ⵉⵙⵙⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ "ⵜⴱⵓⵕⵉⴹⴰ" ⵜⵉⵙⵙ 18

21 ⵎⴰⵢⵢⵓ 2017 Version Imprimable

ⵕⵕⴱⴰⵟ - ⵉⵙⵙⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏⵓⵙⴰⵎⴰⵙ ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⴰⵏⴰⴽⴰ ⵜⴰⵇⴱⵓⵔⵜ "ⵜⴱⵓⵕⵉⴹⴰ" ⵏ ⵜⴱⵔⵣⴰ ⵜⵉⵙⵙ 18 .

ⵜⵜⵓⵙⵏⵎⴰⵍⴰ ⵜⴰⵙⵙⵓⵜⵍⵜ ⴰⴷ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ15 ⴰⵔ21 ⵎⴰⵢⵢⵓ ⴳ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ ⴳ ⵕⵕⴱⴰⵟ.

ⵍⵍⵉⵖ ⵉⵍⴽⵎ ⵙ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵓⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵏⴰⴽⴰ, ⵎⵓⵍⴰⵢ ⵄⴱⴷ ⵍⵍⴰⵀ ⵄⴰⵍⴰⵡⵉⵎ ⴷ ⵎⵏⵏⴰⵡ ⵉⵏⵎⵖⵓⵕⵏ.

ⴷⴼⴼⵉⵔ ⵏ ⵖⵉⴽⴽⴰⵏ, ⵉⴽⵛⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙ ⵜⵅⴰⵎⵜ ⵜⴰⴳⵍⴷⵓⵏⵜ ⵖ ⵉⵍⵍⵉ ⵖ ⵉⴹⵓⴼ ⵢⴰⵏ ⵓⴼⵕⵕⵊ ⵏ ⵓⴳⵔⴰⵡ ⴰⵏⴱⵔⴰⵣ ⴷⴰⵔ ⵉⵎⵥⵢⴰⵏⵏ ⵓⵍⴰ ⴽⵕⴰⴹ ⵏ ⵉⴳⵔⴰⵡⵏ ⵉⵏⴱⵔⴰⵣⵏ ⴰⵎⵎⴰⵙ ⵏ ⵉⵎⵇⵔⴰⵏ.

ⵙ ⵓⵣⵎⵣⵣⵓ ⴰⴷ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⵉⵎⵉⴷⴰⵢⵉⵏ ⵉ ⵜⵔⴰⴱⴱⵓⵜⵉⵏ ⵍⵍⵉ ⴷ ⵢⵓⵛⴽⴰⵏ ⵜⵉⵎⵣⵡⴰⵔⴰ.

ⴳ ⵜⵎⴳⴳⴰⵔⵓⵜ ⵏ ⵓⵎⵃⵉⵣⵡⵔ ⴰⴷ ⵉⵖⵓⴷⴰⵏ, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵢⴰⵜ ⵜⴰⵡⵍⴰⴼⵜ ⵜⴰⴽⵜⵜⴰⵢⵜ ⴷ ⵉⵏⴱⵕⴰⵣⵏ ⴷ ⵉⵎⵇⴷⴷⵎⵏ ⴷ ⴽⵓⵍⵍⵓ ⵜⵉⵔⴰⴱⴱⵓⵜⵉⵏ ⵍⵍⵉ ⵢⴷⵔⵓⵏ ⴳ ⵜⴱⵔⵣⴰ ⵢⴰⴷ.

Dernière modification : 21 ⵎⴰⵢⵢⵓ 2017

Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F#comment-0