Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵎⵕⵕⴰⴽⵯⵛ ⵜⴰⴼⵓⴳⵍⴰ ⵏ ⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵎⵕⵕⴰⴽⵯⵛ ⵜⴰⴼⵓⴳⵍⴰ ⵏ ⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ

08 ⵎⴰⵕⵚ 2018 Version Imprimable
ⵎⵕⵕⴰⴽⵯⵛ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ, ⴰⵙⵙ ⵏ ⵓⴽⵡⴰⵙ ⴳ ⴰⵎⵎⴰⵙ ⵏ ⵜⵉⵏⴰⵡⵉⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵎⵕⵕⴰⴽⵯⵛ, ⵜⴰⴼⵓⴳⵍⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ.

ⴷⴼⴼⵉⵔ ⵍⵍⵉⵖ ⵜⵜⵓⵖⵕⴰⵏ ⵍⴰⵢⴰⵜ ⵏ ⵍⵇⵓⵕⴰⵏ ⵍⵄⴰⴹⵉⵎ ⴷ ⵉⵜⵜⵓⵙⴽⴰⵔ ⵉⵣⵍⵉ ⴰⵏⴰⵎⵓⵔ, ⵜⵖⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵙ ⵍⵉⵙⵎ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ, ⵢⴰⵏ ⵉⵏⴰⵡ ⵏ ⵓⵕⵥⵥⵓⵎ ⵏ ⴰⵙⵙ ⴰⴷ ⵉⵜⵜⵓⵙⴽⴰⵔⵏ ⴳ ⴰⵙⴳⴳⵯⴰⵙ ⴰⴷ ⴷⴷⵓ ⵜⵎⵔⵏⵓⵜ "ⵜⵉⵣⵉ ⵏ ⵜⵎⵖⴰⵔⵜ, ⴳⵔ ⵜⵉⴽⵕⴹⵉ ⴷ ⴰⵥⵍⴰⴹ".

ⴳ ⵉⵏⴰⵡ ⴰⴷ, ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵉⵙ ⵜⵥⵕⴰ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴰⵙⴼⵓⵍⴽⵉ ⵏ ⵜⵉⵎⵙⵓⵜⴰⵍ ⵏⵏⵙ ⴳ ⵎⵏⵏⴰⵡ ⵏ ⵉⴳⵔⵏ, ⴳ ⵎⴰⵏ ⵜⵎⵓⵔⵙ ⴰⴷ ⵜⴰⵡⵉ ⵎⵏⵏⴰⵡ ⵏ ⵉⵎⵄⵉⵏ.

ⵜⵙⵙⴽⵜⵉ, ⴼ ⵖⵉⴽⴰⵏⵏ, ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ "ⵜⵉⵍⴰⵍⵜ ⵜⴰⵎⵇⵇⵔⴰⵏⵜ ⵏ ⵜⵉⵏⵣⴱⴰⵢⵏ ⵏ ⵓⵙⴷⵔⴼⵉ ⵏ ⵜⵎⴰⵣⵉⵔⵜ, ⵓⵍⴰ ⵡⵙⵓⵖⵏ ⵉⵅⴰⵜⴰⵔⵏ ⵏⵏⵙⵏ ⵅⴼ ⵓⵙⴳⵎⵉ ⵏ ⵜⵉⵙⵓⵜⵉⵏ ⵉⵖⵍⵉⵏ.

"ⴼ ⵖⵉⴽⴰⵏⵏ, ⴷⵔⴰⵏⵜ ⵜⵎⵖⴰⵔⵉⵏ ⴳ ⵜⵓⵚⴽⴰ ⵏ ⵍⵎⵖⵔⵉⴱ ⴰⵜⵔⴰⵔ", ⵎⴰⵢⴰⴷ ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ.

