Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵢⴰⵏ ⵉⵎⵏⵙⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⴰⴷⴷⵓⵔ ⵏ ⵉⵎⵖⵔⴰⵏ ⵏ ⵜⵡⴰⵍⴰ ⵜⵉⵙⵙ 45 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵡⴰⵍⴰ ⵜⵉⵙⵙ 24 ⵏ ⵜⴽⵓⵙⵜ ⵏ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵢⴰⵏ ⵉⵎⵏⵙⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵅⴼ ⴰⴷⴷⵓⵔ ⵏ ⵉⵎⵖⵔⴰⵏ ⵏ ⵜⵡⴰⵍⴰ ⵜⵉⵙⵙ 45 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵡⴰⵍⴰ ⵜⵉⵙⵙ 24 ⵏ ⵜⴽⵓⵙⵜ ⵏ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ

22 ⵉⴱⵔⵉⵔ 2018 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⴹⵢⴰⵙ ⴳ ⵕⵕⴱⴰⵟ, ⵢⴰⵏ ⵉⵎⵏⵙⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵅⴼ ⴰⴷⴷⵓⵔ ⵏ ⵉⵎⵖⵔⴰⵏ ⵏ ⵜⵡⴰⵍⴰ ⵜⵉⵙⵙ 45 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵡⴰⵍⴰ ⵜⵉⵙⵙ 24 ⵏ ⵜⴽⵓⵙⵜ ⵏ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ, ⵍⵍⵉ ⵢⵜⵙⵏⵓⴱⴳⵏ ⵙⴳ 16 ⴰⵔ 22 ⵉⴱⵔⵉⵔ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵍⵍⵉⵖ ⵉⵍⴽⵎ ⵙ ⵓⴷⵖⴰⵔ ⵏ ⵜⴼⵓⴳⵍⴰ, ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵜⴽⵓⵙⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ, ⵢⴰⵏ ⴰⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵔ ⴰⴷ ⵜⵣⵓⵍⵏ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵏ ⵓⵥⵕⴼ, ⴷ ⵎⴰⵙⵙ ⵎⵓⵃⵎⵎⴷ ⵙⴰⵊⵉⴷ, ⴰⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ ⴷ ⵓⵙⵙⴰⵢ ⴰⵎⴰⴹⵓ ⴷ ⵜⴳⵎⴰⵔⵜ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵄⴰⵍⴰⵎⵉ, ⴰⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⵓⵏⵏⵓⵏⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴷⴷⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⵎⵚⵕⵉⵜ ⵏ ⴰⴷⴷⵓⵔ ⵍⵍⵉⵖ ⴳⵉⵜ ⵣⵓⵍⵏ ⵉⵎⵖⵔⴰⵏ ⵉⴳⵔⴰⵖⵍⴰⵏ ⴷ ⵉⵏⴰⵎⵓⵔⵏ ⵓⵍⴰ ⵢⵎⴷⵔⴰⵡⵏ, ⴷⴰⵜ ⴰⴷ ⵉⴷⴷⵓ ⵙ ⵜⴷⴰⵍⴰ ⵏ ⵉⵎⵏⵙⵉ.

ⴳ ⵓⵣⵎⵣⵣⵓ ⵢⴰⴷ, ⵉⵜⵜⵓⵎⵍⴰ ⵢⴰⵏ ⵓⵏⵜⵉⵎ ⵉⵙⴰⵡⵍⵏ ⵅⴼ ⵓⵎⵣⵔⵓⵢ ⴷ ⵜⵎⵔⵏⵉⵡⵜ ⵏ ⵓⴱⴰⵔⴰⵣ ⵏ ⵍⴳⵓⵍⴼ ⴰⴳⵍⴷⴰⵏ ⴹⴰⵕ ⵙⵙⴰⵍⴰⵎ, ⵎⴰⵢⴰⴷ ⵉⵍⵍⴰⵏ ⴰⵎⵎⴰⵙ ⵏ ⵉⴱⴰⵔⴰⵣⵏ ⴰⴽⴽⵯ ⵉⴼⵓⵍⴽⵉⵏ ⴳ ⵓⵎⴰⴹⴰⵍ, ⵙⵍⴰⵡⴰⵏ ⴰⴽⴽⵯ ⴰⴱⴰⵔⴰⵣ ⴰⵣⴳⴳⵯⴰⵖ ⵍⵍⵉ ⵢⵙⵙⵏ ⵎⵏⵏⴰⵡ ⵏ ⵍⵉⵚⵍⴰⵃⴰⵜ ⵉⵏⵖⴱⵓⵏ ⵉⵣⵔⴽⵏ ⵉ ⵢⵙⴱⴷⴰⴷⵏ ⵉⴳⵔⴰⵖⵍⴰⵏ.

Dernière modification : 22 ⵉⴱⵔⵉⵔ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B5%8D%E2%B5%8D%E2%B5%89-%E2%B5%A2%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1#comment-0