ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ

08 ⵎⴰⵕⵚ 2017 Version Imprimable

ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴰⵙⵙ ⵏ ⵓⴽⵕⵏⴰⵙ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ.

ⵉⵜⵜⵓⵙⵜⴰⵢ ⵓⵙⴳⵓⵎ ⵏ « ⵜⴰⵎⵖⴰⵔⵜ ⴰ+ⴰⵎⵖⵔⵉⴱⵉⵜ ⴳⵔ ⵜⵉⵏⵥⵕⵉⵏ ⴷ ⵜⴰⵙⵉⵎⴰⵏⵜ ⵜⴰⴷⵎⵙⴰⵏⵜ ⴷ ⵉⵏⵎⵔⵉⵜⵏ ⵏ ⵓⵃⵟⵟⵓ ⴰⵏⴰⵎⵓⵏ » ⴰⵙ ⵉⴳ ⵡⵉⵏ ⵜⴼⵓⴳⵍⴰ ⵏ 8 ⵎⴰⵕⵚ ⵏ ⵓⵙⴳⴳⵯⴰⵙ ⴰⴷ. ⵙ ⵓⵣⵎⵣⵣⵓ ⵢⴰⴷ ⵉⵣⵔⵉ ⵢⴰⵏ ⵍⴼⵉⵍⵎ ⵓⵏⵜⵉⵎ ⵅⴼ ⵉⵎⵓⵙⵙⵓⵜⵏ ⴷ ⵜⵡⵄⵔⵉⵡⵉⵏ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ. ⵉⵜⵜⵓⵙⵎⵏⵉⴷ ⵓⵍⴰ ⵢⴰⵜ ⵜⵉⵏⴰⵡⵜ ⵅⴼ ⵜⵉⵡⵓⵔⵉⵡⵉⵏ ⵉⵛⵛⴰⵔⵏ ⴳⵔ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ. ⵜⵏⵏⴰ ⵎⴰⵙⵙⴰ ⴼⴰⵔⵉⴷⴰ ⵅⵎⵍⵉⵛⵉ ⵜⴰⵎⵛⵉⵡⵕⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵏ ⵍⵎⵖⵔⵉⴱ ⴳ ⵢⴰⵜ ⵜⵉⵏⴰⵡⵜ ⵏⵏⵙ ⵙ ⵓⵣⵎⵣⵣⵓ ⴰⴷ ⴷ ⵜⴰⴳⵎⴰⵎⵜ ⵏ ⵓⵙⵇⵇⵉⵎ ⴰⴷⵎⵙⴰⵏ ⴰⵏⴰⵎⵓⵏ ⴰⵡⵏⴰⴹ ⵎⴰⵙⵙⴰ ⵣⵀⵔⴰ ⵣⴰⵡⵉ ⴷ ⵜⵎⵖⴰⵔⵜ ⵏ ⵓⵎⵙⵇⴰⴷ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ ⵎⴰⵙⵙⴰ ⵄⴰⵉⵛⴰ ⵏⵉⵎⴰⴳⴰ ⵙⵎⴰⵄⵉⵍ. ⵙ ⵓⵣⵎⵣⵣⵓ ⴰⴷ ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵜⴰⵙⵎⵖⵔⵜ ⵓ ⵎⴰⵙⵙⴰ ⴱⴰⵎⴱⴰⵍⴰ ⴼⵔⴰⵏⵙⴰⵡⴰ ⵍⵍⵉ ⵉⴳⴰⵏ ⵜⴰⵎⵙⴽⴰⵔⵜ ⵜⴰⵏⴰⵎⵓⵏⵜ ⴳ ⵍⴽⴰⵎⵉⵔⵓⵏ.

Dernière modification : 08 ⵎⴰⵕⵚ 2017

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%A1%E2%B4%B0%E2%B5%99%E2%B5%99#comment-0