Published on MAPNews (https://www.mapnews.ma/am)

Accueil > ⴰⵙⵎⴹⵍ ⵏ ⵍⵎⵕⵃⵓⵎ ⵍⵊⵉⵏⵉⵕⴰⵍ ⴷⵓⴽⵯⵓⵕ ⴷⴰⵕⵎⵉ, ⵄⴱⴷ ⵍⵃⴰⵇ ⵍⵇⴰⴷⵉⵔⵉ ⵙ ⵜⵉⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴰⵙⵎⴹⵍ ⵏ ⵍⵎⵕⵃⵓⵎ ⵍⵊⵉⵏⵉⵕⴰⵍ ⴷⵓⴽⵯⵓⵕ ⴷⴰⵕⵎⵉ, ⵄⴱⴷ ⵍⵃⴰⵇ ⵍⵇⴰⴷⵉⵔⵉ ⵙ ⵜⵉⵍⵉⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ

22 ⵏⵓⵡⴰⵏⴱⵉⵔ 2017 Version Imprimable
ⵕⵕⴱⴰⵟ - ⵉⵜⵜⵓⵙⵎⴹⵍ ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⵍⵎⵕⵃⵓⵎ ⵍⵊⵉⵏⵉⵕⴰⵍ ⴷⵓⴽⵯⵓⵕ ⴷⴰⵕⵎⵉ, ⵄⴱⴷ ⵍⵃⴰⵇ ⵍⵇⴰⴷⵉⵔⵉ, ⵙ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⵡⵔⵉⴽ ⵉⵅⴰⵜⴰⵔⵏ, ⵏⵏⴰ ⵎⵉ ⵉⵣⴳⴰⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ.

ⴷⴼⴼⵉⵔ ⵜⴰⵥⴰⵍⵍⵉⵜ ⴳ ⵜⵎⵣⴳⵉⴷⴰ ⵏ ⵛⵛⵓⵀⴰⴷⴰ, ⵉⵜⵜⵓⵙⵎⴹⵍ ⵉⴳⵍⵍⵉⵏ ⵏ ⵍⵎⵕⵃⵓⵎ ⴳ ⵓⵙⵖⵉⵎ ⵏ ⵣⵣⴰⵡⵢⴰ ⵍⵇⴰⴷⵉⵔⵢⴰ.

ⴷ ⵉⵍⵍⴰ ⴳ ⵓⵙⵎⴹⵍ, ⵜⴰⵡⵊⴰ ⵏ ⵉⴳⵍⵍⵉⵏ ⵏ ⵍⵎⵕⵃⵓⵎ, ⴷ ⵓⵎⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴰⵏⴷⵔⵉ ⴰⵣⵓⵍⴰⵢ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⵉⵜⵏ, ⴷ ⵉⵜⵙⵏ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⴹⴹⵓⴱⴰⵟ ⵉⵅⴰⵜⴰⵔⵏ ⵏ ⵜⴰⵏⴰⵔⴰ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵉⵜⵙⵏ ⵉⵏⵙⵙⵉⵅⴼⵏ ⵏ ⵉⵎⵓⵍⵍⵉⵜⵏ ⵉⵙⵔⵜⴰⵏ, ⴷ ⵎⵏⵏⴰⵡ ⵏ ⵉⵡⵔⵉⴽⵏ ⵉⵅⴰⵜⴰⵔⵏ ⵓⵖⵔⵉⵎⵏ ⴷ ⵉⵄⵙⴽⵔⵉⵢⵏ.

