Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⵍⴰⵍⴰ ⵎⵔⵢⵎ ⵜⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵡⴰⵍⴰ ⵜⵉⵙⵙ 39 ⵏ ⵜⵉⵏⴰⵡⵜ ⵜⴰⵎⴰⵜⴰⵢⵜ ⵏ « ⵢⵓⵏⵉⵙⴽⵓ »
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⵍⴰⵍⴰ ⵎⵔⵢⵎ ⵜⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵡⴰⵍⴰ ⵜⵉⵙⵙ 39 ⵏ ⵜⵉⵏⴰⵡⵜ ⵜⴰⵎⴰⵜⴰⵢⵜ ⵏ « ⵢⵓⵏⵉⵙⴽⵓ »

31 ⴽⵟⵓⴱⵕ 2017 Version Imprimable
ⴱⴰⵔⵉⵣ - ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⵍⴰⵍⴰ ⵎⵔⵢⵎ ⵜⵙⵎⴷⵢ, ⴰⵙⵙ ⵏ ⵓⵙⵉⵏⴰⵙ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵡⴰⵍⴰ ⵜⵉⵙⵙ 39 ⵏ ⵜⵉⵏⴰⵡⵜ ⵜⴰⵎⴰⵜⴰⵢⵜ ⵏ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⴳⵎⵉ ⴷ ⵓⵎⴰⵙⵙⴰⵏ ⴷ ⵜⴷⵍⵙⴰ (ⵓⵏⵉⵙⴽⵓ), ⵏⵏⵉ ⵢⵍⵍⴰⵏ ⴳ ⵓⵙⵖⵉⵎ ⵏ ⵜⵏⵎⴰⵍⴰⵢⵜ ⴳ ⴱⴰⵔⵉⵣ.

ⴷ ⵓⴳⵔⴰⵡ ⴰⴷ ⵍⵍⵉ ⴳ ⴷⵔⴰⵏ ⵉⵏⵙⵙⵉⵅⴼⵏ ⵏ ⵜⵎⵉⵣⴰⵔ ⵏ ⵜⵏⴱⴰⴹⵉⵏ, ⵉⵜⵜⵓⵙⵓⴷⵙ ⵏ ⵓⵙⴳⵓⵎ : « ⵉⵡⵜⵜⴰⵙⵏ ⵏ ⵓⵙⵙⵎⵖⵓⵔ ⴰⵙⵓⵍⴰⵏ ⴷ ⴰⴷⴷⴰⴷ ⵏ "ⵓⵏⵉⵙⴽⵓ" ⴳ ⵓⵏⴳⵔⴰⵡ ⴰⴳⵜⵉⵔⴰⵏ ».

ⴳ ⵓⵣⵎⵣⵣⵓ ⵢⴰⴷ, ⵜⵣⵓⵍ ⵎⴰⵙⵙⴰ ⵥⵀⵓⵕ ⵄⴰⵍⴰⵡⵉ, ⵜⴰⵎⵙⵇⴰⴷⵜ ⴷ ⵜⴰⵎⴰⵔⵉⵜ ⵜⴰⵎⵖⵍⴰⵍⵜ ⵏ ⵍⵎⵖⵔⵉⴱ ⴷⴰⵔ « ⵓⵏⵉⵙⴽⵓ », ⵎⴰⴷ ⵢⵜⵜⵓⵙⵜⴰⵢⵏ ⴰⵙⵙ ⵏ ⵓⵢⵏⴰⵙ ⴰⴷ ⵜⴳ ⵜⴰⵏⵙⵙⵉⵅⴼⵜ ⵏ ⵓⵙⴳⵔⴰⵡ ⴰⵎⴰⵜⴰⵢ ⵡⵉⵙⵙ 39 ⵏ « ⵓⵏⵉⵙⴽⵓ », ⴰⵙⵓⵖⵏ ⵉⵜⵓⵙⴰⵏ ⴷ ⵉⴷⵡⵏ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵅⴼ ⵓⵃⵟⵟⵓ ⵏⵏⵙ ⵏ ⵉⵣⵔⴼⵏ ⵏ ⵉⴼⵔⵅⴰⵏ ⴷ ⵏ ⵜⵎⵖⴰⵔⵜ.

ⵜⵎⵍⴰ ⵜⵉⵍⵉⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⵓⴳⵔⴰⵡ ⴰⴷ ⴰⵏⴼⵔⵓ ⵍⵍⵉ ⵜⴼⴽⴰ ⵜⴰⴳⵍⴷⵓⵏⵜ ⵉ ⵡⵣⵎⵣ ⴰⴷ ⵏ ⵜⵏⵎⴰⵍⴰⵢⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⴳⵎⵉ ⴷ ⵓⵎⴰⵙⵙⴰⵏ ⴷ ⵜⴷⵍⵙⴰ, ⵎⴰⵢⴰⴷ ⵜⵏⵏⴰ ⵎⴰⵙⵙⴰ ⵄⴰⵍⴰⵡⵉ.

