ⵜⵙⵎⴷⵢⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵕⵥⵥⵓⵎ ⵜⴰⵎⴰⴷⴷⵓⴷⵜ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵇⴰⵟⴰⵕ

16 ⵉⴱⵔⵉⵔ 2018 Version Imprimable

ⴷⴷⴰⵡⵃⴰ - ⵜⵙⵎⴷⵢⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵢⵉⴹ ⵏ ⵓⵢⵏⴰⵙ ⴳ ⵜⵎⴷⵉⵏⵜ ⵏ ⵓⵙⴳⵎⵉ ⴳ ⴷⴷⴰⵡⵃⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵕⵥⵥⵓⵎ ⵜⴰⵎⴰⴷⴷⵓⴷⵜ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵇⴰⵟⴰⵕ, ⵍⵍⵉ ⵢⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⴰⵍ ⵜⴰⵏⵉ, ⵍⴰⵎⵉⵔ ⵏ ⵇⴰⵟⴰⵕ, ⴳ ⵜⵉⵍⵉⵜ ⵏ ⵉⵎⵙⵜⴳⴳⴰⵔⵏ ⴷ ⵉⵙⵔⵜⴰⵏ ⴷ ⵉⵎⴰⵙⵙⴰⵏ ⴷ ⵉⵡⵏⴳⵉⵎⵏ ⴷ ⵏ ⵜⵙⴽⵍⴰ ⵉⵄⵕⴰⴱⵏ ⴷ ⵉⴳⵔⴰⵖⵍⴰⵏ.

ⵍⵍⵉⵖ ⵜⵍⴽⵎ ⵙ ⵓⵙⵖⵉⵎ ⵏ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵇⴰⵟⴰⵕ, ⵜⵙⵏⵓⴱⴰⴳ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙⴳ ⵍⴰⵍ ⵏ ⵜⴰⵜⵜⵓⵢⵜ ⵀⵉⵏⴷ ⴱⵉⵏⵜ ⵃⴰⵎⴰⴷ ⴰⵍ ⵜⴰⵏⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵉⵎⵔⵙⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⵉⴳⵎⵉ ⵏ ⵜⴳⵔⴰⵡⵜ, ⵜⴰⵏⵙⵙⵉⵅⴼⵜ ⵜⴰⵎⵙⴽⴰⵔⵜ ⵏ ⵜⵉⵎⵔⵙⵍⵜ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⴽⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵏⵜⵜⴰⵜ ⴷ ⵉⵎⵙⵜⴳⴳⴰⵔⵏ ⵉⵃⴰⴹⵕⵏ, ⵢⴰⵏ ⵓⵔⵣⴰⴼ ⵉ ⵎⵏⵏⴰⵡ ⵏ ⵜⵉⴷⴰⵍⴰⵏ ⵏ ⵜⵙⴷⵍⵉⵙⵜ, ⴷ ⵜⴹⴼⴰⵕ ⵉⵙⵙⴼⵔⵓⵏ ⵍⵍⵉ ⵢⴰⵜ ⵉⵜⵜⵓⴼⴽⴰⵏ ⵅⴼ ⵉⴳⵉⵏ ⵉⵙⴽⵍⴰⵏ ⴷ ⵉⵎⵄⴰⵏ ⵉⵏⴰⵥⵓⵕⵏ ⴷ ⵉⵎⵣⵔⴰⵢⵏ ⵉⵅⴰⵜⴰⵔⵏ ⵏ ⵜⵉⵎⵔⵙⵍⵜ ⴰⴷ.

ⴷⴼⴼⵉⵔ ⵏ ⵜⴼⵓⴳⵍⴰ, ⵜⴷⵔⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵢⴰⵏ ⵉⵎⵏⵙⵉ ⵍⵍⵉ ⵢⴼⴽⴰ ⵍⴰⵎⵉⵔ ⵏ ⵇⴰⵟⴰⵕ ⵅⴼ ⴰⴷⴷⵓⵔ ⵏ ⵉⴽⴰⴱⴰⵕⵏ ⴷ ⵉⵎⵙⵜⴳⴳⴰⵔⵏ ⵉⵃⴰⴹⵕⵏ.

Dernière modification : 16 ⵉⴱⵔⵉⵔ 2018

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0#comment-0