Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵓⵕⵥⵥⵓⵎ ⵏ ⵜⵡⵓⵔⵉ ⵏ ⵓⴳⵔⴰⵡ ⴰⵏⵙⵍⴰⵎ ⵡⵉⵙⵙ 7 ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵕⵕⴱⴰⵟ ⵓⵕⵥⵥⵓⵎ ⵏ ⵜⵡⵓⵔⵉ ⵏ ⵓⴳⵔⴰⵡ ⴰⵏⵙⵍⴰⵎ ⵡⵉⵙⵙ 7 ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ

25 ⴽⵟⵓⴱⵕ 2017 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ, ⵜⵉⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⴳⵔⴰⵡ ⴰⵏⵙⵍⴰⵎ ⵡⵉⵙⵙ 7 ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ, ⵉⵜⵜⵓⵙⵓⴷⵙⵏ ⴷⴷⵓ ⵜⵎⴰⵜⴰⵔⵜ ⵏ ⵓⴱⵓⵔⵣ « ⵙⵔ ⵜⵡⵉⵣⵉ ⵜⴰⵏⵙⵍⴰⵎⵜ ⵉⵎⵕⵡⵉ ⵃⵎⴰ ⴰⴷ ⵜⵙⴽⵔ ⵜⵡⵜⵜⴰⵙⵜ ⵏ ⵓⵙⵙⵎⵖⵔ ⵜⵙⵓⵍⴰⵏⵜ ».

ⵜⴰⵔⴰⵏⴰ ⵜⵡⵓⵔⵉ ⵜⵉⵖⵉⵎⵉⵜ ⵏ ⵓⵔⵥⵓⵎ ⵏ ⵓⴳⵔⴰⵡ, ⴷ ⵜⴰⴱⵔⵉⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵏ ⴱⴰⴱ ⵡⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚⵏ ⵏ ⵓⵎⴷⵔⴰⵡⵏ ⴳ ⵓⴳⵔⴰⵡ, ⵏⵏⴰ ⵜⵖⵔⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ.

ⴳ ⵜⵉⵡⴹ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵏ ⵓⵙⵖⵉⵎ ⵏ ⵉⵙⵉⵙⴽⵓ, ⵜⵣⵣⵓⵍ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵎⴰⵜⵔ ⴰⵖⵔⵎⴰⵏ.

ⵙ ⵓⵣⵎⵎⵣⵓ ⴷⵖ, ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ, ⵜⴰⴱⵔⴰⵜ ⵜⴰⵎⴰⵜⵜⴰⵢⵜ ⵉ ⵢⵎⴷⵔⴰⵡ ⴳ ⵓⴳⵔⴰⵡ ⴰⵏⵙⵍⴰⵎ ⵡⵉⵙⵙ 7 ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴰⴱⵔⴰⵜ ⵏⵏⴰ ⵜⵖⵕⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⵎⴰⵙ “ⵉⵅⵚⵚⴰ ⴰⴷ ⵜⵜⵓⴳⵉⵏ ⵎⵏⵏⴰⵡ ⵏ ⵜⵓⴳⴳⵯⴰⵣ ⵃⵎⴰ ⴷ ⵜⵢⴰⴼⵉⵏⵜ ⵜⴰⵎⴰⵎⴽⵉⵏ ⵏ ⵓⴼⵔⴰⴳ ⵏ ⵓⵡⵏⴰⴹ”.

ⴳ ⵓⵙⴰⵜⵉ ⴷⵖ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⵏⵏⵙ ⵜⴰⵎⴰⵜⴰⵢⵜ ⵃⵎⴰ ⴰⴷ ⵜⵜⵓⵙⴽⵔⵏⵜ ⴽⵔⴰⵏ ⵜⵙⵜⵕⴰⵜⵉⵊⵉⵢⵉⵏ ⵉⵣⴷⴷⵉⴳⵏ ⵏⵏⴰ ⵉⵣⴹⴰⵕⵏ ⴰⴷ ⵙⵏⴼⵔⵓⵏ ⵜⴰⵏⴼⵔⵓⵜ ⴰⵎⵙⴰⴷⵓⵔ, ⴷ ⵓⴼⵔⴰⴳ ⵏ ⵓⵎⵢⴰⵏⴰⵡ ⴰⵡⵏⵏⴰⴹ ⴷ ⵓⵙⴷⵓⵙ ⵏ ⵜⵙⵔⵜⵉⵜⵉⵏ ⵉⵜⵜⵓⴹⴼⴰⵕⵏ ⴳ ⵢⵉⴳⵔ ⴷⵖ ⴷⴰⵔ ⵎⵏⵏⴰⵡ ⵏ ⵢⵉⴳⵕⴰⵏ ⵢⴰⴷⵏ.

ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵙⵙⵏ ⵍⵎⵖⵔⵉⴱ ⴳ ⵓⵙⴳⴳⵯⴰⵙⵏ ⴷⵖ ⵎⵏⵏⴰⵡ ⵏ ⵜⵓⴳⴳⵯⴰⵣ, ⵣⵓⵏⴷ ⵛⴰⵢⴳⴰⵏ ⵏ ⵜⵎⵉⵣⴰⵔ ⵜⵉⵎⵓⵏⵙⵍⵎⵉⵏ, ⵜⴰⵏⴽⵔⴰ ⴳ ⵜⴷⵎⵙⴰ ⵉⵖⵓⴷⴰⵏ, ⵙⵍⴰⵡⵏ ⴰⴽⴽⵯ, ⵙ ⵜⵎⵔⵏⵉⵡⵜ ⴳ ⵢⵉⴳⵔⴰⵏ ⵉⵏⴰⵎⵓⵏ ⴷ ⵉⴷⵎⵙⴰⵏ, ⵉⴳⴰⵏ ⴰⵎⵏⵜⵉⵍ ⵉⵅⵛⴰⵏ ⵅⴼ ⵓⵡⵏⴰⴹ.

 

Dernière modification : 25 ⴽⵟⵓⴱⵕ 2017
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%8F-0#comment-0