔ ⵉⵟⵟⵉⴼⵏ ⵜⵉⵡⵊⴰⵏ ⴷ ⵉⴷⴷⴰⴷⵏ ⵉⵏⴰⵎⵓⵔⵏ ⵉⵛⵇⵇⴰⵏ, ⵙⵍⴰⵡⴰⵏ ⴰⴽⴽⵯ ⵉⵏⵙⵎⵍⴰⵏ ⵉⵍⵍⴰⵏ ⴳ ⴰⴷⴷⴰⴷ ⵏ ⵍⵀⴰⵛⴰⵛⴰ ⴷ ⵓⵎⵎⵓⵄⴹⵕ.

ⵙ ⵓⵣⵎⵣⵣⵓ ⴷⵖ, ⵉⵏⵏⴰ ⵡⵙⵉⵡⴹ ⵎⴰⵙ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵜⵙⴷⴷⵉⴷ ⵎⴰⴷ ⵉⵅⵚⵚⴰ ⴰⴷ ⵣⴰⵢⴷⵏⵜ ⵜⵓⴳⴳⴰⵣ ⴷ ⵉⵙⵎⵓⵙⵙⵓⵏ ⵉⵅⵚⵚⴰⵏ ⴰⴼⴰⴷ ⵜⵜⵓⵙⴽⴰⵔⵏ ⵉⵙⵏⵜⵉⵏ ⴷ ⴰⴷ ⵜⵜⵓⵙⵄⵓⵏⵜ ⵜⵉⵏⴰⴼⵓⵜⵉⵏ ⵏ ⵓⵙⵏⵓⴱⴳ ⴷ ⵉⵣⴷⴰⵖⵏ ⵏ ⵎⵉⴷⴷⵏ ⵏ ⵉⵎⵎⴰⵙⵏ ⵉⵏⴰⵎⵓⵔⵏ ⴷ ⵏ ⵓⵙⴳⵎⵉ, ⵜⵖⵔⴰ ⵎⴰⵙ ⴰⴷ ⵣⴰⵢⴷⵏ ⴰⴽⴽⵯ ⵉⵎⵙⴽⴰⵔⵏ ⴳ ⵜⵓⴳⴳⴰⵣ ⵏⵏⵙⵏ ⵎⵔⴰ ⴰⴷ ⵏⴽⵔⵏ ⵙ ⵉⵙⵏⵜⵉⵏ ⵍⵍⵉ ⵢⵙⵙⴽⵛⴰⵎⵏ  ⵉⵇⴰⵕⵉⴹⵏ, ⵎⵔⴰ ⴰⴷ ⵜⵉⵍⵉ ⵜⴰⵙⵉⵎⴰⵏⵜ ⵜⴰⵥⵕⴼⴰⵏⵜ ⴷ ⴰⴷ ⵃⴱⵓⵏ ⵉⵇⵇⴰⵕⵉⴹⵏ ⵏ ⵓⵙⵡⵓⴷⴷⵓ ⵏ ⵜⵉⵎⵔⵙⴰⵍⵉⵏ ⵉⴹⴼⴰⵕⵏ ⵉⵎⵓⵍⵍⵉ.

ⴷⴼⴼⵉⵔ ⵏ ⵢⴰⵏ ⵓⵎⴹⴰⴽⴰⵕ ⴰⵎⴰⵜⴰⵢ, ⵙⵙⵖⵣⵏ ⵉⴳⵎⴰⵎⵏ ⵙ ⵜⵓⴳⵓⵜ ⵜⴰⵏⴰⴹⵜ ⵜⴰⵙⴽⵍⴰ ⴷ ⵍⵃⵉⵙⴰⴱⴰⵜ ⵏ ⵓⵙⴳⴳⵯⴰⵙ ⵉⵣⵔⴼⴰⵏ ⵍⵍⵉ ⵢⴽⵎⵎⵍⵏ ⴳ 31 ⴷⵓⵊⴰⵏⴱⵉⵔ 2017, ⵓⵍⴰ ⵜⵉⵍⴳⴰⵎⵉⵏ ⵏ ⵜⵓⵚⴽⴰ ⵉⵣⵍⵉⵏ ⴳⵉⵙ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵉⵎⵓⵍⵍⵉ ⵏ ⵓⵙⴳⴳⵯⴰⵙ ⵏ 2018-2020.

Dernière modification : 06 ⵢⵓⵍⵢⵓⵣ 2018
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%A3%E2%B5%89%E2%B5%8F%E2%B4%B1-%E2%B5%9C%E2%B4%B0%E2%B5%99%E2%B5%8E%E2%B5%93%E2%B5%8F%E2%B5%89-%E2%B5%9C%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2%E2%B5%9C-%E2%B5%8F-%E2%B5%89%E2%B5%8E%E2%B5%8E%E2%B5%93%E2%B5%8D%E2%B5%89-%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89-%E2%B5%8F#comment-0