Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴰⴽⵓⵙⵜ ⵏ ⵓⴷⴰⴱⵓ 2016-2017
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ ⵕⵕⴱⴰⵟ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴰⴽⵓⵙⵜ ⵏ ⵓⴷⴰⴱⵓ 2016-2017

18 ⵏⵓⵡⴰⵏⴱⵉⵔ 2017 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⴹⵢⴰⵙ ⴳ ⵕⵕⴱⴰⵟ, ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴰⴽⵓⵙⵜ ⵏ ⵓⴷⴰⴱⵓ 2016-2017, ⵍⵍⵉ ⵜⵉⵡⵉ ⵕⵕⴰⵊⴰ ⵏ ⴹⴹⴰⵕⴱⵉⴹⴰ ⵎⴰⵢⴰⴷ ⵉⵏⵏⵔⴰⵏ ⴷⴷⵉⴼⴰⵄ ⵍⵃⴰⵙⴰⵏⵉ ⵏ ⵊⴷⴷⵉⴷⴰ ⵙ ⵜⵉⵢⵜⵉⵏ ⵜⵉⵏⴼⴳⵓⵔⵜⵉⵏ (3-1‌), ⴷⴼⴼⵉⵔ ⵍⵍⵉⵖ ⵜⵜⵎⵎⴰ ⵜⴰⵎⵏⵢⵓⴳⴰⵔⵜ ⵙ 1-1.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴱⴰⵔⴰⵣ ⵏ ⵓⴳⵍⴷⵓⵏ ⵎⵓⵍⴰⵢ ⵄⴱⴹⵍⵍⴰⵀ, ⵉⵣⵣⵔⵉ ⵢⴰⵏ ⴰⴳⵔⴰⵡ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵎⴰⵡⵙⴰⵙ ⵏ ⵜⵄⵓⵕⵎⴰ ⴷ ⵜⵓⵏⵏⵓⵏⵜ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵓⵍⴰⵎⴱⵉ ⴰⵎⵖⵔⵉⴱⵉ , ⴷ ⵍⵡⴰⵍⵉ ⵏ ⵜⵙⴳⴰ ⵏ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ, ⴷ ⵓⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵢⴰⴹⵏⵉⵏ.

ⴰⵎⵎⴰⵙ ⵏ ⵉⵙⵔⵇⴱⵏ ⵏ ⵓⴳⴷⵓⴷ ⵉⴳⴳⵓⵜⵏ ⵎⴰⴷ ⵢⵓⵛⴽⴰⵏ ⵙⴳ ⴽⵔⴰ ⵢⴳⴰⵜ ⵜⵙⴳⴰ ⵏ ⵜⴳⵍⴷⵉⵜ ⴰⴼⴰⴷ ⵣⵕⵉⵏ ⵜⴰⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⴰⴷ, ⵉⴼⵜⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⴰⴷⴰⴱⵓⵜ ⵏ ⴰⴷⴷⵓⵔ.

ⴷⴼⴼⵉⵔ ⵍⵍⵉⵖ ⵉⵣⵓⵍ ⴰⵛⵏⵢⴰⵍ ⴰⵏⴰⵎⵓⵔ ⵙ ⵉⵎⵙⵍⵉ ⵏ ⵉⵣⵍⵉ ⴰⵏⴰⵎⵓⵔ, ⵉⴳⴳⵯⵣ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵓⴱⴰⵔⴰⵣ ⵍⵍⵉⵖ ⵜⵣⵓⵍⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ, ⴷ ⵉⵏⴼⴳⵓⵔⵏ ⵏ ⵜⵎⵏⵢⵓⴳⴰⵔⵜ, ⵓⵍⴰ ⵢⵎⵙⵜⴳⴳⴰⵔⵏ ⴷ ⵉⵎⵓⵔⴰⵔⵏ ⵏ ⵙⵏⴰⵜ ⵜⵔⵓⴱⴱⴰⵜⵉⵏ ⵏ ⵕⵕⴰⵊⴰ ⴷ ⴷⴷⵉⴼⴰⵄ.

ⴷⴼⴼⵉⵔ ⴳ ⵜⵜⵓⵢⴰⵙⵉ ⵜⵡⵍⴰⴼⵜ ⵏ ⵓⴽⵜⵜⴰⵢ ⵉ ⵙⵏⴰⵜ ⵜⵔⵓⴱⴱⴰ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵍⴱⴷⵓ ⴰⵎⴰⴷⵓⴷ ⵏ ⵜⴰⵎⵏⵢⵓⴳⴰⵔⵜ, ⴷⴰⵜ ⴰⴷ ⵉⵙⵙⴽⴽⵓⵙ ⴳ ⵜⴰⴷⴰⴱⵓⵜ ⵏ ⴰⴷⴷⵓⵔ ⵙⴳ ⵎⴰⵏⵉ ⵉⴹⵓⴼ ⵜⴰⵎⵏⵢⵓⴳⴰⵔⵜ ⴰⴷ.

ⵍⵍⵉⵖ ⵜⵎⵎⴰ ⵜⴰⵎⵏⵢⵓⴳⴰⵔⵜ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⵡⴰⵍⴰ ⵜⵉⵙⵙ ⵙⵏⴰⵜ ⵏ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵜⴰⵣⵇⵇⴰ , ⵜⴰⵡⵊⵊⴰ ⵏ ⵓⴹⴰⵕ ⵏ ⵜⴰⴷⴰⵍⴰ ⵉ ⵡⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ « ⴷⵉⵏⴰⵎⵓ ⵇⵏⵉⵟⵕⴰ », ⵙⵓⴼⵢⴰⵏ ⵍⵎⵙⵔⴰⵔ, ⵓⵍⴰ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵜⵎⵖⴰⵕⵉⵏ ⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴱⵜⵉⵙⴰⵎ ⵊⵕⴰⵢⴷⵉ.
ⵉⴼⴽⴰ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴽⵓⵙⵜ ⵏ ⵓⴷⴰⴱⵓ ⵏ ⵉⵔⴳⴰⵣⵏ ⵉ ⵡⵏⵙⵙⵉⵅⴼ ⵏ ⵕⵕⴰⵊⴰ ⵏ ⴹⴹⴰⵕⴱⵉⴹⴰ, ⵄⵉⵚⴰⵎ ⵕⵕⴰⵇⵉ.

ⵜⵉⵡⵉ ⵕⵕⴰⵊⴰ ⵜⴰⴽⵓⵙⵜ ⵏ ⵓⴷⴰⴱⵓ 8 ⵏ ⵜⴽⵍⴰⵢ, ⴳ ⵉⵙⴳⴳⵯⴰⵙⵏ ⵏ 1974, 1977, 1982, 1996, 2002, 2005, 2012 ⴷ 2017. ⴰⵎⵎⴰ ⴷⴷⵉⴼⴰⵄ ⵍⵃⴰⵙⴰⵏⵉ ⵏ ⵊⵊⴷⵉⴷⴰ, ⵢⵉⵡⵉ ⵜⴰⴽⵓⵙⵜ ⵢⴰⵜ ⵜⴽⵍⵉⵜ, ⴳ ⵓⵙⴳⴳⵯⴰⵙ ⵏ 2013.
 

Dernière modification : 18 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B5%8E%E2%B5%8F%E2%B5%A2%E2%B5%93%E2%B4%B3%E2%B4%B0%E2%B5%94%E2%B5%9C-%E2%B5%89%E2%B4%B3%E2%B4%B3%E2%B5%AF%E2%B5%94%E2%B4%B0%E2%B5%8F-%E2%B5%8F#comment-0