Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵎⴽⵏⴰⵙ ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⵏⴼⵍⴰⵃⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵎⴽⵏⴰⵙ ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⵏⴼⵍⴰⵃⵜ

24 ⵉⴱⵔⵉⵔ 2018 Version Imprimable
ⵎⴽⵏⴰⵙ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⵉⵏⴰⵙ ⴳ ⵚⵀⵕⵉⵊ ⵙⵙⵡⴰⵏⵉ ⴳ ⵎⴽⵏⴰⵙ, ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⴰⵎⴰⴹⵍⴰⵏ ⵏ ⵜⵏⴼⵍⴰⵃⵜ ⴳ ⵍⵎⵖⵔⵉⴱ (ⵚⵢⴰⵎ 2018), ⵍⵍⵉ ⵢⵉⵙⵏⵎⵍⴰⵏ ⵙⴳ 24 ⴰⵔ 29 ⵉⴱⵔⵉⵔ ⴰⴷ, ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵜⵙⵙⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⵏ ⵜⵏⴼⵍⴰⵃⵜ ⴳ ⵍⵎⵖⵔⵉⴱ, ⵉⵙⵏⵎⵍⴰⵏ ⵅⴼ ⵓⵙⴳⵓⵎ « ⵜⴰⵍⵓⵊⵉⵙⵜⵉⵜ ⴷ ⵉⴳⴰⴷⴰⵣⵏ ⵉⴼⵍⴰⵃⵏ », ⵜⴰⴷⵔⴰⵡⵜ ⵏ 1.400 ⵓⵙⴼⵙⵔ ⵙⴳ 70 ⵜⵎⴰⵣⵉⵔⵜ.


ⴳ ⵍⴱⴷⵓ ⵏ ⵜⴼⵓⴽⵍⴰ ⵏ ⵓⵕⵥⵥⵓⵎ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⴷⵍⵓⵏ ⵎⵓⵍⴰⵢ ⵍⵃⴰⵙⴰⵏ ⵜⴰⵎⴰⵜⴰⵔⵜ ⵜⴰⵎⵥⵍⵉⵜ ⵏ ⵜⵓⴳⴳⵉ ⴷ ⵜⴰⵖⴰⵔⵜ ⵉ ⵜⵥⴰ ⵏ ⵉⴼⵍⵍⴰⵃⵏ ⵉⵎⵙⵢⴰⴼⵓⵏ .


ⴼ ⵖⵉⴽⴰⵏⵏ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵏⵖⵎⵙ ⴰⵊⵓⵖⵔⴰⴼⵉ "ⵜⴰⵎⵎⵏⵜ ⵏ ⴰⵣⵉⵔ ⵏ ⵜⵎⵏⴰⴹⵜ ⵏ ⵍⵇⴱⵍⵜ" ⵉ ⵎⴰⵙⵙ ⵃⵎⵣⴰⵡⵉ ⵢⵃⵢⴰ, ⴰⵏⵙⵙⵉⵅⴼ ⵏ ⵜⵙⵎⵓⵏⵉ ⵏ ⵓⵏⵖⵎⵉⵙ ⴰⵊⵓⵖⵔⴰⴼⵉ ⵏ ⵢⵓⵛⵉ ⵏ ⵜⵖⵔⴰ ⵏ ⵜⴰⵎⵎⵏⵜ ⵏ ⵜⵙⴳⴰ ⵏ ⵜⴰⵡⵔⵉⵔⵜ (ⵜⴰⵎⵏⴰⴹⵜ ⵏ ⵍⵇⴱⵍⵜ), ⴷ ⴰⵏⵖⵎⵙ ⴰⵊⵓⵖⵔⴰⴼⵉ « ⵜⴰⵎⵎⵏⵜ ⵏ ⴷⵖⵎⵓⵙ ⵏ ⵙⵓⵙ ⵎⴰⵙⵙⴰ » ⵉ ⵎⴰⵙⵙ ⵄⴱⴷⵍⵍⴰⵀ ⴰⴳⵏⴰⵡ, ⴰⵏⵙⵙⵉⵅⴼ ⵏ ⵜⴰⵎⵏⴰⴹⵜ ⵏ ⵜⵉⵣⵉⵣⵡⵉⵜⵏ ⴳ ⵜⵙⴳⴰ ⵏ ⵎⴰⵙⵙⴰ ⴷⵕⵄⴰ (ⵜⴰⵎⵏⴰⴹⵜ ⵏ ⵙⵓⵙ ⵎⴰⵙⵙⴰ), ⴷ ⴰⵏⵖⵎⵙ ⴰⵊⵓⵖⵔⴰⴼⵉ ⴳ « ⵜⵉⵢⵏⵉⵏ ⵏ ⴱⵓⵙⵜⵃⵎⵉ ⴰⴱⵅⵅⴰⵏ ⵏ ⴷⵕⵄⴰ » ⵉ ⵎⴰⵙⵙ ⵍⵃⵙⵏ ⵙⵎⵉⵔⵙ, ⴰⵏⵙⵙⵉⵅⴼ ⵏ ⵜⴼⵉⴷⵉⵔⴰⵍⵉⵜ ⵜⴰⵏⴰⵎⵓⵔⵜ ⵏ ⵉⵎⵙⵢⴰⴼⵓⵏ ⵏ ⵜⵉⵢⵏⵉⵏ (ⵜⴰⵙⴳⴰ ⵏ ⴷⵕⵖⴰ ⵜⴰⴼⵉⵍⴰⵍⵜ), ⴷ ⴰⵏⵖⵎⵙ ⴰⵊⵓⵖⵔⴰⴼⵉ « ⵉⴼⵉⴼⵍ ⵉⵃⵕⵕⴰⵏ ⵏ ⵣⵏⴰⵜⴰ » ⵉ ⵎⴰⵙⵙ ⵎⵓⵃⵎⵎⴷ ⵚⵅⵉⵍⴰ, ⴰⵏⵙⵙⵉⵅⴼ ⵏ ⵜⵎⵢⴰⵡⴰⵙⵜ ⵜⴰⵏⴼⵍⴰⵃⵜ ⵏ ⵣⵏⴰⵜⴰ (ⵜⴰⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵚⵟⵟⴰⵜ), ⴷ ⴰⵏⵖⵎⵙ ⴰⵊⵓⵖⵔⴰⴼⵉ « ⴰⵣⴰⵜⵉⵎ ⵏ ⵓⵣⵎⵎⵓⵔ ⵏ ⴰⵎⵥⵎⵉⵥ » ⵉ ⵎⴰⵙⵙ ⴰⵃⵎⵎⴷ ⴱⵉ, ⴰⵏⵙⵙⵉⵅⴼ ⵏ ⵜⵎⵢⴰⵡⴰⵙⵜ ⵏ ⵜⵏⴼⵍⴰⵃⵜ ⵏ ⵉⵣⴰⵜⵉⵎⵏ ⵏ ⵓⵎⵥⵎⵉⵥ (ⵜⴰⵎⵏⴰⴹⵜ ⵏ ⵎⵕⴰⴽⴽⵯⵛ-ⴰⵙⴼⵉ ).


ⵉⴼⴽⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵖⵎⵙ ⴰⵊⵓⵖⵔⴰⴼⵉ « ⴰⵣⴰⵜⵉⵎ ⵏ ⵓⵣⵎⵎⵓⵔ ⵏ ⵍⵎⵟⴰ ⴼⴰⵙ » ⵉ ⵎⴰⵙⵙ ⵎⵓⵃⵎⵎⴷ ⵍⴱⵓⵛⵉⵅⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵜⵏⴰⴼⵓⵜ ⵜⴰⴷⵎⵙⴰⵏⵜ « ⵍⵎⵟⴰ ⴼⴰⵙ » (ⵜⴰⵙⴳⴰ ⵏ ⴼⴰⵙ ⵎⴽⵏⴰⵙ), ⴷ ⵓⵏⵖⵎⵙ ⴰⵊⵓⵖⵔⴰⴼⵉ « ⴰⵣⴰⵜⵉⵎ ⵏ ⵓⵣⵎⵎⵓⵔ ⴷⵉⵔ ⴱⵏⵉ ⵎⵍⵍⴰⵍ » ⵉ ⵎⴰⵙⵙ ⵡⵖⴰⴷ ⵄⴱⴷⵙⵙⵍⴰⵎ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵜⵏⴰⴼⵓⵜ ⵜⴰⴷⵎⵙⴰⵏⵜ « ⵉⵣⴰⵜⵉⵎⵏ ⵏ ⴷⵉⵔ ⴱⵏⵉ ⵎⵍⵍⴰⵍ » (ⴱⵏⵉ ⵎⵍⵍⴰⵍ ⵅⵏⵉⴼⵔⴰ), ⴷ ⵉⵙⵎ ⵏ ⵜⵓⴳⵉ « ⴰⵎⴰⵏ ⵏ ⵜⵣⵡⵉⵡⵖⵉⵏ ⵏ ⵇⵍⵄⵜ ⵎⴳⴳⵓⵏⴰ ⴷⴰⴷⵙ » (ⵜⴰⵎⵏⴰⴹⵜ ⵏ ⴷⵕⵄⴰ ⵜⴰⴼⵉⵍⴰⵍⵜ) ⵉ ⵎⴰⵙⵙ ⵊⴰⵍⴰⵍ ⵛⴰⵕⴰⴼ, ⴰⵏⵙⵙⵉⵅⴼ ⵏ ⵜⴼⵉⴷⵉⵔⴰⵍⵉⵜ ⴳⵔ ⵜⴰⵣⵣⵓⵍⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵣⵡⵉⵡⵖⵜ ⵜⵓⵊⵊⵓⵜ, ⴷ ⵜⴰⵎⴰⵜⴰⵔⵜ ⵏ ⵜⵖⴰⵔⴰ ⵏ ⵜⵏⴼⵍⴰⵃⵜ « ⵓⵣⵎⵎⵓⵔ ⴰⴱⵅⴰⵏ ⴰⵎⵖⵔⵉⴱⵉ ⵉⵛⵔⵔⴷⵏ» ⵉ ⵎⴰⵙⵙⴰ ⵀⵓⴷⴰ ⴼⴰⵕⴰⵃ ⴳⵙⵙⵓⵙ, ⵜⴰⵏⵙⵙⵉⵅⴼⵜ ⵏ ⵜⴼⵉⴷⵉⵔⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵉⵙⵉⴼⴰⴹ ⵏ ⵜⵉⵎⵜⵜⴰⵏ ⵜⵉⵎⵙⴰⴷⵓⵔⵏ (ⵜⴰⵎⵏⴰⴹⵜ ⵏ ⴹⴹⴰⵕⵍⴱⵉⴹⴰ ⵙⵟⵟⴰⵜ).