ⴰⴷ ⵏⵙⴽⵜⵉ ⵎⴰⵙ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⴱⵔⴰⴷⵜ ⵏ ⵓⴼⵛⴰⴷ ⵉ ⵜⴰⵡⵊⴰ ⵏ ⵓⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⵄⴱⴷ ⵍⵃⴰⵇ ⵍⵇⴰⴷⵉⵔⵉ, ⵏⵉⴳ ⴰⵙⵏ ⵉⵎⵍⴰ ⴰⴼⵛⴰⴷ ⵏⵏⵙ, ⵓⵍⴰ ⵉ ⵢⵎⴷⴷⵓⴽⴰⵍ ⵏⵏⵙ ⴷ ⴽⵓⵍⵍⵓ ⵡⵉⵏⵏ ⵍⵍⵉ ⵜ ⵉⵙⵙⵏ, ⴷ ⵜⴰⵡⵊⴰ ⵜⴰⵎⵇⵕⴰⵏⵜ ⵏⵏⵙ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏ, ⵉⴷⵄⴰ ⵕⴱⴱⵉ ⴰⴷ ⴰⵜⵏ ⵉⴼⴽ ⵜⵉⵥⵉⴹⵕⵜ ⵉⴼⵓⵍⴽⵉⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⴳⴰ ⵜⴰⵎⵜⵜⴰⵏⵜ ⴰⴷ ⵢⴰⵏ ⵉⵕⵥⴰⵏ ⴰⵎⵇⵔⴰⵏ, ⵓⵔⴷ ⴽⴰ ⵉ ⵜⵡⴰⵛⵓⵏⵜ ⵏ ⵉⴳⵍⵍⵉⵏ ⵍⵇⴰⴷⵉⵔⵉ ⵎⴰⵛ ⵉ ⵜⵎⴰⵣⵉⵔⵜ ⴽⵓⵍⵍⵓⵜ, ⵎⴰⵢⴰⴷ ⵉⵣⵍⴰⵏ ⵢⴰⵏ ⴹⴹⴰⴱⵉⵟ ⴰⵏⴰⴼⵍⵍⴰ ⵍⵍⵉ ⵢⵓⵎⵥⵏ ⵜⵉⵡⵓⵔⵉⵡⵉⵏ ⵢⴰⵜⵜⵓⵢⵏ ⴷ ⵜⵉⵎⵙⵜⴳⴳⴰⵔⵉⵏ ⵜⵉⵄⵙⴽⵕⵉⵏ, ⵙ ⵜⴰⵙⵓⴳⵔⵜ ⴷ ⵜⵉⵖⵉⵙⵜ, ⵉⵔⵏⵓ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⴳⴰ ⵢⵥⵍⵉ ⵏ ⵄⴱⴷ ⵍⵃⴰⵇ ⵍⵇⴰⴷⵉⵔⵉ ⵢⴰⵏ ⴰⵎⴷⵢⴰ ⵍⵍⵉ ⵢⵅⵚⵚⴰⵏ ⴰⴷ ⵉⵜⵜⵓⴹⴼⴰⵕ.

ⴷ ⵉⵙⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵎⴰⵎⴽⵉⵏ ⴷ ⵜⴰⵣⴷⴳⵉ ⴷ ⵓⵣⴷⵉ ⵉⵖⵥⴰⵏⵏ ⴷ ⵜⵎⴰⵣⵉⵔⵜ ⴷ ⵜⵉⵙⵉⵏ ⵏⵏⵙ ⵏ ⵄⴱⴷ ⵍⵃⴰⵇ ⵍⵇⴰⴷⵉⵔⵉ, ⴰⴷ ⵜ ⵉⵕⵃⵎ ⵕⴱⴱⵉ.

ⴷ ⵉⵎⵎⵓⵜ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵓⵊⵉⵏⵉⵔⴰⵍ ⵄⴱⴷ ⵍⵃⵇⵇ ⵍⵇⴰⴷⵉⵔⵉ ⴼⴼⵉⵔ ⵏ ⵓⵟⵟⴰⵏ ⵉⵖⵣⵉⴼⵏ ⵏ ⵜⵎⴰⴹⵓⵏⵜ.

 

Dernière modification : 22 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B4%B0%E2%B5%99%E2%B5%8E%E2%B4%B9%E2%B5%8D-%E2%B5%8F-%E2%B5%8D%E2%B5%8E%E2%B5%95%E2%B5%83%E2%B5%93%E2%B5%8E-%E2%B5%8D%E2%B5%8A%E2%B5%89%E2%B5%8F%E2%B5%89%E2%B5%95%E2%B4%B0%E2%B5%8D-%E2%B4%B7%E2%B5%93%E2%B4%BD%E2%B5%AF%E2%B5%93%E2%B5%95-%E2%B4%B7%E2%B4%B0%E2%B5%95%E2%B5%8E%E2%B5%89-%E2%B5%84%E2%B4%B1%E2%B4%B7-%E2%B5%8D%E2%B5%83%E2%B4%B0%E2%B5%87-%E2%B5%8D%E2%B5%87%E2%B4%B0%E2%B4%B7%E2%B5%89%E2%B5%94%E2%B5%89-%E2%B5%99-%E2%B5%9C%E2%B5%89%E2%B5%8D%E2%B5%89%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C#comment-0