Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵙⵙⵉⵅⴼ ⴳ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵕⵉ ⵜⴰⵜⵔⴰⵔⵜ, ⵢⴰⵜ ⵜⴰⴼⵓⴳⵍⴰ ⵏ ⵓⵙⵎⵖⵔ ⵏ ⵜⵉⵎⴽⵜⵉⵜ ⵏ ⵓⵏⴰⵥⵓⵕ ⵎⵓⵃⵎⵎⴷ ⴰⵎⵉⵏ ⴷⴷⵎⵏⴰⵜⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵙⵙⵉⵅⴼ ⴳ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵕⵉ ⵜⴰⵜⵔⴰⵔⵜ, ⵢⴰⵜ ⵜⴰⴼⵓⴳⵍⴰ ⵏ ⵓⵙⵎⵖⵔ ⵏ ⵜⵉⵎⴽⵜⵉⵜ ⵏ ⵓⵏⴰⵥⵓⵕ ⵎⵓⵃⵎⵎⴷ ⴰⵎⵉⵏ ⴷⴷⵎⵏⴰⵜⵉ

12 ⴷⵓⵊⴰⵏⴱⵉⵔ 2017 Version Imprimable
ⵕⵕⴱⴰⵟ - ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵜⵙⵙⵉⵅⴼ, ⴳ ⵢⵉⴹ ⵏ ⵓⵙⵉⵏⴰⵙ ⴳ ⵜⵙⵏⵏⵉⵖⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵥⵓⵕⵉ ⵜⴰⵜⵔⴰⵔⵜ ⴳ ⵕⵕⴱⴰⵟ, ⵢⴰⵜ ⵜⴰⴼⵓⴳⵍⴰ ⵏ ⵓⵙⵎⵖⵔ ⵏ ⵜⵉⵎⴽⵜⵉⵜ ⵏ ⵓⵏⴰⵥⵓⵕ ⵎⵓⵃⵎⵎⴷ ⴰⵎⵉⵏ ⴷⴷⵎⵏⴰⵜⵉ.

ⴳ ⵜⴰⴼⵓⴳⵍⴰ ⵢⴰⴷ ⵉⵜⵜⵓⵙⴽⴰⵔⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣⵣⵓ ⵏ ⵓⴽⵜⵜⴰⵢ ⵏ ⵜⵍⴰⵍⵉⵜ ⵡⵉⵙⵙ 46 ⵏ ⵜⵎⵜⵜⴰⵏⵜ ⵏ ⵎⵓⵃⵎⵎⴷ ⴰⵎⵉⵏ ⴷⴷⵎⵏⴰⵜⵉ ⴷ ⵏ ⵜⵥⵕⵉⴳⵜ ⵏ ⵓⴷⵍⵉⵙ "ⴰⵎⵉⵏ ⴷⴷⵎⵏⴰⵜⵉ, ⴰⴳⵏⴰⵔ ⴷ ⵜⵥⴰ ⵏ ⵜⴼⵙⵓⵜⵉⵏ, ⵢⴰⵏ ⵚⵚⵉⴼ", ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵙⴼⵙⵔ ⵏ ⵎⵏⵏⴰⵡ ⵏ ⵉⴳⵉⵏ ⵏ ⵓⵏⴰⵥⵓⵕ ⴷⴰⵜ ⴰⴷ ⵜⴷⴷⵓ ⵙ ⵜⴷⴰⵍⴰ ⵏ ⵜⵎⵙⵍⵉ.

ⴰⵎⵎⴰⵙ ⵏ ⵜⴼⵢⴳⵍⴰ ⵢⴰⴷ, ⵙⴰⵡⵍⵏ ⵓⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵜⵉⵙⵏⵏⵉⵖⵉⵏ ⵏ ⵍⵎⵖⵔⵉⴱ, ⵎⵀⴷⵉ ⵇⵟⴱⵉ, ⴷ ⵓⵏⴰⵥⵓⵕ ⵎⵓⵕⵉⵙ ⴰⵕⴰⵎⴰ, ⵎⴰⵢⴰⴷ ⵢⵓⵔⴰⵏ ⴰⴷⵍⵉⵙ "ⴰⵎⵉⵏ ⴷⴷⵎⵏⴰⵜⵉ, ⴰⴳⵏⴰⵔ ⴷ ⵜⵥⴰ ⵏ ⵜⴼⵙⵓⵜⵉⵏ, ⵢⴰⵏ ⵚⵚⵉⴼ", ⴷ ⴳⵎⴰⵜ ⵏ ⵉⴳⵍⵍⵉⵏ ⴰⵎⵉⵏ ⴷⴷⵎⴰⵏⵉ, ⵃⴰⵙⴰⵏ ⴰⵎⵉⵏ ⴷⴷⵎⵏⴰⵜⵉ, ⵍⵍⵉ ⵢⴼⴽⴰⵏ ⵢⴰⵏ ⴰⵙⵎⵖⵔ ⵉⵅⴰⵜⴰⵔⵏ ⵉ ⵢⴳⵍⵍⵉⵏ. ⵜⵙⵙⵏⴰ ⵜⴼⵓⴳⵍⴰ ⵢⴰⴷ ⴰⵙⴽⴽⵉ ⵏ ⵢⴰⵏ ⵍⴼⵉⵍⵎ ⵉⵎⵍⴰⵏ ⵜⴰⴷⴷⵔⵜ ⵏ ⵉⴳⵍⵍⵉⵏ.

ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⵎⴰⵙⵙ ⵃⴰⵙⴰⵏ ⴰⵎⵉⵏ ⴷⴷⵎⵏⴰⵜⵉ ⴰⴷⵍⵉⵙ ""ⴰⵎⵉⵏ ⴷⴷⵎⵏⴰⵜⵉ, ⴰⴳⵏⴰⵔ ⴷ ⵜⵥⴰ ⵏ ⵜⴼⵙⵓⵜⵉⵏ, ⵢⴰⵏ ⵚⵚⵉⴼ" ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ.

ⵍⵍⵉⵖ ⵜⵍⴽⵎ ⵜⴰⵙⵏⵏⵉⵖⵜ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵢⴰⵏ ⴰⴳⵔⴰⵡ ⵏ ⵜⴰⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵎⴰⵙⵙ ⵎⵓⵃⵎⵎⴷ ⵍⵄⵕⵊ, ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵎⴰ-ⵇⵏⵉⵟⵕⴰ, ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ, ⵎⴰⵙⵙ ⵎⵓⵃⵎⵎⴷ ⵎⵀⵉⴷⵢⵢⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⵎⵏⴰⴹ, ⵄⴱⴷⵚⵚⴰⵎⴰⴹ ⵙⵇⵇⴰⵍ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴳⵔⵓ, ⵎⴰⵙⵙ ⵎⵓⵃⵎⵎⴷ ⵙⴷⴷⵉⵇⵉ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

ⴰⵎⵉⵏ ⴷⴷⵎⵏⴰⵜⵉ, ⵎⴰⴷ ⵉⵍⵍⵓⵍⴰⵏ ⴳ ⵎⵕⵕⴰⴽⵯⵛ ⴳ 15 ⵉⵏⵏⴰⵢⵔ 1942, ⵉⴹⴼⴰⵕ ⵜⵉⵖⵔⵉ ⵏⵏⵙ ⴳ ⴹⴹⴰⵕⵍⵖⵉⴹⴰ ⴷ ⴱⴰⵔⵉⵣ. ⵍⵍⵉ ⵉⴳⵔⴰⵡⵍ ⵙ ⵍⵎⵖⵔⵉⴱ ⴳ 1961, ⵉⵙⴼⵙⵔ ⴰⵎⵉⵏ ⴷⴷⵎⵏⴰⵜⵉ ⴳ ⵕⵕⴱⴰⵟ ⴷ ⵎⵕⵕⴰⴽⵯⵛ ⴷ ⴹⴹⴰⵕⵍⴱⵉⴹⴰ. ⴳ 10 ⵢⵓⵍⵢⵓⵣ 1971, ⵉⵍⵍⴰ ⴰⵎⵎⴰⵙ ⵏ ⵉⵎⴷⵔⴰⵡⵏ, ⴳ ⵙⵅⵉⵕⴰⵜ, ⴳ ⵓⴽⵜⵜⴰⵢ ⵏ ⵜⵍⴰⵍⵉⵜ ⵡⵉⵙⵙ 42 ⵏ ⴱⴰⴱ ⵏ ⵡⴰⴷⴷⵓⵔ ⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ, ⵍⵍⵉⵖ ⵜ ⵢⵓⵜ ⵍⵇⵕⵟⴰⵚ ⵉⵏⵖⵜ.

Dernière modification : 12 ⴷⵓⵊⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%9C%E2%B5%99%E2%B5%8F%E2%B5%8F%E2%B5%89%E2%B5%96%E2%B5%9C-%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A#comment-0