Published on MAPNews (https://www.mapnews.ma/am)

Accueil > ⵜⴰⴼⵓⴽⵍⴰ ⵏ ⵓⴽⵜⴰⵢ ⵏ ⵜⵓⵚⴽⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ... ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵏ ⵉⵎⴽⵍⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵣⵓ ⴷⵖ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴼⵓⴽⵍⴰ ⵏ ⵓⴽⵜⴰⵢ ⵏ ⵜⵓⵚⴽⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ... ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵏ ⵉⵎⴽⵍⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵣⵓ ⴷⵖ

14 ⵎⴰⵢⵢⵓ 2018 Version Imprimable
ⵕⵕⴱⴰⵟ - ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⵙ ⵜⵉⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵔⵙⵍⵜ ⵢⴰⵜⵜⵓⵢⵏ ⵏ ⵜⵙⵔⴷⴰⵙⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵓⵙⴳⵔⴰⵡ ⵏ ⴹⵓⴱⴱⴰⵟ, ⵢⴰⵏ ⵉⵎⴽⵍⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⵎⵣⵣⵓ ⵏ ⵓⴽⵜⴰⵢ ⵡⵉⵙⵙ 62 ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⵍⵍⵉⵖ ⵉⵡⴹ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵣⵓⵍⵏ ⵜ ⴰⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⴰⵏⵙⵙⵉⵅⴼ ⵏ ⵍⵃⴰⵎⵢⴰ ⵜⴰⵄⵙⴽⵔⵉⵜ ⵙ ⵕⵕⴱⴰⵟ - ⵙⵍⴰ, ⴷⴰⵜ ⴰⴷ ⵉⵙⵙⵅⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵏ ⵓⴳⵔⴰⵡ ⵙⴳ ⵓⵙⵖⵉⵎ ⴰⵎⴰⵜⴰⵢ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.

ⴷⴼⴼⵉⵔ ⵢⴰⴷ, ⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵎⵣⴰⵖ ⴰⵏⴰⵎⵓⵔ, ⵄⴱⴷⵍⵍⵟⵉⴼ ⵍⵓⴷⵉⵢⵢⵉ, ⴷ ⴰⵊⵉⵏⵉⵕⴰⵍ ⴷⵓ ⴷⵉⴼⵉⵣⵢⵓⵏ, ⵎⵓⵃⵎⵎⴷ ⵀⵕⵎⵓ, ⴰⵏⵙⵙⵉⵅⴼ ⵏ ⵉⵊⴰⴹⴰⵕⵎⵉⵏ ⵉⴳⵍⴷⵓⵏ, ⴷ ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ, ⵍⵄⴱⴷ ⵍⵄⴰⵍⴰⵡⵉ ⴱⵓⵃⴰⵎⵉⴷ, ⴰⵎⴳⴳⵉⵡⵙ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵍⴽⵓⵏⵟⵕ ⴰⵎⵉⵕⴰⵍ ⵎⵚⵟⴰⴼⴰ ⵍⵄⴰⵍⴰⵎⵉ, ⴰⵎⴳⴳⵉⵡⵙ ⵏ ⵍⴱⵃⵔⵢⵢⴰ ⵜⴰⴳⵍⴷⵉⵜ.

