Published on MAPNews (https://www.mapnews.ma/am)

Accueil > ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ: ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵎⴰⴷ ⵢⵓⵎⵥ ⴰⴷⴰⴱⵓ ⴳ ⵓⴼⵔⴰⴳ ⵏ ⵓⵡⵏⴰⴹ ⴳ ⵓⵙⵉⵣⵡⵔ ⵏ ⵜⵉⴳⵎⵉ ⵏ ⵜⴳⵍⴷⵉⵜ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ: ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵎⴰⴷ ⵢⵓⵎⵥ ⴰⴷⴰⴱⵓ ⴳ ⵓⴼⵔⴰⴳ ⵏ ⵓⵡⵏⴰⴹ ⴳ ⵓⵙⵉⵣⵡⵔ ⵏ ⵜⵉⴳⵎⵉ ⵏ ⵜⴳⵍⴷⵉⵜ

16 ⵏⵓⵡⴰⵏⴱⵉⵔ 2017 Version Imprimable
ⴱⵓⵏ - ⵜⵙⴷⴷⵉⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ, ⴳ ⵓⵏⵏⵓⵕⵥⵎ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵓⵏⵎⵓⴳⴳⴰⵔ ⴰⵅⴰⵜⴰⵔ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵏ ⵜⵉⵎⵜⵜⴰ ⵉⵎⵓⵏ "ⴽⵓⴱ23", ⵎⴰⵙ ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵙⴳ ⵎⴰⴷ ⵢⵓⵎⵥ ⴰⴷⴰⴱⵓ ⴳ ⵓⴼⵔⴰⴳ ⵏ ⵓⵡⵏⴰⴹ ⴳ ⵓⵙⵉⵣⵡⵔ ⵏ ⵜⵉⴳⵎⵉ ⵏ ⵜⴳⵍⴷⵉⵜ.

ⴷ ⵜⵏⵏⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵉⵏⵏⴰⵡ ⴰⴷ, ⵎⴰⵙ ⵉⵙⵖⵥⵏ ⵓⴷⵓⵙⵜⵓ ⵏ 2011 ⴰⴷⴷⵓⵔ ⵉⵍⵍⴰⵏ ⵖⵓⵕ ⵓⵡⵏⴰⴹ ⴳ ⵜⵉⴳⵎⵉ ⵜⴰⵙⵓⵍⴰⵏⵜ.

ⴷⴼⴼⵉⵔ ⵎⴰⵢⴰⴷ ⵢⵓⵛⴽⴰⴷ ⵓⵙⵍⴳⵏ ⴰⵙⵜⵉ, ⵏⴰ ⴷ ⵢⵓⵡⵉⵏ ⵜⴰⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵡⵏⴰⴹ ⴷ ⵜⵉⴳⵎⵉ ⵜⴰⵙⵓⵍⴰⵏⵜ, ⵏⵏⴰ ⵎⵉ ⵢⴳⴰ ⵓⵡⵜⵜⴰⵙ ⵏⵏⵙ ⵜⵓⵙⵙⵏⴰ ⵏ ⵉⵡⵜⵜⴰⵙⵏ ⵏ ⵜⵡⵓⵔⵉ ⵏ ⵓⵡⵏⴰⴽ ⴳ ⵢⵉⴳⵔ ⴷⵖ, ⵍⵍⵉⵖ ⵜⴽⵛⵎ ⵜⴷⵍⵙⴰ ⵏ ⵓⴼⵔⴰⴳ ⵏ ⵓⵡⵏⴰⴹ ⴳ ⵓⵖⴰⵡⴰⵙ ⵏ ⵓⵙⴳⵎⵉ ⴷ ⵓⵙⵎⵜⴳ.

