ⵜⴳⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵏⴱⴳⵉⵡⵜ ⵏ ⵓⴱⵔⵣ ⴳ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ 9 ⵅⴼ ⵓⵙⴳⵎⵉ ⵜⵡⵏⴹⴰⵏⵜ ⵏ ⴼⴰⵏⴽⵓⴼⵕ

10 ⵛⵓⵜⴰⵏⴱⵉⵔ 2017 Version Imprimable

ⵕⵕⴱⴰⵟ - ⵜⴳⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴰⴹ ⴰ, ⴰⵙⵙ ⵏ ⵓⵙⵉⴹⵢⴰⵙ ⴳ ⴼⴰⵏⴽⵓⴼⵕ ⵜⵏⴱⴳⵉⵡⵜ ⵏ ⵓⴱⵔⵣ ⴳ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ 9 ⵅⴼ ⵓⵙⴳⵎⵉ ⵜⵡⵏⴹⴰⵏⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⵔ ⴰⵙⵙ ⵏ 15 ⵛⵓⵜⴰⵏⴱⵉⵔ ⴷⴷⵓ ⵢⵉⵙⵎ ⵏ « ⵜⴷⵍⵙⴰ ⴷ ⵓⵡⵏⴰⴹ : ⴰⵥⵟⵟⴰ ⵏ ⵉⵣⴷⴰⵢⵏ ⵉⵎⴰⵢⵏⵓⵜⵏ ».

ⵜⵏⵏⴰ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴰⴹ ⴳ ⵢⴰⵏ ⵓⵙⵉⵡⴹ ⵏⵏⵙ ⵎⴰⵙ ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴰⴹ ⵢⴰⵏ ⵉⵏⴰⵡ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵡⵉⵔⵉⵡⵉⵏ ⵏ ⵓⵙⴳⵔⴰⵡ ⴷⵖ.

ⴷ ⵉⵔⵏⴰ ⵉⵏⵏⴰ ⵓⵙⵉⵡⴹ ⵏ ⵓⵙⴳⵔⴰⵡ ⴷⵖ ⴰⵎⴰⴹⵍⴰⵏ ⵅⴼ ⵓⵙⴳⵎⵉ ⵅⴼ ⵓⵡⵏⴰⴹ ⴷⴰ ⵉⵜⵜⵓⵙⵏⵎⴰⵍⴰ ⴽⵓ ⵙⵉⵏ ⵉⵙⴳⴳⵯⴰⵙⵏ ⵅⴼ ⵡⴰⴷⴷⴰⴷ ⵏ ⵓⵙⴳⵎⵉ ⵅⴼ ⵜⵉⴳⵎⵉ ⵜⴰⵙⵓⵍⴰⵏⵜ ⴳ ⵓⵎⴰⴹⵍⴰⵏ.

ⴷ ⵢⵓⵛⴽⴰⴷ ⴳ ⵓⵙⵉⵡⴹ ⴷⵖ ⵙⵓⵍ ⵎⴰⵙ ⵜⵙⴽⵜⵉⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵏⴰⴹ ⴳ ⵉⵏⴰⵡ ⵏⵏⴰ ⵜⴼⴽⴰ ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵡⵉⵔⵉⵡⵉⵏ ⵏ ⵓⵙⴳⵔⴰⵡ ⴷⵖ ⵙ ⵜⵓⴳⴳⵯⴰⵣ ⵏⵏⴰ ⵢⵜⴳⴳⵯⴰ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵓⵡⵏⴰⴹ, ⵏⵏⴰ ⵉⵙⵏⵎⴰⵍⴰⵏ ⴽⵓⴱ22 ⴳ ⵜⵎⴷⵉⵏⵜ ⵏ ⵎⵕⵕⴰⴽⵛ.

ⴷ ⵉⵔⵏⴰ ⵉⵏⵏⴰ ⵓⵙⵉⵡⴹ ⵎⴰⵙ ⵉⵙⵙⵓⴼⵖⴷ ⵍⵎⵖⵔⵉⴱ ⵢⴰⵏ ⵓⴷⵍⵉⵙ ⵏ ⵓⵡⵏⴰⴹ ⴳⴷ ⵜⴼⴼⴻⵖ ⵜⵙⵜⵔⴰⵜⵉⵉⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵜⴰⵙⵓⵍⴰⵏⵜ ⵙⵔ ⴰⵙⴳⴳⵯⴰⵙ ⵏ 2030.

Dernière modification : 10 ⵛⵓⵜⴰⵏⴱⵉⵔ 2017

Source URL: https://www.mapnews.ma/am/activites-princieres/%E2%B5%9C%E2%B4%B3%E2%B4%B0-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B5%8F%E2%B4%B1%E2%B4%B3%E2%B5%89%E2%B5%A1%E2%B5%9C-%E2%B5%8F-%E2%B5%93%E2%B4%B1%E2%B5%94%E2%B5%A3-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E#comment-0