Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ ⴽⵕⴰⴹ ⵏ ⵜⵎⵙⴰⵔⵜ "ⵍⵎⵖⵔⵉⴱ ⴳ ⴰⴱⵓ ⴹⴰⴱⵉ"
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ ⴽⵕⴰⴹ ⵏ ⵜⵎⵙⴰⵔⵜ "ⵍⵎⵖⵔⵉⴱ ⴳ ⴰⴱⵓ ⴹⴰⴱⵉ"

06 ⵎⴰⵕⵚ 2018 Version Imprimable
ⴰⴱⵓ ⴹⴰⴱⵉ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⵏⴰⵙ ⴳ ⴰⴱⵓ ⴹⴰⴱⵉ, ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ ⴽⵕⴰⴹ ⵏ ⵜⵎⵙⴰⵔⵜ "ⵍⵎⵖⵔⵉⴱ ⴳ ⴰⴱⵓ ⴹⴰⴱⵉ", ⵍⵍⵉ ⵢⵜⵜⵓⵙⵓⴷⵙⵏ ⴰⵔ 19 ⵎⴰⵕⵚ, ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵍⵍⵉⵖ ⵉⵍⴽⵎ ⵙ ⵓⵎⵎⴰⵙ ⴰⵏⴰⵎⵓⵔ ⵏ ⵉⵙⴼⵙⵔⵏ ⵏ ⴰⴱⵓ ⴹⴰⴱⵉ, ⵍⵍⵉ ⵢⵙⵏⵓⴱⴳⵏ ⴰⵎⵓⵙⵙⵓ ⴰⴷⵍⵙⴰⵏ ⵉⵅⴰⵜⴰⵔⵏ ⴰⴷ, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵀⴰⵣⵣⴰⵄ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⵙⴽⴰⵔ ⵏ ⵍⵉⵎⴰⵕⴰ ⵏ ⴰⴱⵓ ⴹⴰⴱⵉ, ⵍⵍⵉ ⵢⵙⵎⵏⵉⴷⵏ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵎⵙⴽⴰⵔ ⵏ ⵍⵉⵎⴰⵕⴰ ⵢⴰⴷ.

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵎⴰⵙⵙ ⵎⵓⵃⵎⵎⴷ ⵙⴰⵊⵉⴷ, ⴰⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ ⴷ ⵓⵙⵙⴰⵢ ⴰⵎⴰⴹⵓ ⴷ ⵜⴳⵎⴰⵔⵜ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ, ⴷ ⵎⴰⵙⵙ ⵎⵓⵃⵎⵎⴷ ⴰⵢⵜ ⵓⵄⵍⵉ, ⴰⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⴰⵏⵏ, ⴷ ⵎⴰⵙⵙ ⵎⵀⴷⵉ ⵇⵟⴱⵉ, ⴰⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵏ, ⴷ ⵎⴰⵙⵙ ⵄⴱⴷⵍⵍⴰⵀ ⵄⴷⵏⴰⵏⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵉⴳⵎⵎⵉ ⵜⵉⵎⵉⵏⴹⵜ, ⴷ ⵕⴰⵛⵉⴷ ⵃⵎⵣⴰⵡⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⴰⵎⵖⵔⵉⴱⵉ ⵏ ⵜⵎⴰⵍⵍⴰⵢⵜ.

ⵉⵙⵙⵓⵜⵍ ⴷⴼⴼⵉⵔ ⵏ ⵖⵉⴽⴰⵏⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⴳⵎⵎⴰⴹⵏ ⵉⵜⵜⵓⵙⵔⴰⵙⵏ ⵅⴼ ⵓⵣⵎⵣⵣⵓ ⵢⴰⴷ ⵉⵜⵜⵓⵙⵓⴷⵙⵏ ⴷⴷⵓ ⵏ ⵜⵎⵔⵏⵓⵜ "ⵍⵎⵖⵔⵉⴱ ⵉⵕⵥⵎ ⴰⵡⵏ ⵜⵉⴳⴳⵓⵔⵉⵏ ⵏⵏⵙ".

ⵉⴳⴰ ⵡⵣⵎⵣⵣⵓ ⵢⴰⴷ ⵜⵉⴽⵍⵉⵜ ⵉⵣⵡⴰⵔⵏ ⵍⵍⵉⵖ ⵔⴰⴷ ⵜⵙⴽⵔ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵏ ⴰⴼⵙⴰⵔ ⵏⵏⵙ ⴱⵕⵕⴰ ⵏ ⵍⵎⵖⵔⵉⴱ, ⵔⴰⴷ ⴳⵉⵜ ⵜⵎⵍ ⵉⴳⵉⵏ ⵏ ⵜⵥⵓⵕⵉ ⵉⴼⵓⵍⴽⵉⵏ ⵢⵓⵛⴽⴰⵏ ⵙⴳ ⴽⵔⴰ ⵢⴳⴰⵜ ⵜⵙⵏⵏⵉⵖⵜ ⵏ ⵍⵎⵖⵔⵉⴱ, ⵎⴰⵢⴰⴷ ⵉⵎⵍⴰⵏ ⴰⵎⵢⴰⵏⴰⵡ ⵏ ⵓⵢⴷⴰ ⴰⵎⵖⵔⵉⴱⵉ.

ⵜⵙⵓⵎⵔ ⵙⵓⵍ ⵜⵙⴽⴰⵏⵜ ⵉⵅⴰⵜⴰⵔⵏ ⴰⴷ ⵉⴼⵕⵕⵊⵏ ⵏ ⵓⵥⴰⵡⴰⵏ ⴷ ⵉⴼⵙⴰⵔⵏ ⵏ ⵜⵉⵎⵍⵙⵉⵏ ⵉⵎⵖⵔⵉⴱⵉⵢⵏ ⴰⴼⴰⴷ ⵜⵜⵓⵙⵙⴰⵏⵏ ⵜⵉⴼⵔⵉⵙⵏ ⵉⴳⴳⵔⵏ ⵉ ⵜⵎⵖⵔⵉⵡⵉⵏ ⵜⵉⵎⵖⵔⵉⴱⵉⵏ ⵓⵍⴰ ⵜⵉⵖⵎⵉⵡⵉⵏ ⵜⵎⵖⵔⵉⴱⵉⵏ.

ⵜⴰⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵓⵙⵙⴰⵢ ⴰⵎⴰⴹⵓ ⴷ ⵜⴳⵎⴰⵔⵜ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴰⴷ ⵉⵙⵓⴷⵙⵏ ⴰⵎⵓⵙⵙⵓ ⵢⴰⴷ ⵉⴽⵛⵎⵏ ⴳ ⵓⵙⴰⵜⵉ ⵏ ⵜⵓⵇⵇⵏⴰⵏ ⵉⵅⴰⵜⴰⵔⵏ ⴷ ⵉⵇⴱⵓⵕⵏ ⵉⵙⵎⴰⵏⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⵉⵎⴰⵕⴰⵜ ⵜⵉⵄⵕⴰⴱⵉⵢⵏ ⵉⵎⴰⵏⵏ ⴳ ⴽⵔⴰ ⵢⴳⴰⵜⵜ ⵉⴳⵔ.

Fichier attaché :
Icône image sar_le_prince_moulay_rachid_preside_la_ceremonie_douverture_officielle_de_la_3e_edition_-g.jpg
Dernière modification : 06 ⵎⴰⵕⵚ 2018
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%9C-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0