Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵙⵙⵉⵅⴼ ⵜⴰⴼⵓⴳⵍⴰ ⵏ ⵓⴽⵎⵎⵍ ⵏ ⵓⵎⴰⴳⵔ ⵉⵜⵜⵓⵙⵓⴷⵙⵏ ⵅⴼ ⵓⵙⴳⵓⵎ « ⵜⴰⵎⵖⴰⵔⵜ ⴷ ⴰⴼⵔⵓⵅ ⵉⵍⵍⴰⵏ ⴳ ⵓⴷⴷⴰⴷ ⵏ ⴰⵏⵍⵎⴰⴹ »
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵙⵙⵉⵅⴼ ⵜⴰⴼⵓⴳⵍⴰ ⵏ ⵓⴽⵎⵎⵍ ⵏ ⵓⵎⴰⴳⵔ ⵉⵜⵜⵓⵙⵓⴷⵙⵏ ⵅⴼ ⵓⵙⴳⵓⵎ « ⵜⴰⵎⵖⴰⵔⵜ ⴷ ⴰⴼⵔⵓⵅ ⵉⵍⵍⴰⵏ ⴳ ⵓⴷⴷⴰⴷ ⵏ ⴰⵏⵍⵎⴰⴹ »

21 ⴱⵕⴰⵢⵕ 2018 Version Imprimable
ⵕⵕⴱⴰⵟ - ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⵙⵙⵉⵅⴼ, ⴰⵙⵙ ⵏ ⵓⴽⵕⴰⵙ ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴰⴼⵓⴽⵍⴰ ⵏ ⵓⴽⵎⵎⵍ ⵏ ⵓⵎⴰⴳⵔ ⵏⵏⵉ ⵜⵜⵓⵙⵓⴷⵙ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵉⵔⵉⵏ ⵏ ⵍⵎⵖⵔⵉⴱ ⴷ ⴰⵙⴰⴹⴰⴼ ⴰⵏⴰⵎⵓⵔ ⵏ ⵓⵣⵔⴼⴰⵏ ⵏ ⴰⴼⵔⵓⵅ, ⵡⵙⵙⴰⵏ 20 ⴷ 21 ⴱⵕⴰⵢⵕ ⴰⴷ ⵅⴼ «ⵜⴰⵎⵖⴰⵔⵜ ⴷ ⴰⴼⵔⵓⵅ ⴳ ⴰⴷⴷⴰⴷ ⵏ ⵓⵏⵍⵎⴰⴹ».

ⴳ ⵓⵣⵎⵣⵣⵓ ⵢⴰⴷ, ⵜⵎⵍⴰ ⵜⵏⴱⴱⴰⴹⵜ ⴷ ⵜⴰⵎⵣⴷⴷⵓⵢⵜ ⵜⴰⵏⴰⵎⵓⵔⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⴼⴳⴰⵏⵜ, ⵏⴰⴷⵉⵔⴰ ⵍⴳⵔⵎⴰⵄⵉ, ⵢⴰⵜ ⵜⴰⴳⴳⵣⵜ ⵏ ⵓⵔⵎⵎⵓⵙ ⴷ ⵏ ⵓⵎⵏⴰⴹ ⵅⴼ ⵓⵙⴱⴷⴷⵉ ⵏ ⵓⵥⵍⴰⴹ, ⵜⵔⵏⵓ ⵜⵏⵏⴰ ⵉⵙ ⵉⵕⵥⵎ ⵍⵎⵖⵔⵉⴱ ⵎⵏⵏⴰⵡ ⵏ ⵉⵖⴰⵡⴰⵙⵏ ⵉⵔⴰⵏ ⴰⴷ ⵄⴰⵡⵏⵏ ⵎⴷⴷⵏ ⵉⵍⵍⴰⵏ ⴳ ⵓⵙⵓⵔⵙ ⴰⴷ ⴷ ⴰⴷ ⵏⴽⵔⵏ ⵙ ⵜⵉⴼⴰⴷⴰⵏ ⵏⵏⵙⵏ.