ⵃⴰⴹⵕⵏ ⴳ ⵢⴰⴷ ⵉⵎⴽⵍⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵏ ⵓⵙⵇⵇⵉⵎ ⵏ ⵉⵎⵛⵎⴰⵡⵕ, ⴷ ⵉⵎⵛⴰⵡⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼ ⵏ ⵜⵏⴱⴹⴰⵢⵜ ⵜⴰⵎⴰⵜⴰⵢⵜ, ⴷ ⵍⵡⴰⴽⵉⵍ ⴰⵎⴰⵜⴰⵢ ⵏ ⵓⴳⵍⵍⵉⴷ ⴷⴰⵔ ⵜⵏⴱⴹⴰⵢⵜ ⴰⴷ, ⴷ ⵓⵏⵙⵙⵉⵅⴼ ⵏ ⵜⵏⴱⴹⴰⵢⵜ ⵜⴰⴷⵓⵙⵜⵓⵔⵉⵜ, ⴷ ⴹⵓⴱⴱⴰⵟ ⵢⴰⵜⵜⵓⵢⵏ ⴳ ⵜⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵉⵙⵖⵏ ⴰⵄⵙⴽⴰⵔⵉⵢⵏ ⵉⴱⵕⴰⵏⵉⵏ ⴳ ⵕⵕⴱⴰⵟ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴰⴼⵓⵜ ⵜⴰⵏⴰⵎⵓⵔⵜ, ⴷ ⵉⵏⵎⵀⴰⵍⵏ ⵏ ⵉⴱⵔⵙⵉⵔⵏ ⵜⵉⴳⵍⴷⴰⵏⵉⵏ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⴷ ⵎⵛⵜⴰ ⵏ ⵎⵉⴷⵏ ⵉⵖⵔⵉⵎⵏ ⴷ ⵉⵄⵙⴽⴰⵕⵉⵢⵏ.

ⵜⵣⵔⵉ ⵜⴼⵓⴽⵍⴰ ⵏ ⵓⴽⵜⴰⵢ ⵡⵉⵙⵙ 62 ⵏ ⵜⵓⵚⴽⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⴰⴽⴽⵯ ⵏ ⵉⵙⵜⵉⵏ ⵉⵖⵙⴽⴰⵔⵉⵢⵏ ⴷ ⵜⵜⴰⴽⴰⵏⴰⵜ ⴷ ⵓⴳⵣⵓⵎⵏ ⵉⴹⴼⴰⵕⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵜⵎⴰⵏ ⴷ ⵜⵉⴼⵓⴽⵍⴰ ⵏ ⴳ ⵎⴰⵏ ⴰⵣⵓⵍ ⵏ ⵓⵛⵏⵢⴰⵍ ⴷ ⵜⵉⵖⵔⴰ ⵏ ⵜⵉⵔⴰⵜ ⵜⴰⵡⵙⵙⴰⵏⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⵏ ⵜⵔⵙⵍⵜ ⵢⴰⵜⵜⵓⵢⵏ ⵏ ⵜⵙⵔⴷⴰⵙⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵉ ⵢⴼⵔⴷⴰⵏ ⵏ ⵜⴳⴳⴰⵍⵉⵏ, ⴷ ⵜⵜⵓⴼⴽⴰⵏ ⵍⴰⵡⵙⵉⵎⴰ, ⴷ ⵜⵓⵙⵏⵎⵍⴰⵏ ⵉⴳⵔⴰⵡⵏ ⵏ ⵜⵓⵏⵏⵓⵜ ⴳⵔ ⵜⵔⴰⴱⴱⵓⵜⵉⵏ ⵜⵉⵖⵔⴰⵏ ⴷ ⵜⵉⵄⵙⴽⵕⵉⵢⵏ.

ⵜⵜⵓⵙⴽⴰⵔ ⵣⵓⵏⴷ ⵜⴰⴼⵓⴳⵍⴰ ⵢⴰⴷ ⴳ ⴰⴽⴽⵯ ⵉⴳⵔⴰⵡⵏ ⵏ ⵜⵎⵏⴰⴹⵜ ⵏ ⵓⴼⴼⵓⵙ ⵓⵍⴰ ⵉⴳⵣⵣⵓⵎⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⴰⴽⴽⵯ ⵉⴼⵔⴷⵉⵏ ⵏⵏⵙⵏⵜ. 

Dernière modification : 14 ⵎⴰⵢⵢⵓ 2018
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BC%E2%B5%93%E2%B4%BD%E2%B5%8D%E2%B4%B0-%E2%B5%8F-%E2%B5%93%E2%B4%BD%E2%B5%9C%E2%B4%B0%E2%B5%A2-%E2%B5%8F-%E2%B5%9C%E2%B5%93%E2%B5%9A%E2%B4%BD%E2%B4%B0-%E2%B5%8F-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C#comment-0