Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⵏ ⵜⵡⵍⵍⵓⵖⵜ

09 ⴷⵓⵊⴰⵏⴱⵉⵔ 2017 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵢⵉⴹ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵉⵎⵏⵙⵉ ⴰⴷⵉⴱⵍⵓⵎⴰⵙⵉ ⴰⵙⴳⴳⵯⴰⵙ ⵏ ⵜⵡⵍⵍⵓⵖⵜ, ⵎⴰⵢⴰⴷ ⵜⵙⵓⴷⵙ ⵜⵎⵙⵇⴰⴷⵜ ⵏ ⵜⴼⵉⴹⵉⵕⴰⵍⵉⵜ ⵏ ⵔⵓⵙⵢⴰ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ.

ⵉⵏⵏⴰ ⵡⵎⵙⵇⴰⴷ ⴰⵔⵓⵙⵉ ⵉⵙ ⵉⵎⵎⵔ ⵍⵍⵉⵖ ⵜⵙⵓⴷⵙ ⵜⴰⴼⵓⴳⵍⴰ ⵏ ⵜⵡⵍⵍⵓⵖⵜ ⴰⴷ, ⵎⴰⵢⴰⴷ ⵉⴳⴰⵏ ⵜⴰⵎⵢⵓⵔⵜ ⵜⴰⵙⴳⴳⵯⴰⵙⵜ ⵍⵍⵉ ⵙⴽⵔⵏⵜ ⵜⵉⵎⵙⵇⴰⴷⵉⵏ ⵜⵉⴱⵕⵕⴰⵏⵉⵏ ⵉⵜⵜⵓⵖⵣⴰⵏ ⴳ ⵕⵕⴱⴰⵟ ⴷ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ ⵅⴼ ⵎⴷⴷⵏ ⵍⵍⵉ ⵡⵔ ⵉⵟⵟⴰⴼⵏ ⵢⴰⵜ, ⴷ ⴳ ⵎⴰⵏ ⴷⵔⴰⵏ ⴰⴷⵉⴱⵍⵓⵎⴰⵙⵉⵏ, ⴰⵢⵜ ⵜⵡⵓⵔⵉⵡⵉⵏ ⴷ ⵉⵏⴰⵥⵓⵕⵏ.

ⴰⵎⵎⴰ ⵡⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵜⴰⴷⵉⴱⵍⵓⵎⴰⵙⵉⵜ, ⵄⴱⴷⵍⵍⵟⵉⴼ ⵃⴰⴱⴽ, ⵉⵣⵓⵍ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵅⴼ ⴰⴱⵖⵓⵔ ⵍⵍⵉ ⴱⴷⴷⴰ ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵉ ⵜⵉⴳⴰⵡⵜ ⵏ ⵜⵡⵍⵍⵓⵖⵜ ⴰⴷ, ⴷ ⵍⵍⵉⵖ ⵜⵃⴰⴹⵕ ⵉ ⵢⵎⵏⵙⵉ ⵢⴰⴷ.

ⴳ ⵓⵣⵎⵣⵣⵓ ⵢⴰⴷ, ⵉⵜⵜⵓⴼⴽⴰ ⴷⴷⵉⵔⵄ ⵏ ⵜⵉⵎⵔⵙⵍⵜ ⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ.

ⵍⵍⵉⵖ ⵜⵍⴽⵎ, ⵜⵙⵙⵣⵔⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵓⴳⵔⴰⵡ ⵏ ⵜⴰⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⴷⴷⵓⵔ, ⴷⴰⵜ ⴰⴷ ⵜ ⵣⵓⵍⵏ ⵎⴰⵙⵙⴰ ⴱⴰⵙⵉⵎⴰ ⵃⵇⵇⴰⵡⵉ, ⵜⴰⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵎⴰⵙⵙ ⴼⴰⵍⵉⵔⵉ ⴼⵓⵕⵓⴱⵢⵉⴼ, ⴰⵎⵙⵇⴰⴷ ⵏ ⵜⴼⵉⴹⵉⵕⴰⵍⵉⵜ ⵏ ⵔⵓⵙⵢⴰ ⴳ ⵍⵎⵖⵔⵉⴱ, ⴷ ⵎⴰⵙⵙ ⵎⵓⵃⵎⵎⴷ ⵎⵀⵉⴷⵢⵢⴰ, ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⴷ ⵎⴰⵙⵙ ⵄⴱⴷⵙⵍⴰⵎ ⵙⵇⵇⴰⵍ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⵎⵏⴰⴹ, ⵓⵍⴰ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⵏⴰⵥⵓⵕⵏ ⴷ ⴰⴳⵔⴰⵡ ⵏ ⵓⵙⵓⴷⵙ.

Dernière modification : 09 ⴷⵓⵊⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B4%B0%E2%B4%B7%E2%B5%89%E2%B4%B1%E2%B5%8D%E2%B5%93%E2%B5%8E%E2%B4%B0%E2%B5%99%E2%B5%89-%E2%B5%8F#comment-0