ⵜⵙⴰⵡⵍ ⵎⴰⵙⵙⴰ ⵍⴳⵔⵎⴰⵄⵉ, ⴳ ⵓⵙⴰⵜⵉ ⵢⴰⴷ, ⵅⴼ ⵉⵔⵉⵎ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⴼⴳⴰⵏⵜ, ⵎⴰⵢⴰⴷ ⵉⵕⵥⵎⵏ ⴳ 2005, ⵜⵣⵔⵉⵔⵉ ⴷⴰⵖ ⵜⵉⵔⴰⵜ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⴼⴳⴰⵏⵜ ⴰⴷ ⵜⴱⴹⵓ ⵉⵔⵉⵎ ⵍⵍⵉ ⵜⵙⵎⴰⵏ ⴳ ⵉⴳⵔ ⴰⴷ ⴷ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵉⵔⵉⵏ ⵏ ⵍⵎⵖⵔⵉⴱ ⴷ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⵔⵅⴰⵏ.

ⴰⵎⵎⴰ ⵎⴰⵙⵙ ⵃⵎⴰⴷ ⵍⵃⵍⵉⵎⵉ ⵄⴰⵍⴰⵎⵉ, ⴰⵙⵎⵉⵔⵉ ⴰⵎⴰⵜⵜⴰⵢ ⵏ ⵓⵙⵖⵉⵡⵙ, ⵉⵙⴰⵡⵍ ⴱⴰⵀⵔⴰ ⵅⴼ ⵓⵍⴰⵢ ⵍⵍⵉ ⵢⵙⴽⵔ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵓⵥⵍⴰⴹ, ⵉⵔⵏⵓ ⵢⵏⵏⴰ ⵉⵙ ⵉⵥⴹⴰⵕ ⵍⵎⵖⵔⵉⴱ ⴰⴷ ⵉⴽⵔⵉ ⵜⵓⵎⴰⵏⵜ ⴰⴷ, ⵙⵡⴰ ⴳ ⵓⵎⵏⴰⴹ ⴰⵖⵔⵎⴰⵏ ⴷ ⴰⴼⴰⵔⴰⵏ ⵓⵍⴰ ⵡⴰⵏⵏ ⵉⵔⵡⴰⵙⵏ ⴰⴼⴰⵔⴰⵏ.

ⵍⵍⵉⵖ ⵜⵙⴰⵡⵍ, ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⵓⴼⵔⵓⵅⵉ, ⵜⵉⵏⴱⴹⵉⵜ ⴷ ⵜⴰⵏⵙⵙⵉⵅⴼⵜ ⵏ ⵓⴳⵊⴷⵉ ⵏ ⵜⵎⴰⵡⴰⵙⵜ ⵜⴰⴳⴷⵓⴷⵜ ⵜⵉⵎⵥⵍⵉⵜ ⴷ ⵏ ⵓⵎⵢⴰⵡⴰⵙ ⴰⵣⵔⴼⴰⵏ, ⵜⵏⵏⴰ ⵜⵓⵎⴰⵏⵜ ⵏ ⵜⴰⵙⵉⵀⵍⵜ ⵏ ⵣⵉⴽⴽ ⵓⵔ ⵜⵓⵊⵊⵉ ⵜⵉⴼⵔⵅⵉⵏ ⴰⴷ ⵟⵟⴼⵏⵜ ⵉⵣⵔⴼⴰⵏ ⵏⵏⵙⵏ ⵏⵖⴷ ⵜⵓⴷⵔⵜ ⵏ ⵜⵉⵣⵉ, ⵜⵙⴰⵡⵍ ⴱⴰⵀⵔⴰ ⵅⴼ ⵜⴰⵎⵙⴷⴷⵓⵔⵜ ⵏ ⵓⵙⵏⴼⵍ ⵏ ⵍⵄⵇⵍⵢⵢⴰⵜ ⴷ ⵓⴼⵔⴰⴽ ⵉⵏⵏⴰⵏ ⵉⵙ ⵜⴳⴰ ⵜⵉⵏⵎⵍ ⴰⵎⵏⴰⴹ ⴰⴳⴰⵎⴰⵏ ⵏ ⵜⴼⵔⵅⵉⵏ.