ⴷ ⵜⵔⵏⴰ ⵜⵏⵏⴰ ⵙⵓⵍ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰⵙ ⴳⴰⵏⵜ ⵜⵎⵙⴰⵔⵉⵏ ⵏ ⵓⵡⵏⴰⴹ ⵜⵉⵎⴰⵜⴰⵢⵉⵏ, ⵙⵍⴰⵡⵏ ⴰⴽⴽⵯ, ⵜⵉⵏⵏⴰ ⵉⵥⵍⵉⵏ ⵙ ⵓⵏⵣⵡⵉ, ⵏⵏⴰ ⵢⴳⴰⵏ ⵙⴳ ⵓⵙⵉⵣⵡⵔ ⵏ ⵜⵡⵓⵔⵉ ⵏ ⵜⴳⵍⴷⵉⵜ ⴷ ⵓⵙⵓⵖⵏ ⵏⵏⵙ ⴳ ⵓⴳⵏⵙⵓ ⵏ ⵓⵙⴰⵜⵉ ⵉⵎⵢⴰⵏⴰⵡⵏ ⵏ ⵜⴼⵓⵍⵜ, ⴷ ⵜⵙⴽⵜⵉⴷ ⵎⴰⵙ ⵉⴳⴰ ⵍⵎⵖⵔⵉⴱ, ⵏⵏⴰ ⵉⵙⵙⵉⵅⴼⵏ ⴰⵙⴳⵔⴰⵡ ⵏ ⵓⵏⵣⵡⵓ (ⴽⵓⴱ 22), ⵉⵙⴽⵔ ⵜⵓⴳⴳⵯⴰⵣ ⵏⵏⵙ ⵃⵎⴰ ⴰⴷ ⵉⵙⴷⴷⵉⴷ ⵜⴰⴷⵉⵏⴰⵎⵉⵢⵜ ⵏⵏⴰ ⵉⴱⴷⴰⵏ ⴷⴼⴼⵉⵔ ⴰⵎⵙⴰⵙⴰ ⵏ ⴱⴰⵔⵉⵣ.

ⴳ ⵓⵙⴰⵜⵉ ⴷⵖ, ⵜⵏⵏⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰⵙ ⵉⴳⴰ ⵓⵍⵖⵓ ⵏ ⵎⵕⵕⴰⴽⵛ, ⵏⵏⴰ ⴷ ⵢⵓⵛⴽⴰⵏ ⴳ ⵓⵙⵔⴰⵡ ⴷⵖ, ⵢⴰⵜ ⵜⵏⵇⵇⵉⵟ ⵉⵙⵜⴰⵡⵀⵎⵎⴰⵏ, ⵙⵍⴰⵡ ⴰⴽⴽⵯ, ⵙ ⵓⵏⵏⴰ ⵉⵥⵍⵉⵏ ⵙ ⴰⵎⵓⵜⵜⵉ ⵙⴳ ⵓⵙⵓⵖⵏ ⵙⵔ ⴰⵙⵎⵀⵍ.

ⴷ ⵜⵙⴽⵜⵉⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴳ ⵉⵏⴰⵡ ⴷⵖ ⴰⴷⴷⵓⵔ ⵉⵍⵍⴰⵏ ⵖⵓⵕ ⵜⵉⴳⵎⵉ ⵜⴰⵙⵓⵍⴰⵏⵜ, ⵉⴳⴰⵏ ⴳ ⵜⵉⵣⵉ ⴷⵖ, ⴰⵙⵓⵖⵏ ⴰⵙⵉⵍⴰⵏ ⵃⵎⴰ ⴷ ⵉⵜⵜⵓⵙⴽⵔ ⵓⵙⵏⴼⵍ ⴳ ⵜⵉⵎⵙⴽⵔⵜ ⵏ ⵉⵏⵎⵓⵔⵉⵜⵏ ⵎⵏⵉⴷ ⵓⵎⵙⴰⵔⴰⵙ ⵏ ⵓⵙⵏⴼⵍ ⵏ ⵓⵏⵣⵡⵉ.

ⴰⵢⴰⴷ ⵏ ⵓⵙⵓⵖⵏ ⵏⵏⴰ ⴷ ⵢⵓⵛⴰⵏ ⴳ ⵜⴰⵎⵜⵜⴰ ⵜⵉⵙⵙ 6 ⴳ ⵓⵎⵙⴰⵙⴰ ⵏ ⵓⵙⴰⵜⵉ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵙⵏⴼⵍ ⵏ ⵓⵏⵣⵡⵉ ⴷ ⴳ ⵜⴰⵎⵜⵜⴰ ⵜⵉⵙⵙ 12 ⴳ ⵓⵎⵙⴰⵙⴰ ⴷⵖ.

ⴰⴷ ⵏⵙⴽⵜⵉ ⵎⴰⵙ ⵜⵙⵎⴷⵢⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵜⴰⵣⴷⵡⵉⵜ ⵏ ⴰⵙⵙ ⵏ ⵓⴽⵕⴰⵙ ⴳ ⴱⵓⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵓⵏⵎⵓⴳⴳⴰⵔ ⴰⵅⴰⵜⴰⵔ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵏ ⵜⵉⵎⵜⵜⴰ ⵉⵎⵓⵏ "ⴽⵓⴱ23".

Dernière modification : 16 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%89%E2%B4%B3%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99%E2%B4%B3-%E2%B5%8E%E2%B4%B0%E2%B4%B7-%E2%B5%A2%E2%B5%93%E2%B5%8E%E2%B5%A5#comment-0