ⴳ ⵓⴽⵛⵛⵓⵎ ⵏ ⵓⵙⴼⵙⵔ, ⵣⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵎⴰⵙⵙⴰ ⵎⴰⵔⴳⵍⵉⴳⵏ ⵙⵓⵏⵉⵎⴰ, ⵜⴰⵎⴰⵔⵉⵜ ⵏ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵓⴳⴰⵎⴰ ⴷ ⵜⵎⵙⴰⴷⵓⵔⵜ ⴳ ⵀⵓⵍⴰⵏⴹⴰ (ⵜⴰⵎⴰⵣⵉⵔⵜ ⵉⴳⴰⵏ ⴰⵏⴱⴳⵉ ⴰⴱⵓⵔⵣ), ⴷ ⵎⴰⵙⵙ ⵚⵟⵉⴼⴰⵏ ⵜⵔⴰⴼⵉ, ⴰⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴰⵎⵙⴰⴷⵓⵔⵜ ⴳ ⴼⵕⴰⵏⵚⴰ, ⴷ ⵎⴰⵙⵙ ⵉⴱⵉ ⵉⵃⵙⵙⵉ ⵀⵉⵏⵔⵉ, ⴰⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵉ ⵜⴰⴼⵔⴰⵏⵜ ⴳ ⵍⴽⴰⵎⵉⵕⵓⵏ, ⴷ ⵎⴰⵙⵙ ⴰⵏⵓⵔⵉ ⴼⵉⵣⵓⵔ, ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵉ ⵜⴰⴼⵔⴰⵏⵜ ⴳ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⵉⴹⵏⵉⵏ.


ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵔⵣⴰⴼ ⵉ ⵉⵏⵙⴰⵏ ⵏ ⵓⴼⵙⴰⵔ, ⴷ ⵉⵙⵙⵖⴷ ⵏ ⵎⵛⵜⴰ ⵏ ⵉⵙⵙⴼⵔⵓⵏ ⵅⴼ ⵉⵢⴰⴼⵓⵏ ⵉⴼⵙⴰⵔⵏ ⴳ ⵉⴳⵊⴷⵉⵏ « ⵜⵉⵎⵏⴰⴹⵉⵏ», ⴷ « ⵜⴰⴳⵔⴰⵡⵜ ⵏ ⵜⵏⴼⵍⴰⵃⵜ ⵏ ⵍⵎⵖⵔⵉⴱ », ⴷ « ⵉⵙⵓⵙⵙⵏ », ⴷ « ⵍⵎⴰⴽⵏⴰⵏⴰ », ⴷ « ⵉⵢⴰⴼⵓⵏ ⵉⴷⵖⵔⴰⵏ », ⴷ « ⵜⴰⴽⵙⵙⴰⴱⵜ », ⴷ « ⵍⵄⵍⴼ », ⴷ « ⴰⵎⴰⴹⴰⵍ », ⴷ "ⵜⵉⵎⴳⵓⵔⵉⵏ ⵏ ⵜⵉⵙⵏⴼⵍⵏ -ⵉⴽⴽⵉⵏ » ⴷ « ⵉⵢⴰⴼⵓⵏ ⵏ ⵜⵏⴼⵍⴰⵃⵜ » ⴷ « ⴰⴳⴰⵎⴰ ».


ⵉⵙⵙⵣⵔⵉ ⵢⴰⴷⵍⵍⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵓⴳⵔⴰⵡ ⵏ ⵓⵃⴹⵓ ⴰⴳⵍⴷⴰⵏ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⴷ ⵉⵎⵉⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴳⴰⵍⵏ ⵙ ⵜⵉⴳⵎⵉ ⵜⴰⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ, ⴷ ⴰⵏⴱⴱⴰⴹ ⵏ ⵜⵙⴳⴰ ⵏ ⵎⴽⵏⴰⵙ, ⴷ ⵉⵙⵎⴷⵢⴰⵏ ⵏ ⵜⵉⵏⴱⴰⴹⵉⵏ ⵏ ⵓⵖⵔⵉⵎⵏ ⴷ ⵉⵄⵙⴽⵔⵉⵢⵏ ⴳ ⵜⵙⴳⴰ, ⴷ ⵎⵛⵜⴰ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ .

 

Dernière modification : 24 ⵉⴱⵔⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%8E%E2%B4%BD%E2%B5%8F%E2%B4%B0%E2%B5%99#comment-0