ⵜⵙⴰⵡⵍ ⴱⴰⵀⵔⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵅⴼ ⵉⵙⵓⴼⵖⵏ ⵍⵍⵉ ⵢⵙⵎⴰⵏ ⵍⵎⵖⵔⵉⴱ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⵣⵓⵏⴷ ⴰⵙⵍⴳⵏ ⵏ ⵜⵡⴰⵛⵓⵏⵜ, ⴷ ⵜⵓⴳⵉ ⵏ ⵜⵉⵙⵏⴱⴹⴰⵢⵏ ⵏ ⵜⵡⴰⵛⵓⵏⵜ, ⵓⵍⴰ ⵏ ⵉⴹⵕⵉⵚⵏ ⵉⵎⵉⵔⵉⵡⵏ ⴳ ⵉⴳⵔ ⴰⴷ, ⵎⴰⵛ ⵜⵏⵏⴰ ⵉⵙ ⵙⵓⵍ ⵅⵚⵚⴰⵏ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⴰⴼⴰⴷ ⵙⵙⵏⵏ ⵜⵎⵖⴰⵔⵉⵏ ⵉⵣⵔⴼⴰⵏ ⵏⵏⵙⵏ.

ⵜⵔⵏⵓ ⵜⵏⵏⴰ ⵉⵙ ⵙⵓⵍ ⵍⵍⴰⵏ ⵎⵏⵏⴰⵡⵏ ⵜⵉⵎⵓⴽⵔⵉⵙⵏ ⴳ ⵉⴳⵔ ⵏ ⵜⵎⵖⴰⵔⵜ ⴷ ⵏ ⵉⴼⵔⵅⴰⵏ, ⵣⵓⵏⴷ ⵓⵜⵉⵀⵍ ⵏ ⵉⵎⵥⵉⵢⵏ, ⴷ ⵓⵙⴱⴷⴷⵉ ⵏ ⵓⵙⵏⵓⵃⵢⵓ ⴷ ⵜⵉⴽⵕⴹⵉ ⵉⵜⵜⵓⵙⴽⴰⵔⵏ ⵉ ⵜⵎⵖⴰⵔⵉⵏ, ⵓⵍⴰ ⵜⴰⵡⵓⵔⵉ ⵏ ⵉⴼⵔⵅⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵡⵉⵏⵏ ⵉⴳⴰⵏ ⵉⵅⴷⴷⴰⵎⵏ.

"ⵏⴹⴰⵍⴱ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵙⵙⵡⴰⵍⴰ ⵜⵏⴱⴰⴹⵜ ⴷ ⵜⵉⵎⵔⵙⵍⵉⵏ ⵉⵎⵏⵜⴰⵢⵏ ⴰⴷ ⵥⵕⵉⵏ ⴽⵔⴰ ⵢⴳⴰⵜ ⵓⵙⵇⵙⵉ ⵉⴳⴳⵔⵏ ⵉ ⵜⵎⵖⴰⵔⵜ ⴷ ⴰⴼⵔⵓⵅ", ⵎⴰⵢⴰⴷ ⵙⵓⵍ ⵜⵏⵏⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵏⴰⵜ ⵜⵉⵎⵢⴰⵇⵇⴰⵏ, ⴳⵔ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴳ ⵢⴰⵜ ⵜⵙⴳⴰ, ⴷ ⵜⵎⴰⵡⴰⵙⵜ ⵜⴰⴳⴷⵓⴷⴰⵏⵜ ⴷ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵜⵙⴳⴰ ⵢⴰⴹⵏⵉⵏ.

