Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⴰⵕⵥⵥⵓⵎ ⵏ ⵓⵙⴼⵙⵔ "ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⴰⵥⵓⵕⵉ ⵜⴰⵜⵔⴰⵔⵜ"
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⴰⵕⵥⵥⵓⵎ ⵏ ⵓⵙⴼⵙⵔ "ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⴰⵥⵓⵕⵉ ⵜⴰⵜⵔⴰⵔⵜ"

24 ⵉⴱⵔⵉⵔ 2018 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵙⵙ ⵏ ⵓⵙⵉⵏⴰⵙ ⴳ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵕⵉ ⵜⴰⵜⵔⴰⵔⵜ ⴳ ⵕⵕⴱⴰⵟ, ⴰⵕⵥⵥⵓⵎ ⵏ ⵓⵙⴼⵙⵔ "ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵜⴰⵥⵓⵕⵉ ⵜⴰⵜⵔⴰⵔⵜ", ⵉⵜⵜⵙⵓⴽⴰⵔⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⴼⵕⴰⵏⵚⵉⵚⵜ, ⵎⴰⵙⵙ ⵉⵎⴰⵏⵓⵢⵉⵍ ⵎⴰⴽⵕⵓⵏ.

ⴰⵙⴼⵙⵔ ⵉⵅⴰⵜⴰⵔⵏ ⴰⴷ, ⵍⵍⵉ ⵙⵏⵎⴰⵍⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵏ ⵏ ⵍⵎⵖⵔⵉⴱ ⴷ ⵓⵎⵎⴰⵙ "ⵊⵓⵕⵊ ⴱⵓⵎⴱⵉⴷⵓ", ⵔⴰⴷ ⵉⵇⵇⵓⵎⵓ ⴰⵔ 27 ⵖⵓⵛⵜ ⴷ ⵉⵙⵎⴰⵏ ⴳ ⵜⵥⴰ ⵏ ⵉⵢⵢⴰⵡⵏ ⵓⴳⴳⵯⴰⵔ ⵏ 80 ⵜⴰⴼⵍⵡⵉⵜ ⴷ ⵜⴰⵎⵙⵍⴰ ⴷ ⵜⴰⵡⵍⴰⴼⵜ. ⵉⵙⵎⴰⵏ ⵙⵓⵍ ⵎⵏⵏⴰⵡ ⵏ ⵉⵙⵎⴰⵡⵏ ⵉⵎⵇⵇⵓⵕⵏ ⵏ ⵜⵖⵎⵉ, ⵣⵓⵏⴷ "ⴱⵉⴽⴰⵚⵓ" ⴷ "ⴱⵕⴰⴽ" ⴷ "ⵎⵉⵕⵓ" ⴷ "ⴹⴰⵍⵉ" ⴷ "ⴽⴰⵏⴷⵉⵏⵙⴽⵉ" ⴷ "ⵎⴰⵕⴽⵉ".

ⴳ ⵓⵣⵎⵣⵣⵓ ⵢⴰⴷ, ⵜⵙⵙⴼⵍⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵉ ⵢⴰⵜ ⵜⴰⵏⴽⴷⴰ ⵏ ⵓⵙⴼⵙⵔ ⴰⴷ ⵙⴳ ⵎⴰⵙⵙ ⴽⵔⵉⵙⵜⵢⴰⵏ ⴱⵔⵉⵢⴰⵏ, ⵉⵎⵃⴹⵉ ⴰⵎⵇⵕⴰⵏ ⵏ ⵓⵎⵎⴰⵙ ⵏ "ⵊⵓⵕⵊ ⴱⵓⵎⴱⵉⴷⵓ" ⴷ ⵓⵎⴰⵍⴰⵍ ⵏ ⵓⵙⴼⵙⵔ, ⴷ ⵎⴰⵙⵙⴰ ⵀⵉⵏⴷ ⴰⵢⵢⵓⴱⵉ, ⵜⴰⵎⴰⵔⵉⵜ ⵏ ⵓⵎⴰⵍⴰⵍ ⵏ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴰⵥⵓⵕⵉ ⵜⴰⵜⵔⴰⵔⵜ ⴷ ⵜⴰⵎⴰⵍⴰⵍⵜ ⵉⵛⵔⴽⵏ. ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵢⴰⵏ ⵓⵔⵣⴰⴼ ⴳ ⴽⵔⴰ ⵢⴳⴰⵜ ⵉⵢⵢⴰⵡ ⵏ ⵓⵙⴼⵙⵔ ⴰⴷ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵜⵜⵓⴼⴽⴰ ⵍⴽⴰⵟⴰⵍⵓⴳ ⵏ ⵓⵙⴼⵙⵔ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙⴳ ⵎⴰⵙⵙ ⵄⴱⴷⵍⵄⵣⵉⵣ ⵍⵉⴷⵔⵉⵙⵉ, ⴰⵏⵎⵀⴰⵍ ⵏ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴰⵥⵓⵕⵉ ⵜⴰⵜⵔⴰⵔⵜ, ⴷⴰⵜ ⴰⴷ ⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵉⵎⵖⵔⴰⵏ ⴳ ⵓⵙⴼⵙⵔ ⴰⴷ, ⴷ ⴰⴷ ⵜⴰⵎⵥ ⵜⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴳⵎⴰⵎⵏ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵏ.

ⵍⵍⵉⵖ ⵜⵍⴽⵎ ⵙ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵕⵉ ⵜⴰⵜⵔⴰⵔⵜ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⴰⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⴷⴷⵓⵔ, ⴷⴰⵜ ⴰⴷ ⵜ ⵣⵓⵍⵏ ⵎⴰⵙⵙ ⵎⵓⵃⵎⵎⴷ ⵍⵄⵕⵊ, ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵎⵙⴰⵡⴰⴹ, ⴷ ⵎⴰⵙⵙ ⵎⵓⵃⵎⵎⴷ ⵎⵀⵉⴷⵢⵢⴰ, ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⴷ ⵎⴰⵙⵙ ⵎⵓⵃⵎⵎⴷ ⵄⵡⵡⴰⴷ, ⴰⵎⴰⵔⵉ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⵎⵏⴰⴹ, ⴷ ⵎⴰⵙⵙ ⵎⵓⵃⵎⵎⴷ ⵚⴹⴹⵉⵇⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴳⵔⵓ ⵏ ⵕⵕⴱⴰⵟ, ⴷ ⵎⴰⵙⵙ ⵄⴱⴷⵍⵍⵟⵉⴼ ⵊⵊⵡⴰⵀⵔⵉ, ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⴷ ⵎⵏⵏⴰⵡ ⵢⴰⴹⵏⵉⵏ.

Dernière modification : 24 ⵉⴱⵔⵉⵔ 2018
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%99%E2%B4%BC%E2%B5%99%E2%B5%94-%E2%B5%89%E2%B5%8D%E2%B5%8D#comment-0