Published on MAPNews (https://www.mapnews.ma/am)

Accueil > ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵎⴹⴰⴽⴰⵕⵏ ⴷ ⵜⵉⵎⵉⵔⵉⵜ ⵏ ⵓⵏⴱⴹⵉ ⵏ ⵓⵏⵟⴰⵕⵢⵓ ⴷ ⴽⵔⴰ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵏ ⴽⴰⵏⴰⴹⴰ ⴷ ⵎⵛⵜⴰ ⵏ ⵎⵉⴷⵏ ⵍⵍⵉ ⵢⴷⵔⴰⵏ ⴳ « ⵓⵙⴳⵔⴰⵡ ⵏ ⵜⵎⵖⴰⵔⵜ - ⴽⴰⵏⴰⴹⴰ»
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵎⴹⴰⴽⴰⵕⵏ ⴷ ⵜⵉⵎⵉⵔⵉⵜ ⵏ ⵓⵏⴱⴹⵉ ⵏ ⵓⵏⵟⴰⵕⵢⵓ ⴷ ⴽⵔⴰ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵏ ⴽⴰⵏⴰⴹⴰ ⴷ ⵎⵛⵜⴰ ⵏ ⵎⵉⴷⵏ ⵍⵍⵉ ⵢⴷⵔⴰⵏ ⴳ « ⵓⵙⴳⵔⴰⵡ ⵏ ⵜⵎⵖⴰⵔⵜ - ⴽⴰⵏⴰⴹⴰ»

11 ⵎⴰⵢⵢⵓ 2018 Version Imprimable
ⵟⵓⵕⵓⵏⵟⵓ (ⴽⴰⵏⴰⴹⴰ) - ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⵉⴹⵍⵍⵉ ⵏ ⵓⴽⵡⴰⵙ ⴳ ⵟⵓⵕⵓⵏⵟⵓ, ⵉⵎⴹⴰⴽⴰⵕⵏ ⴷ ⵎⴰⵙⵙⴰ ⵉⵍⵉⵣⴰⴱⵉⵟ ⴷⵓⴷⵣⵡⵉⵍ, ⵜⵉⵎⵉⵔⵉⵜ ⵏ ⵓⵏⴱⴰⴹ ⵏ ⵟⵓⵕⵓⵏⵟⵓ, ⴷ ⴽⵔⴰ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵏ ⴽⴰⵏⴰⴹⴰ, ⴷ ⵎⵛⵜⴰ ⵏ ⵎⵉⴷⴷⵏ ⵉⵎⴷⵔⴰⵏ ⴳ "ⵓⵙⴳⵔⴰⵡ ⵏ ⵜⵎⵖⴰⵔⵜ - ⴽⴰⵏⴰⴹⴰ 2018", ⵉⵜⵜⵓⵙⴽⴰⵔⵏ ⴳ ⵡⵙⵙⴰⵏ ⵏ 10 ⴷ 11 ⵎⴰⵢⵢⵓ ⴰⴷ ⴷⴷⵓ ⵏ ⵏ ⵓⵙⴳⵓⵎ « ⴰⴷ ⵏⵃⴱⵓ ⵉⴼⵔⵉ: ⴰⵍⴰⵖⵉ ⵉ ⵡⴳⵔⴰⵡ ⵏ ⵙⴰ ⵅⴼ ⵜⴳⵎⵉ ⵉⵙⵙⴽⵛⴰⵎⵏ ».

ⴼ ⵖⵉⴽⴰⵏⵏ, ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⵏ ⵓⵙⵎⴰⵢⵏⵓ ⴷ ⵜⵉⵎⴰⵙⵙⴰⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⵏ ⴽⴰⵏⴰⴹⴰ, ⵏⴰⴼⴷⵉⴱ ⵙⵉⵏⴳ ⴱⴰⵢⵏⵣ, ⴷ ⵜⵎⴰⵡⵙⴰⵙⵜ ⵏ ⵜⵉⵖⴰⵡⵙⵉⵡⵉⵏ ⵏ ⵜⵎⵖⴰⵔⵜ, ⵎⵔⵢⵎ ⵎⵓⵏⵚⵉⴼ.