ⵜⴰⵎⵢⴰⵇⵇⴰⵏⵜ ⵜⴰⵎⵣⵡⴰⵔⵓⵜ ⵜⵔⴰ ⴰⴷ ⵜⵙⴷⵓⵙ ⵜⵉⵙⵓⴳⵔⵉⵏ ⵏ ⵉⵙⴰⵜⵉⵏ ⵏ ⵜⵎⵓⵏⵜ, ⴷ ⵜⵙⵖⵉⵡⵙ ⵉⵙⵏⴼⵍⵏ ⴳⵔ ⵙⵏⴰⵜ ⵏ ⵜⵉⴼⵓⵍⵉⵏ ⵎⴰⵢⴰⴷ ⵉⴳⴰⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴷ ⵜⵎⴰⵡⴰⵙⵜ ⵜⴰⴳⴷⵓⴷⴰⵏⵜ. ⴰⵎⵎⴰ ⵜⴰⵎⵜⴰⵎⵢⴰⵇⵇⴰⵏⵜ ⵜⵉⵙⵙ ⵙⵏⴰⵜ, ⵜⵔⴰ ⴰⴷ ⵜⵙⴷⵓⵙ ⵜⵉⴳⴰⵡⵜ ⵏ ⵜⵎⵓⵏⵜ ⴳ ⵓⵎⵏⵥⴰⵡ ⵉⴼⵔⵉⵇⵉ.

ⴳ ⵓⵣⵎⵣⵣⵓ ⵢⴰⴷ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⵎⴰⵍⴰⵢⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⵎⴰⵙⵙ ⵢⵓⵙⴼ ⴱⵏ ⴰⵃⵎⴰⴷ ⴰⵍ ⵄⵓⵜⴰⵢⵎⵉⵏ, ⵉⴼⴽⴰ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⵣⵡⵍ ⵏ "ⴰⵎⵙⵇⴰⴷ ⵏ ⵜⵉⵔⴰⵜ ⵉⴼⵓⵍⴽⵉⵏ", ⵎⴰⵢⴰⴷ ⵉⵙⵙⵏ ⵙ ⵜⵉⴳⴰⵡⵉⵏ ⵏⵏⵙ ⵅⴼ ⴰⵙⵉⵍⵉ ⵏ ⵜⵉⵎⵙⵓⵜⴰⵍ ⵏ ⵜⵎⵖⴰⵔⵉⵏ ⴷ ⵓⴼⵔⴰⴳ ⵏ ⵉⴼⵔⵅⴰⵏ.

ⵃⴰⴹⵕⵏ ⴳ ⵜⴰⴼⵓⴳⵍⴰ ⵢⴰⴷ ⵎⴰⵙⵙ ⵎⵓⵃⵎⵎⴷ ⵓⵊⴰⵕ, ⴰⵎⴰⵡⵙⴰⵙ ⵏ ⵜⴰⵣⵔⴼⵜ, ⴷ ⵎⴰⵙⵙⴰ ⴱⴰⵙⵉⵎⴰ ⵍⵃⵇⵇⴰⵡⵉ, ⵜⴰⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵎⴰⵙⵙ ⴼⵓⴰⴷ ⵢⴰⵣⵓⵖ, ⴰⵎⵙⵇⴰⴷ, ⴷ ⴰⵏⵎⵀⴰⵍ ⵏ ⵜⵓⵇⵇⵏⴰⵏ ⵜⵉⵙⵉⵏⵔⴰⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⴹⴼⴰⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵉⵙⵙⴼⵔⵓⵏ ⵅⴼ ⴰⵙⵏⵜⵉ ⵍⵍⵉ ⵎⵓ ⵢⵙⵎ "ⴹⴰⵕ ⵍⵇⵓⵕⴱ", ⵓⵍⴰ ⵜⵉⴳⴰⵡⵉⵏ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵜⵓⵚⴽⴰ ⵜⴰⵎⴰⵢⵏⵓⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ.

ⵍⵍⵉⵖ ⵜⵎⵎⴰ ⵜⴼⵓⴳⵍⴰ ⵢⴰⴷ, ⵜⴱⵉⴷⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⴼⴰⴷ ⵜⴰⵎⵥ ⵢⴰⵜ ⵜⵡⵍⴰⴼⵜ ⵏ ⵓⴽⵜⵜⴰⵢ ⴷ ⵜⵎⵖⴰⵔⵉⵏ ⵍⵍⵉ ⵢⴷⵔⴰⵏ ⴳ ⵜⵎⵙⴰⵔⵜ ⴰⴷ.

Dernière modification : 08 ⵎⴰⵕⵚ 2018
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%99%E2%B5%99#comment-0