Published on MAPNews (https://www.mapnews.ma/am)

Accueil > ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵕⵥⵎⵏ ⴳ ⴱⴰⵔⵉⵣ ⴰⴳⵎⵎⴰⴹ ⵏ ⵍⵎⵖⵔⵉⴱ ⴳ ⴰⵙⴼⵙⵔ ⵏ ⵓⴷⵍⵉⵙ ⵏ ⴱⴰⵔⵉⵣ ⴳ ⵉⴳⴰ ⵍⵎⵖⵔⵉⴱ ⴰⵏⴱⴳⵉ ⵏ ⵓⴱⵓⵔⵣ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵕⵥⵎⵏ ⴳ ⴱⴰⵔⵉⵣ ⴰⴳⵎⵎⴰⴹ ⵏ ⵍⵎⵖⵔⵉⴱ ⴳ ⴰⵙⴼⵙⵔ ⵏ ⵓⴷⵍⵉⵙ ⵏ ⴱⴰⵔⵉⵣ ⴳ ⵉⴳⴰ ⵍⵎⵖⵔⵉⴱ ⴰⵏⴱⴳⵉ ⵏ ⵓⴱⵓⵔⵣ

23 ⵎⴰⵕⵚ 2017 Version Imprimable
ⴱⴰⵔⵉⵣ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ, ⵎⴰⵙⵙ ⴼⵕⵓⵏⵚⵡⴰ ⵀⵓⵍⵓⵏⴷ, ⴰⵙⵙ ⵏ ⵓⴽⵡⴰⵙ ⴳ ⴱⴰⵔⵉⵣ ⴰⵔⵥⵥⵓⵎ ⵏ ⵓⴳⵎⵎⴰⴹ ⵏ ⵍⵎⵖⵔⵉⴱ ⴳ ⴰⵙⴼⵙⵔ ⵏ ⵓⴷⵍⵉⵙ “ⴰⴷⵍⵉⵙ ⴱⴰⵔⵉⵣ”, ⴳ ⵉⴳⴰ ⵍⵎⵖⵔⵉⴱ ⴰⵏⴱⴳⵉ ⵏ ⵓⴱⵓⵔⵣ ⴰⵙⴳⴳⵯⴰⵙ ⴷⵖ.

ⴰⵙⴼⵙⵔ ⴷⵖ ⵉⵜⵜⵓⵙⵏⵎⴰⵍⴰⵏ ⵙⴳ ⵡⴰⵙⵙ ⵏ 24 ⴰⵔ 27 ⵎⴰⵕⵚ, ⵉⵔⴰ ⴷ ⵉⴼⵙⵔ ⵜⵉⵔⵔⴰ ⴷ ⵜⴷⵍⵙⴰ ⵏ ⵓⵡⴰⵏⴽ ⵏ ⵉⴼⵔⵉⵇⵢⴰ ⴷ ⵓⵎⴰⴹⵍⴰⵏ ⴰⵄⵕⴰⴱ, ⴰⵢⵍⵍⵉ ⵉⵎⵎⴰⵍⵏ ⵜⴰⴷⵉⵏⴰⵎⵉⴽⵜ ⴷ ⵓⴳⵍⴰ ⵏ ⵜⵓⵇⵇⵏⴰ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ.

ⴳ ⵓⵙⴰⵜⵉ ⴰⴷ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ, ⵎⴰⵙⵙ ⴼⵕⵓⵏⵚⵡⴰ ⵀⵓⵍⵓⵏⴷ, ⴰⵙⵙ ⵏ ⵓⴽⵕⴰⵙ ⴳ ⴱⴰⵔⵉⵣ ⴰⵙⴼⵙⵔ “ⴰⵖⵓⴷⵓ ⵏ ⵜⵉⵔⵔⴰ ⴳ ⵍⵎⵖⵔⵉⴱ, ⵜⵉⵔⵔⴰ ⵏ ⵓⴼⵓⵙ ⵉⴷⵔⵓⵙⵏ ⴷ ⵉⴼⵓⵍⴽⵉⵏ”, ⵍⵍⵉ ⵉⵔⴰ ⴷ ⵢⵉⵍⵉ ⴳⵔ ⵡⴰⵙⵙ ⵏ 22 ⵎⴰⵕⵚ ⴰⵔ 6 ⵉⴱⵕⵉⵔ ⵙ ⵜⵡⵉⵣⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵙ ⵜⵎⵔⴰⵔⵓⵜ ⵉ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵉⵎⵍ ⵜⵉⵖⴰⵡⵙⵉⵡⵉⵏ ⵉⵖⵓⴷⴰⵏ ⵏ ⵜⴰⵥⵓⵕⵉ ⵏ ⵓⴷⵍⵉⵙ ⴳ ⵍⵎⵖⵔⵉⴱ ⴳ ⵓⵙⵉⵏⴰⴳ ⵏ ⵓⵎⴰⴹⴰⵍ ⴰⵄⵕⴰⴱ (ⵉⵎⴰ), ⵜⴰⵎⵀⵍⴰ ⵏ ⵜⵎⵃⴹⵉⵜ ⵜⵉⴳⵍⴷⴰⵏⵉⵏ ⵜⵙⵏⵎⴰⵍⴰ ⴰⵙⴼⵙⵔ ⴰⴷ ⵏ ⵜⵉⵔⵔⴰ ⵉⴷⵔⵓⵙⵏ.

ⵢⵓⵛⴽⴰⴷ ⵎⴰⵢⴰⴷ ⵙ ⵓⵣⵎⵣⵣⵓ ⵏ ⵜⵎⴷⵔⴰⵡⵜ ⵏ ⵍⵎⵖⵔⵉⴱ ⵉⴳⴰⵏ ⴰⵏⴱⴳⵉ ⵏ ⴰⴱⵓⵔⵣ ⴳ ⵓⵙⴼⵙⵔ ⵏ ⵓⴷⵍⵉⵙ ⴳ ⴱⴰⵔⵉⵣ 2017 ⴷⴷⵓ ⵜⵎⴰⵜⴰⵔⵜ ⵏ “ⵍⵎⵖⵔⵉⴱ ⴳ ⵓⴷⵍⵉⵙ ⵉⵕⵥⵎⵏ”, ⴳ ⵍⵍⴰⵏⵜ ⵜⵓⵔⵉⵇⵉⵏ ⵉⵜⵢⴰⵔⴰⵏ ⵙ ⵓⴼⵓⵙ ⵙⴳ ⵜⴰⵙⵓⵜ ⵜⵉⵙⵙ 14.

Dernière modification : 23 ⵎⴰⵕⵚ 2017
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B5%95%E2%B5%A5%E2%B5%8E%E2%B5%8F-%E2%B4%B3-%E2%B4%B1%E2%B4%B0%E2%B5%94%E2%B5%89%E2%B5%A3#comment-0