ⴰⵎⵎⴰⵙ ⵏ ⵓⴳⵔⴰⵡ ⴰⴷ, ⵙⴰⵡⵍⵏ ⵉⵎⴷⵔⴰⵡⵏ ⵅⴼ ⵜⴷⵔⴰⵡⵜ ⵏ « ⵓⵏⵉⵙⴽⵓ » ⴰⵎⵎⴰⵙ ⵏ ⵓⵙⵓⴼⵖ ⵏ ⵉⵡⵜⵜⴰⵙⵏ ⵏ ⵜⵉⴳⵎⵉ ⵜⴰⵙⵓⵍⴰⵏⵜ, ⴷ ⵜⴰⵏⴽⵔⴰ ⵙ ⵉⵜⵉⴳⵏ ⵉⵏⴼⴳⴰⵏ ⴷ ⵏ ⵓⴽⵛⴰⵎ ⴰⵏⴰⵎⵓⵏ.

ⵎⵏⵉⴷ ⵏ ⵖⵉⴽⴰⵏⵏ, ⵜⴷⵔⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵉⵎⴽⵍⵉ ⴰⵎⴰⴷⴷⵓⴷ ⵍⵍⵉ ⵜⴼⴽⴰ ⵜⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ « ⵓⵏⵉⵙⴽⵓ », ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ, ⴳ ⵓⵣⵎⵣⵣⵓ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵡⴰⵍⴰ ⵜⵉⵙⵙ 39 ⵏ « ⵓⵏⵉⵙⴽⵓ », ⵍⵍⵉ ⵢⵎⴰⵏⵏ ⵙⴳ 30 ⴽⵜⵓⴱⵕ ⴰⵔ14 ⵏⵓⵡⴰⵏⴱⵉⵔ.

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵙⴳⵎⴹ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵓⴷⵍⵉⵙ ⵏ ⵓⵔⵖ ⵏ « ⵓⵏⵉⵙⴽⵓ ».
ⵍⵍⵉⵖ ⵜⵍⴽⵎ ⵙ ⵓⵙⵖⵉⵎ ⵏ ⵜⵏⵎⴰⵍⴰⵢⵜ, ⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵎⴰⵙⵙⴰ ⵥⵀⵓⵕ ⵄⴰⵍⴰⵡⵉ, ⴷ ⵎⴰⵙⵙⴰ ⵉⵔⵉⵏⴰ ⴱⵓⴽⵓⴼⴰ ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵏ « ⵓⵏⵉⵙⴽⵓ » ⵓⵍⴰ ⵉⵎⵖⵕⴰⴱⵉⵏ, ⵣⵓⵏⴷ ⵎⵓⵃⵎⵎⴷ ⵍⵄⵕⵊ, ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⵓⵃⵎⵎⴷ ⴱⵏ ⵄⴱⴷⵍⵇⴰⴷⵔ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵙⵡⵓⴷⴷⵓ ⵏ ⵜⴰⵎⵙⵙⵓⴳⵓⵔⵜ ⴷ ⵜⵡⵓⵔⵉ ⵜⴰⴳⴷⵓⴷⴰⵏⵜ.

ⵜⴳⴰ ⵜⵉⵏⴰⵡⵜ ⵜⴰⵎⴰⵜⴰⵢⵜ ⴰⵏⴳⵎⴰⵎ ⴰⵎⵙⴽⴰⵔ ⵢⴰⵜⵜⵓⵢⵏ ⵏ ⵍⵍⵉ ⵢⵥⵍⴰⵏ ⴰⵙⵡⴰⵍⴰ ⴰⵎⴰⵜⴰⵢ ⵏ « ⵓⵏⵉⵙⴽⵓ ». ⵜⵖⵜⵙ ⴰⵖⴰⵡⴰⵙ ⴷ ⵜⴰⵎⵙⴰⵙⵜⵍⵜ ⵏ « ⵓⵏⵉⵙⴽⵓ » ⵉ ⵙⵉⵏ ⵉⵙⴳⴳⵯⴰⵙⵏ ⴰⴷ ⵢⵓⵛⴽⴰⵏ, ⵜⵙⵜⴰ ⵢⴳⵎⴰⵎⵏ ⵏ ⵓⵙⵇⵇⵉⵎ ⴰⵎⵙⴽⴰⵔ ⵓⵍⴰ ⵡⵏⵎⵀⴰⵍ ⴰⵎⴰⵜⴰⵢ ⴽⵔⴰ ⵢⴳⴰⵜ ⴽⴽⵓⵥ ⵏ ⵉⵙⴳⴳⵯⴰⵙⵏ.

Dernière modification : 31 ⴽⵟⵓⴱⵕ 2017
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B5%8D%E2%B4%B0%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%9C%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1#comment-0