ⵜⵙⴽⵔ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉⵎⴹⴰⴽⴰⵕⵏ ⵢⴰⴹⵏⵉⵏ ⴷ ⵎⴰⵙⵙⴰ ⴽⵍⴰⵕⴰ ⴳⴰⵢⵎⴰⵕ ⴷ ⴽⵢⴰⵕⴰ ⴽⵓⵔⴰⵣⴰ, ⵉⴳⴰⵏ ⵙ ⵓⵏⵎⴰⵍⴰ ⵏ ⵓⵙⵜⴰⵢ ⵜⴰⵏⵙⵙⵉⵅⴼⵜ ⴷ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ "ⵓⵙⴳⵔⴰⵡ ⵏ ⵜⵎⵖⴰⵔⵜ ⵅⴼ ⵜⴰⴷⵎⵙⴰ ⴷ ⵓⵏⴰⵎⵓⵏ", ⵎⴰⵢⴰⴷ ⵉⵀⴰⵏ ⵜⴰⵎⵔⵙⵍⵜ ⵍⵍⵉ ⵢⵙⵜⵓⵏⵎⵍⴰⵏ "ⴰⵙⴳⵔⴰⵡ ⵏ ⵜⵎⵖⴰⵔⵜ - ⴽⴰⵏⴰⴹⴰ 2018", ⴷ ⵛⵉⵍⴰ ⵎⴰⴽⴼⵉⴽⴰⵔ, ⵎⴰⵢⴰⴷ ⵉⴳⴰⵏ ⵜⴰⵏⵖⵎⴰⵙⵜ ⴷ ⵜⴰⵎⵛⵛⵉⵡⵕⵜ ⴷ ⵜⴰⵎⵙⵓⴼⵖⵜ ⵏ ⵍⴰⴼⵍⴰⵎ ⵏ ⵓⵏⵜⵉⵎ, ⴷ ⵀⵉⵏⴷⵓ ⵄⵓⵎⴰⵕⵓ ⵉⴱⵕⴰⵀⵉⵎ, ⵜⴰⴷⵔⴰⵡⵜ ⵏ ⵕⵕⴰⴱⵉⵟⴰ ⵏ ⵜⵎⵖⴰⵔⵉⵏ ⴳ ⵜⵜⵛⴰⴷ, ⴷ ⵏⴰⵜⴰⵍⵉ ⴱⵉⵍⵓⵏ, ⵜⴰⵏⵙⵙⵉⵅⴼⵜ ⵏ ⵜⵎⵙⴳⴳⵓⵔⵜ ⵜⴰⵏⴰⵎⵓⵔⵜ « ⴰⵙⵢⴰ ⴱⵕⴰⵡⵏ ⴱⵓⴼⵔⵉ-ⴽⴰⵏⴰⴹⴰ » ⵉⵙⵙⵉⵅⴼⵏ ⴳ ⵉⴳⵔ ⵜⵉⵇⵏⵉⵏ ⵏ ⵜⵣⵎⴰⵔⵜ, ⴷ ⴽⴰⵜⵕⵉⵏ ⴱⴰⵡⵕ, ⵜⵉⵎⵉⵔⵉⵜ ⵏ ⵓⵏⵙⵙⵉⵅⴼ ⵏ ⵜⵖⴰⵡⵙⵉⵡⵉⵏ ⵏ ⵜⵉⵎⵢⴰⵡⴰⵙⵏ ⴳ "ⵙⵓⴷⵉⴽⵙⵓ-ⴽⴰⵏⴰⴹⴰ", ⵍⵍⵉ ⵢⴳⴰⵏ ⵉ ⵜⵡⵓⵔⵉ ⵏ ⵜⵉⵄⵄⵓⵔⵎⴰ, ⴷ ⵜⵉⵏⴰⴼⵓⵜⵉⵏ ⵏ ⵜⵖⵔⴰ ⵏ ⵜⵓⴷⵔⵜ, ⴷ ⵜⵉⵎⵙⵙⵏⵜⵉⵏ ⴷ ⴰⵙⵍⵎⴷ, ⴷ ⵉⵙⴰⴳⵎⵏ ⵏ ⵜⵣⵎⴰⵔⵜ, ⴷ ⵜⴰⴷⵓⵙⵉ.

