Published on MAPNews (https://www.mapnews.ma/am)

Accueil > ⵜⴷⵔⵓ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵏⵙⵙⵉⵅⴼⵜ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⴽⵓⴱ 23 ⵉⵥⵍⵉⵏ ⵙ ⵡⴰⵙⵙ ⵏ ⵓⵙⴳⵎⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴷⵔⵓ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵏⵙⵙⵉⵅⴼⵜ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⴽⵓⴱ 23 ⵉⵥⵍⵉⵏ ⵙ ⵡⴰⵙⵙ ⵏ ⵓⵙⴳⵎⵉ

16 ⵏⵓⵡⴰⵏⴱⵉⵔ 2017 Version Imprimable
ⴱⵓⵏ (ⴰⵍⵎⴰⵏⵢⴰ) - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵡⵏⴰⴹ, ⵏⵜⵜⴰⵜ ⴷ ⴱⴰⵜⵔⵉⵙⵢⴰ ⵉⵙⴱⴱⵉⵏⵓⵣⴰ, ⵜⴰⵏⵎⵀⴰⵍⵜ ⵏ ⵓⵎⵙⴰⵙⴰ ⵏ ⵓⵙⴰⵜⵉ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵙⵏⴼⵍ ⵏ ⵓⵏⵣⵡⵉ, ⴰⵙⵙ ⵏ ⵓⴽⵡⴰⵙ ⴳ ⴱⵓⵏ, ⵜⴰⵡⴰⵍⴰ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⴽⵓⴱ 23 ⵉⵥⵍⵉⵏ ⵙ ⵡⴰⵙⵙ ⵏ ⵓⵙⴳⵎⵉ, ⴷⴷⵓ ⵜⵎⴰⵜⴰⵔⵜ ⵏ « ⵜⵉⵎⴷⵔⴰⵡⵉⵏ ⵜⵉⵎⴰⴹⵍⴰⵏⵉⵏ ⵅⴼ ⵓⵙⴱⵉⴷ ⵏ ⵓⵙⵏⴼⵍ ⵏ ⵓⵏⵣⵡⵉ ⵙ ⵓⵙⴳⵎⵉ ».

ⵙ ⵓⵣⵎⵣⵣⵓ ⴷⵖ, ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵏ ⵉⵏⴰⵡ ⵏ ⵓⵕⵥⵥⵓⵎ ⴰⵙⵙⴰⴷⵖ ⵉⵥⵍⵉⵏ ⵙ ⵓⵙⴳⵎⵉ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵏ ⵓⵎⵙⴰⵙⴰ ⵏ ⵓⵙⴰⵜⵉ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵙⵏⴼⵍ ⵏ ⵓⵏⵣⵡⵉ ⴳ ⴽⵓⴱ 23, ⴷ ⵙ ⵜⵉⵍⵉⵜ ⵏ ⵎⴰⵙⵙⴰ ⴱⴰⵜⵔⵉⵙⵢⴰ ⵉⵙⴱⴱⵉⵏⵓⵣⴰ, ⴷ ⵎⴰⵙⵙ ⵛⵉⵎⴰⵍ ⵎⴰⵊⵓⵎⴷⴰⵕ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵎⴰⴹⵍⴰⵏ ⵅⴼ ⵓⵙⴳⵎⵉ ⴷ ⵓⵙⵎⵓⵜⴳ ⴰⵜⵉⵇⵏⵉ ⴷ ⵓⵣⵣⵓⵍⴰⵏ (ⵢⵓⵏⵉⵙⴽⵓ- ⴰⵏⵉⴼⵓⴽ), ⴷ ⵎⵉⵔⵉⵙⴰⵢⵏⵉ ⴼⵓⵏⵉⴼⴰⴳⴰ, ⵜⴰⵎⴰⵡⴰⵙⵜ ⵏ ⵜⵎⵟⵟⵓⵜ ⴷ ⵉⵎⵥⵥⴰⵏ ⴷ ⵓⵙⴱⵉⴷ ⵏ ⵥⵥⵍⵟ ⴳ ⵓⵡⴰⵏⴽ ⵏ ⴼⵉⵊⵉ.

