ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵕⵕⴱⴰⵟ ⵍⴱⴷⵓ ⴰⵎⴰⴷⴷⵓⴷ ⵏ ⵓⴽⵛⵛⵓⵎ ⴰⵏⵎⵍⴰⵏ ⴷ ⵓⵎⵙⴷⴰⵡ ⴷ ⵓⵙⵎⵓⵜⵜⴳ ⴰⵣⵓⵍⴰⵏ ⵏ 2017-2018

07 ⵛⵓⵜⴰⵏⴱⵉⵔ 2017 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⴽⵡⴰⵙ ⴳ ⵜⵉⵏⵎⵍ ⵏ “ⵄⴱⴷ ⵍⵎⵓⵎⵏ” ⴳ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵃⵙⵙⴰⵏ, ⵍⴱⴷⵓ ⴰⵎⴰⴷⴷⵓⴷ ⵏ ⵓⴽⵛⵛⵓⵎ ⴰⵏⵎⵍⴰⵏ ⴷ ⵓⵎⵙⴷⴰⵡ ⴷ ⵓⵙⵎⵓⵜⵜⴳ ⴰⵣⵓⵍⴰⵏ ⵏ 2017-2018, ⴷ ⵍⴱⴷⵓ ⵏ ⵜⵙⵏⵜⴰⵢⵜ ⵏ “ⵎⵍⵢⵓⵏ ⵏ ⵜⴰⵛⵛⴽⴰⵔⵜ ⵏⵏⴰ ⴳ ⵉⴷⴷⴰ ⴰⴷ ⵉⵙⴱⵖⵔ ⴰⵙⴳⴳⵯⴰⵙ ⴷⵖ 4 ⵏⵉⴷ ⵎⵍⵢⵓⵏ ⴷ 262 ⵏ ⵢⵉⴼⴹ ⵏ ⵓⵎⵍⵎⴰⴷ.

ⴰⵔ ⵜⵎⵎⴰⵍ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵕⵕⴱⴰⵟ ⵍⴱⴷⵓ ⴰⵎⴰⴷⴷⵓⴷ ⵏ ⵓⵙⴳⴳⵯⴰⵙ ⵏ ⵜⵉⵖⵔⵉ ⴷⵖ ⴰⵎⴰⵢⵏⵓ, ⴰⴷⴷⵓⵔ ⵢⵉⴽⴽⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ ⵉ ⵢⵉⴳⵔ ⵏ ⵓⵙⵎⵓⵜⴳ, ⴷ ⵓⵙⵓⵖⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴷⵓⵙⵏ ⴰⴼⴰ ⴷ ⵢⴰⵡⵙ ⵉ ⵢⵉⴳⵔ ⴰⵏⵎⵍⴰⵏ ⴷ ⵓⵎⵙⴷⴰⵡ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ.

ⵙ ⵓⵣⵎⵣⵣⵓ ⴷⵖ, ⵉⵣⵔⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴽⵔⴰⵏ ⵉⵙⵙⴼⵔⵓⵜⵏ ⴷ ⵡⵓⵟⵟⵓⵏ ⵉⵥⵍⵉⵏ ⵙ ⵜⵎⴳⴳⵉⵜⵉⵏ ⵏⵏⴰ ⵜⵙⴽⴰⵔ ⵜⵎⴰⵡⵙⴰⵙⵜ ⵏ ⵓⵙⵎⵓⵜⴳ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵎⵓⵜⴳ ⴰⵏⴰⴼⵍⵍⴰ ⴷ ⵉⵏⵉⴳ ⴰⵎⴰⵙⵙⴰⵏ ⵃⵎⴰ ⴷ ⵉⵎⵓⵔⵙ ⵓⴽⵛⵛⵓⵎ ⵏ ⵜⵉⵖⵔⵉ ⵏ ⵓⵙⴳⴳⵯⴰⵙ ⴷⵖ.

ⵙ ⵓⵙⴰⵜⵉ ⴷⵖ, ⵉⵜⵜⵓⵣⵎⵎⴻⵎ ⵄⵍⴰⵢⵏ ⵏ 7 ⵏⵉⴷ ⵍⵎⵢⵓⵏ ⴷ 870 ⵏ ⵢⵉⴼⴹ ⵏ ⵓⵎⵍⵎⴰⴷ ⴷ ⵜⵎⵍⵎⴰⴷ, ⴳ ⵜⵍⵍⴰ 4 ⵏⵉⴷ ⵎⵍⵢⵓⵏ ⴷ 482 ⴳ ⵓⵙⵡⵉⵔ ⴰⵎⵏⵣⵓ, ⴷ ⵎⵍⵢⵓⵏ ⴷ 722 ⵏ ⵢⵉⴼⴹ ⴷ 949 ⴳ ⵓⵙⵡⵉⵔ ⵏ ⵓⵙⵉⵏⴰⵏ ⵏ ⵓⵙⵎⵓⵜⵜⴳ, ⴷ ⵎⵍⵢⵓⵏ ⴷ 26 ⵏ ⵢⵉⴼⴷ ⴷ 296 ⴳ ⵓⵙⵡⵉⵔ ⵏ ⵓⵙⵉⵏⴰⵏ ⵏ ⵓⵙⵎⴷⵉ ⴷ 805 ⵏ ⵢⵉⴼⴹ ⴷ 201 ⴳ ⵓⵙⵡⵉⵔ ⴰⵎⵣⵡⴰⵔⵓ.

Dernière modification : 07 ⵛⵓⵜⴰⵏⴱⵉⵔ 2017

Source URL: https://www.mapnews.ma/am/activites-princieres/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B4%BD%E2%B5%93%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%8D%E2%B4%B1%E2%B4%B7%E2%B5%93-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7#comment-0