Published on MAPNews (https://www.mapnews.ma/am)

Accueil > ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴳ ⵜⴼⵓⴳⵍⴰ ⵏ ⵓⴱⵓⵔⵣ ⵏ ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴳ ⵜⴼⵓⴳⵍⴰ ⵏ ⵓⴱⵓⵔⵣ ⵏ ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ

10 ⵏⵓⵡⴰⵏⴱⵉⵔ 2017 Version Imprimable
ⴱⴰⵔⵉⵣ - ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⵜⴰⵎⵙⵇⴰⴷⵜ ⵏ « ⵜⵉⵔⴰⵜ ⵉⵀⵢⵢⴰⵏ », ⵉⴹ ⵏ ⵓⵙⵉⵎⵡⴰⵙ ⴳ ⴱⴰⵔⵉⵣ, ⴳ ⵜⴼⵓⴳⵍⴰ ⵏ ⵓⴱⵓⵔⵣ ⴷ ⵓⵙⵎⵖⵕ ⵙ ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ, ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵏ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⴳⵎⵉ ⴷ ⵓⵎⴰⵙⵙⴰⵏ ⴷ ⵜⴷⵍⵙⴰ (ⵓⵏⵉⵙⴽⵓ) ⴳ ⵓⵙⴰⵜⵉ ⵏ ⵜⵉⵢⵉⵔⴰ ⵏ ⵜⵡⵓⵔⵉ ⵏⵏⵙ ⴳ ⵜⵎⵔⵙⴰⵍⵜ ⴷⵖ.

ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⴷⵖ, ⵙⴰⵡⵍⵏ ⵎⵏⵏⴰⵡ ⵏ ⵉⵡⵔⵉⴽⵏ, ⵏⵉⴳ ⵍⵍⴰⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ, ⵅⴼ ⵡⴰⴷⴷⵓⵔ ⵉⵍⵍⴰⵏ ⵖⵓⵕ ⵎⴰⵙⵙⴰ ⴱⵓⴽⵓⴼⴰ ⴳ ⵓⵙⴰⵜⵉ ⵏ ⵜⵉⴳⵎⵉ ⴷ ⵜⵏⴽⵔⴰ ⵙ ⵍⵓⵏⵉⵙⴽⵓ ⴳ ⵙⵏⴰⵜ ⵜⵡⴰⵍⴰ ⵏⵉⴳ ⵜⴳⴰ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵏ ⵜⵏⵎⴰⵍⴰⵢⵜ ⴷⵖ.

ⴳ ⵜⴼⵓⴳⵍⴰ ⴷⵖ, ⵏⵉⴳ ⵜⴷⵔⵓ ⵓⵍⴰ ⵎⴰⵙⵙⴰ ⵓⴹⵕⵉ ⴰⵥⵓⵍⴰⵢ, ⵏⵏⴰ ⵉⵜⵜⵓⵙⵜⴰⵢⵏ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵜⴰⵎⴰⵢⵏⵓⵜ ⵏ «ⵓⵏⵉⵙⴽⵓ» ⴳ ⵓⴹⵖⴰⵕ ⵏ ⵎⴰⵙⵙⴰ ⴱⵓⴽⵓⴼⴰ, ⵜⵜⵓⵙⴽⵔⵏ ⵎⵏⵏⴰⵡ ⵏ ⵉⴼⵙⴰⵔⵏ ⵏⵉⴳ ⵎⵎⴰⵍⵏ ⵜⵓⴳⴳⵯⴰⵣ ⴷ ⵉⵙⵏⵜⵉⵜⵏ ⵏⵏⴰ ⵜⵙⴽⵔ ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ ⴳ ⵢⵉⴳⵔ ⵏ ⵜⵏⴽⵔⴰ ⵙ ⵜⴷⵍⵙⴰ ⴷ ⵓⵥⵍⴰⴹ ⴷ ⵓⵙⴳⵎⵉ ⴷ ⵓⵙⵎⵓⵜⴳ.