ⴷ ⵜⵙⴽⵜⵉⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴳ ⵉⵏⴰⵡ ⴷⵖ ⴰⴷⴷⵓⵔ ⵉⵍⵍⴰⵏ ⵖⵓⵕ ⵜⵉⴳⵎⵉ ⵜⴰⵙⵓⵍⴰⵏⵜ, ⵉⴳⴰⵏ ⴳ ⵜⵉⵣⵉ ⴷⵖ, ⴰⵙⵓⵖⵏ ⴰⵙⵉⵍⴰⵏ ⵃⵎⴰ ⴷ ⵉⵜⵜⵓⵙⴽⵔ ⵓⵙⵏⴼⵍ ⴳ ⵜⵉⵎⵙⴽⵔⵜ ⵏ ⵉⵏⵎⵓⵔⵉⵜⵏ ⵎⵏⵉⴷ ⵓⵎⵙⴰⵔⴰⵙ ⵏ ⵓⵙⵏⴼⵍ ⵏ ⵓⵏⵣⵡⵉ.

ⴰⵢⴰⴷ ⵏ ⵓⵙⵓⵖⵏ ⵏⵏⴰ ⴷ ⵢⵓⵛⴰⵏ ⴳ ⵜⴰⵎⵜⵜⴰ ⵜⵉⵙⵙ 6 ⴳ ⵓⵎⵙⴰⵙⴰ ⵏ ⵓⵙⴰⵜⵉ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵙⵏⴼⵍ ⵏ ⵓⵏⵣⵡⵉ ⴷ ⴳ ⵜⴰⵎⵜⵜⴰ ⵜⵉⵙⵙ 12 ⴳ ⵓⵎⵙⴰⵙⴰ ⴷⵖ.

ⴰⴷ ⵏⵙⴽⵜⵉ ⵎⴰⵙ ⵜⵙⵎⴷⵢⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴳ ⵜⴰⵣⴷⵡⵉⵜ ⵏ ⴰⵙⵙ ⵏ ⵓⴽⵕⴰⵙ ⴳ ⴱⵓⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵓⵏⵎⵓⴳⴳⴰⵔ ⴰⵅⴰⵜⴰⵔ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵏ ⵜⵉⵎⵜⵜⴰ ⵉⵎⵓⵏ "ⴽⵓⴱ23".

ⵜⵣⵡⴰⵔ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⴷ ⵢⴰⵜ ⵜⴰⵙⵎⵓⵏⵉ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵏ ⵜⵏⴱⴰⴹⵉⵏ, ⵎⴰⵢⴰⴷ ⵢⵙⵙⵉⵅⴼ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ, ⵎⴰⵙⵙ ⴰⵏⵟⵓⵏⵢⵓ ⴳⵓⵜⵉⵔⵉⵙ, ⵜⴷⵔⴰ ⴳⵉⵜ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⴱⵉⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴰⴼⴰⴷ ⵜⴰⵎⵥ ⵜⴰⵡⵍⴰⴼⵜ ⵜⴰⵎⴰⴷⴷⵓⴷⵜ ⵏ "ⴽⵓⴱ23".

ⵜⵙⵙⵏ ⵜⴼⵓⴳⵍⴰ ⵏ ⵓⵕⵥⵥⵎ ⵏ ⵓⵎⴰⴳⵔ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵓⵏⵎⵓⴳⴳⴰⵔ ⴰⵅⴰⵜⴰⵔ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵏ ⵜⵉⵎⵜⵜⴰ ⵉⵎⵓⵏ "ⴽⵓⴱ23" ⵉⵏⴰⵡⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ, ⴷ ⵏ ⴰⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵜⴰⴼⵉⴹⵉⵕⴰⵍⵉⵜ ⵏ ⴰⵍⵎⴰⵏⵢⴰ, ⴼⵕⴰⵏⴽ ⵡⴰⵍⵜⵕ ⵛⵜⴰⵢⵏⵎⴰⵢⵕ, ⴷ ⵏ ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴼⵉⴷⵊⵉ ⴷ ⵓⵏⵙⵙⵉⵅⴼ ⵏ "ⴽⵓⴱ23", ⴼⵕⴰⵏⴽ ⴱⵉⵢⵏⵉⵎⴰⵕⴰⵎⴰ, ⴷ ⵏ ⴰⵏⵙⵙⵉⵅⴼ ⵏ ⴰⵙⵎⵓⵏ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ, ⵎⵉⵕⵓⵚⵍⴰⴼ ⵍⴰⵊⴰⴽ.

ⵍⵍⵉⴳ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙⵔ ⵜⵙⴳⴰ ⵏ ⴱⵓⵏ, ⵉⵣⵣⵓⵍⵜ ⵎⵏⵏⴰⵡⵏ ⵏ ⵉⵡⵔⵉⴽⵏ.

Dernière modification : 16 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%9C%E2%B4%B7%E2%B5%94%E2%B5%93-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B5%93%E2%B5%8E%E2%B4%B0%E2%B4%B3%E2%B5%94-%E2%B5%8F-%E2%B5%93%E2%B5%99%E2%B5%A1%E2%B5%89%E2%B5%94#comment-0