ⴷ ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵎⴰⵙⵙⴰ ⴽⵔⵉⵙⵜⵉ ⴼⴰⵕⴰⵏⴳⵓ, ⵜⴰⵏⵎⵀⴰⵍⵜ ⵏ ⵓⴱⵔⵙⵉⵔⴰ ⵏ ⵉⵎⵉⵔⵉ ⵏ ⵓⵎⴰⵡⵙⴰⵙ ⵏ ⵉⵙⴰⴳⵎⵏ ⵉⴳⴰⵎⴰⵏ ⴳ ⴽⴰⵏⴰⴹⴰ, ⴷ ⴽⵢⴰⵕⴰ ⴽⵓⵏⴷⵉ, ⵜⴰⵏⵙⵙⵉⵅⴼⵜ ⵜⴰⵎⵙⴽⴰⵔⵜ ⵏ ⵜⵎⵔⵙⵍⵜ « ⵍⵉⴷ ⴱⴰⵢ ⵀⵉⵔ » ⵍⵍⵉ ⵢⴼⴽⴰⵏ ⴰⵏⵏⴰⵍ ⵉ ⵜⵎⵖⴰⵔⵉⵏ ⵉⴳⴰⵏ ⵜⵉⵏⴳⵉⵙⵏ ⵏ ⵜⵉⴽⵕⴹⵉ, ⴷ ⵥⵀⵕⴰ ⵍⵃⵔⵔⴰⵣⵉ ⵜⴰⵎⵙⵇⴰⴷⵜ ⵏ ⵍⵢⵓⵏⵉⵙⵉⴼ ⴳ ⴽⴰⵏⴰⴹⴰ , ⴷ ⵕⴰⵀⴰⴼ ⵃⵕⴼⵓⵛ, ⵜⵓⵚⴽⴰ ⵏ ⵜⵎⵔⵙⴰⵍⵜ ⵏ ⴰⵎⵎⴰⵙ ⵏ ⵓⵅⵎⵎⴻⵎ ⴷ ⵏ ⵓⵎⵛⴰⵡⴰⵕ "ⵔⵉⴷ ⵜⵔⵉⴷ ⴰⵢ ⵉⵏ ⵙⵉ", ⵍⵍⵉ ⵙⵎⵏⵉⴷⵏ ⴰⵏⵏⴰⵍ ⵉ ⵜⵎⵙⵙⵏⵜⵉⵏ ⵙ ⵓⵙⵏⴼⵍ ⵏ ⵉⵙⵡⴰⵍⵏ ⵉⵎⴰⵟⵟⵓⵏ ⵙ ⵉⵣⵎⵣⵏ ⵉⵙⵜⵔⴰⵜⵉⵊⵉⵢⵏ, ⴷ ⵀⵓⴷⴰ ⵉⴷⵔⵉⵙ, ⵜⴰⵏⵙⵙⵉⵅⴼⵜ ⵜⴰⵎⵙⴽⴰⵔⵜ ⵏ ⵜⵎⵙⴳⵓⵔⵜ "ⴹⵓⵜ ⵀⵉⵍⵜ" ⵍⵍⵉ ⵢⴼⴽⴰⵏ ⴰⴳⵛⵓⵎ ⵉⵔⵅⴰⵏ ⴷ ⵉⵏⴰⴼⵓⵏ ⴷ ⵉⴼⵙⵙⵓⵙⵏ ⵙ ⵜⵉⵎⵓⵛⴰ ⵜⵉⵏⵉⵎⴰⵏⵉⵏ.