ⵉⵙⴰⵡⵍ ⵎⴰⵙⵙ ⵎⵓⵃⵎⵎⴷ ⵃⵓⵕⴰⵏⵉ, ⴰⴳⵎⴰⵎ ⵏ ⵓⵙⵇⵇⵉⵎ ⴰⴷⴰⵎⵙⴰ ⴷ ⴰⵏⴰⵎⵓⵏ ⴷ ⴰⵡⵏⴹⴰⵏ, ⵉⵙⵡⴰⵍⴰⵏ ⵉⵎⴰⵜⴰⵢⵏ ⵏ ⵢⴰⵜ ⵜⴰⵡⵔⵉⵇⵜ ⵏ ⵓⵖⴰⵔⴰⵙ ⵏ ⵓⵙⴱⴷⴷⵉ ⵏ ⵓⵥⵍⴰⴹ, ⵍⵍⴰⵏ ⴳⵉⵜ ⴽⴽⵓⵥ ⵏ ⵉⵙⴳⵓⵎⵏ ⵉⴳⴳⵔⵏ ⵉ ⵜⵓⵙⵙⵏⴰ ⴷ ⵜⵉⵏⵏⵓⴱⴹⴰ ⴷ ⵜⴰⵙⵔⵜⵉⵜ ⵏ ⵓⵣⵔⴼ ⴷ ⵓⵙⴽⴰⵔ ⵏ ⵢⴰⵜ ⵜⴰⵙⵔⵜⵉⵜ ⴳ ⵉⴳⵔ ⴰⴷ.

ⴷⴼⴼⵉⵔ ⵏ ⵜⴼⵓⴳⵍⴰ ⵢⴰⴷ, ⵜⴱⵉⴷⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⴼⴰⴷ ⵜⴰⵎⵥ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴼⵔⵅⴰⵏ ⵉⵙⵎⴷⵢⴰⵏ ⵎⵏⵏⴰⵡ ⵏ ⵜⵉⵎⵙⵎⵓⵏⵉⵏ.

ⵙⴳ 30 ⵓⵙⴳⴳⵯⴰⵙ, ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴽⵛⵎ ⴳ ⵜⵎⵏⴰⵖⵜ ⵉⵔⴰⵏ ⴰⴷ ⵉⵏⴽⵔ ⵙ ⵜⵉⵎⵙⵓⵜⴰⵍ ⵏ ⵜⵎⵖⴰⵔⵉⵏ ⴷ ⵉⴼⵔⵅⴰⵏ, ⵙ ⵜⵏⵙⵙⵉⵅⴼⵜ ⵏⵏⵙ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ ⴷ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵉⵔⵉⵏ ⵏ ⵍⵎⵖⵔⵉⴱ.

ⵍⵍⵉⵖ ⵜⵍⴽⵎ ⵙ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⴷⴷⵓⵔ, ⴷⴰⵜ ⴰⴷ ⵜⵣⵓⵍⵏ ⵎⴰⵙⵙ ⵎⵓⵃⵎⵎⴷ ⵓⵊⴰⵕ, ⴰⵎⴰⵡⵙⴰⵙ ⵏ ⵜⴰⵣⵔⴼⵜ, ⴷ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔⵜ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⵎⴰⵙⵙ ⵊⴰⵎⵉⵍⴰ ⵎⵓⵚⵍⵍⵉ, ⵜⵉⵎⵉⵔⵉⵜ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙ ⵏ ⵜⵎⴰⵍⵍⴰⵢⵜ ⴷ ⵡⴰⵙⵙⴰⵢ ⵏ ⵉⴳⵏⵡⴰⵏ ⴷ ⵜⵉⵏⵉⴹⵉ ⴷ ⵜⴰⴷⴰⵎⵙⴰ ⵜⴰⵏⴰⵎⵓⵏⵜ, ⴷ ⵎⴰⵙⵙ ⵃⵎⴰⴷ ⵍⵃⵍⵉⵎⵉ ⵄⴰⵍⴰⵎⵉ, ⴰⵙⵎⵉⵔⵉ ⴰⵎⴰⵜⵜⴰⵢ ⵏ ⵓⵙⵖⵉⵡⵙ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

ⵜⵜⵓⵙⴽⴰⵔ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵉⵔⵉⵏ ⵏ ⵍⵎⵖⵔⵉⴱ ⴰⵙⵙ ⵏ 6 ⵎⴰⵢⵢⵓ 1969 ⵙ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ, ⴰⵎⵎⴰ ⵡⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⵉⵜⵜⵓⵙⴽⴰⵔ ⴳ 1995.

Dernière modification : 21 ⴱⵕⴰⵢⵕ 2018
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%BD%E2%B5%8E%E2%B5%8E%E2%B5%8D-%E2%B5%8F-%E2%B5%93%E2%B5%8E%E2%B4%B0%E2%B4%B3%E2%B5%94#comment-0