ⴳ ⵜⵙⴳⵓⵔⵉ ⵏⵏⵙ ⵙ ⵓⵣⵎⵣⵣⵓ ⴷⵖ, ⵜⵙⴰⵡⵍ ⵎⴰⵙⵙⴰ ⴱⵓⴽⵓⴼⴰ ⵅⴼ ⵓⵔⵣⴰⴼ ⴰⵎⵣⵔⴰⵢ ⵏⵏⴰ ⵜⵙⴽⵔ ⴳ ⵡⴰⵢⵢⵓⵔ ⵏ ⵎⴰⵢⵢⵓ ⵏⵏⴰ ⵉⵣⵔⵉⵏ ⵉ ⵜⵎⴷⵉⵏⵜ ⵏ ⴼⴰⵙ, ⵏⵉⴳ ⵜⴷⵔⵓ ⴳ ⵜⴼⴰⴷⴰ ⵏ ⵓⵖⴰⵡⴰⵙ ⵏ ⴰⵙⵙⵓⵖⵓⵍ ⵏ ⵜⵉⵣⵉ ⵉ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⴼⴰⵙ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ.

ⴰⴷ ⵏⵙⴽⵜⵉ ⵎⴰⵙ ⵜⵙⴷⴷⵉⴷ ⵜⵉⵏⴰⵡⵜ ⵜⴰⵎⴰⵜⴰⵢⵜ ⵏ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⴳⵎⵉ ⴷ ⵓⵎⴰⵙⵙⴰⵏ ⴷ ⵜⴷⵍⵙⴰ (ⵓⵏⵉⵙⴽⵓ), ⴰⵙⵙ ⵏ ⵓⵙⵉⵎⵡⴰⵙ, ⴰⵙⵜⴰⵢ ⵏ ⵎⴰⵙⵙⴰ ⵓⴹⵕⵉ ⴰⵥⵓⵍⴰⵢ ⴳ ⵓⵏⵙⴰ ⵏ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ "ⵓⵏⵉⵙⴽⵓ".

ⵎⴰⵙⵙⴰ ⴰⵥⵓⵍⴰⵢ ⵜⵓⵎⵥ ⴰⵏⵙⴰ ⵢⴰⴷ ⴷⴼⴼⵉⵔ ⵍⵍⵉⵖ ⵜ ⵢⵓⵙⵜⴰ ⵡⵙⵇⵇⵉⵎ ⴰⵎⵙⴽⴰⵔ ⵏ "ⵓⵏⵉⵙⴽⵓ", ⴰⵙⵙ ⵏ 13 ⴽⵜⵓⴱⵕ ⵉⵣⵔⵉⵏ. ⵜⵙⵎⴰⵏ ⵢⴰⴷⵍⵍⵉ 30 ⴰⴳⵕⴹ ⴰⵎⵎⴰⵙ ⵏ 58 ⵍⵍⵉ ⵢⵍⵍⴰⵏ ⴳ ⵓⵙⵇⵇⵉⵎ ⴰⵎⵙⴽⴰⵔ, ⵉⴹⴼⴰⵔ ⵜ ⵓⵇⴰⵟⴰⵕⵉ ⵃⴰⵎⴰⴷ ⴱⵏ ⵄⴱⴷⵍⵄⴰⵣⵉⵣ ⴰⵍ ⴽⴰⵡⵡⴰⵔⵉ.

ⵜⵔⴰ ⵎⴰⵙⵙⴰ ⴰⵥⵓⵍⴰⵢ, ⵎⴰⵢⴰⴷ ⵉⴳⴰⵏ ⵢⴰⵜ ⵜⴰⵎⵖⴰⵔⵜ ⵉⵙⵙⵓⵖⵏ ⴷ ⵉⵟⵟⴰⴼⵏ ⵜⴰⵥⴹⴰⵕⵜ ⵉⵅⴰⵜⴰⵔⵏ, ⴰⴷ ⵜⵙⴷⵓⵙ "ⵓⵏⵉⵙⴽⵓ". ⵔⴰⴷ ⵜⴱⴷⵓ ⵜⵉⵡⵓⵔⵉⵡⵉⵏ ⵜⵉⵎⴰⴷⴷⵓⴷⵉⵏ ⵏⵏⵙ ⴰⵙⵙ ⵏ 15 ⵏⵓⵡⴰⵏⴱⵉⵔ.

Dernière modification : 10 ⵏⵓⵡⴰⵏⴱⵉⵔ 2017
Source URL: https://www.mapnews.ma/am/activites-princieres/%E2%B5%9C%E2%B4%B7%E2%B5%94%E2%B5%93-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B1%E2%B5%93%E2%B5%94%E2%B5%A3-%E2%B5%8F-%E2%B5%8E%E2%B4%B0%E2%B5%99%E2%B5%99%E2%B4%B0#comment-0