ⴷ ⵜⵙⵏⵓⴱⴳ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵎⴰⵙⵙⴰ ⴽⴰⵕⵓⵍ ⵉⵏⵉⵏⴰ, ⵜⴰⵏⵎⵀⴰⵍⵜ ⵏ ⵜⵎⵀⵍⵉⵏ ⴳ ⵜⴼⵏⵉⵇⵜ ⵏ ⴰⴽⴽⵯ ⵉⴼⵔⵉⵇⵢⴰ ⵉⵣⵍⵉⵏ ⴳ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ (ⵉⴼⵔⵉⵇⵢⴰ 50), ⴷ ⵏⵓⵕⵎⴰ ⴱⴰⵙⵜⵉⴷⴰⵙ, ⵍⵍⵉ ⴷⴰⵔⵜ ⵉⵍⵍⴰⵏ ⵓⵟⵟⵓⵏ ⴰⵎⴰⴹⵍⴰⵏ ⴳ ⵜⵓⵏⵏⵓⵏⵜ ⵏ ⵜⵔⵉⵢⴰⵜⵍⵓⵏ, ⴷ ⴰⴷⵉⵜⵉ ⵎⵓⵀⴰⴱⴰⵜⵔⴰ, ⵜⴰⵏⵎⵀⴰⵍⵜ ⵏ « ⴱⵉⵣⵏⵉⵙ ⴼⵓⵕ ⵙⵓⵛⵍ ⵔⵉⵙⴱⵓⵏⵙⴰⴱⵉⵍⵉⵜⵉ », ⴷ ⵎⴰⵔⵉ-ⴰⵏⵊ-ⵙⴰⵔⴽⴰ ⵢⴰⵡ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ "ⵓⵎⵓⵍⵍⵉ ⴰⵎⴰⴹⵍⴰⵏ ⵏ ⵜⴳⵣⵣⴰⵢⵜ ⴷ ⵜⵜⵃⵚⵉⵏ", ⵍⵍⵉ ⵢⴳⴰⵏ ⵢⴰⵜ ⵜⴰⵎⵙⴳⵓⵔⵜ ⵉⵙⵎⴰⵏⵏ ⵉⴳⵔⵏ ⴰⵎⴰⵜⴰⵢ ⴷ ⵓⵙⵍⵉⴳ ⵉⵔⴰⵏ ⴰⴷ ⵉⵙⵙⴼⵙⵓ ⵜⴰⵣⵣⵉⴳⵣⵜ ⵏ ⵉⵡⴰⵏⴽⵏ ⵉⵥⵍⴰⴹⵏ ⵅⴼ ⴰⴽⵛⵓⵎ ⵏ ⵉⴼⵔⵅⴰⵏ ⵙ ⵜⴰⴳⵣⵣⴰⵢⵜ.

ⵃⴰⴹⵕⵏ ⵙ ⵉⵎⴰⴳⵔⵏ ⴰⴷ ⴳ ⵜⵙⴳⴰ ⵜⴰⵎⵖⵔⴰⴱⵉⵜ, ⵜⵉⵎⵉⵔⵉⵜ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙ ⵏ ⵜⵥⴹⴰⵕⵜ ⴷ ⵓⵣⴰⵖⵓⵣ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵙⵎⴳⵍⵏ ⵙ ⵜⵉⴳⵎⵉ ⵜⴰⵙⵓⵍⴰⵏⵜ, ⵎⴰⵙⵙⴰ ⵏⵣⵀⴰ ⵍⵡⴰⴼⵉ, ⴷ ⵎⴰⵙⵙ ⵄⴱⴷⵍⵍⴰⵀ ⵍⴽⴰⵀⵢⴰ, ⵉⵜⵜⵓⵙⴳⵏ ⵙ ⵜⵡⵓⵔⵉⵡⵉⵏ ⴳ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⴽⴰⵏⴰⴹⴰ, ⴷ ⵎⴰⵙⵙ ⵍⵃⵓⵙⴰⵢⵏ ⵜⵜⵉⵊⴰⵏⵉ, ⴰⵏⵙⵙⵉⵅⴼ ⴰⵎⵉⵔⵉ ⵔⴰⴷ ⵜⵉⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ, ⴷ ⵎⴰⵙⵙⴰ ⵏⵣⵀⴰ ⵍⵄⴰⵍⴰⵡⵉ, ⵜⵎⴰⵔⵉⵜ ⵜⴰⵎⴰⵜⴰⵢⵜ ⵏ ⵜⵎⵔⵙⴰⵍⵜ.

Dernière modification : 11 ⵎⴰⵢⵢⵓ 2018
Source URL: https://www.mapnews.ma/am/activites-princieres/%E2%B5%9C%E2%B5%99%E2%B4%BD%E2%B5%94-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%89%E2%B5%8E%E2%B4%B9%E2%B4%B0%E2%B4%BD%E2%B4%B0%E2%B5%95%E2%B5%8F-%E2%B4%B7-%E2%B5%9C%E2%B5%89%E2%B5%8E%E2%B5%89%E2%B5%94%E2%B5%89%E2%B5%9C-%E2%B5%8F-%E2%B5%93%E2%B5%8F%E2%B4%B1%E2%B4%B9%E2%B5%89-%E2%B5%8F#comment-0