Published on MAPNews (https://www.mapnews.ma/am)

Accueil > ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵙⵙⵉⵅⴼ ⴰⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 23 ⵏ ⵓⵙⴼⵙⴰⵔ ⴰⵎⴰⴹⵍⴰⵏ ⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⴹⴹⴰⵕⵍⴱⵉⴹⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵙⵙⵉⵅⴼ ⴰⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 23 ⵏ ⵓⵙⴼⵙⴰⵔ ⴰⵎⴰⴹⵍⴰⵏ ⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⴹⴹⴰⵕⵍⴱⵉⴹⴰ

09 ⴱⵕⴰⵢⵕ 2017 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵡⴰⵙ ⴰⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ 23 ⵏ ⵓⵙⴼⵙⴰⵔ ⴰⵎⴰⴹⵍⴰⵏ ⵏ ⵜⵣⵔⵉⴳⵜ ⴷ ⵓⴷⵍⵉⵙ ⴳ ⴹⴹⴰⵕⵍⴱⵉⴹⴰ, ⵉⵜⵜⵓⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣ ⵏ 9 ⴰⵔ 19 ⴱⵕⴰⵢⵕ ⵏ ⵡⴰⵢⵢⵓⵔ ⴰⴷ.

ⴷ ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵓⵣⵎⵣⵣⵓ ⴰⴷ ⴰⵔⵣⴰⴼ ⵉ ⵡⴳⵎⵎⴰⴹⵏ ⵏ ⵓⵙⴼⵙⴰⵔ ⵙⵍⴰⵡⴰⵏ ⴰⴽⴽⵯ ⴰⴳⵎⵎⴰⴹ ⵏ ⵜⵔⴰⴱⴱⵓⵜ ⵜⴰⴷⵎⵙⴰⵏⵜ ⵏ ⵜⵎⵉⵣⴰⵔ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵉⴳⴰⵏ ⴰⵏⴱⴳⵉ ⵏ ⵓⴱⵓⵔⵣ ⴳ ⵜⵙⵓⵜⵍⵜ ⴰⴷ.

ⴳ ⵓⵙⴰⵜⵉ ⴰⴷ, ⵉⵙⴽⵔ ⵙⵓⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⴰⵔⵣⴰⴼ ⵏ ⵓⴳⵎⵎⴰⴹ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⴳⵎⵎⵉ ⵏ ⵜⵣⵔⵉⴳⵜ ⴷ ⵜⵔⴰⴱⴱⵓⵜ ⵏ ⵜⵙⴷⵍⵉⵙⵜ ⵏ ⵜⵉⵏⵎⴰⵍ ⴷ ⵓⴳⵎⵎⴰⴹ ⵏ ⵉⵣⵔⵉⴳⵏ ⵏ ⴷⵣⴰⵢⵔ ⴷ ⵓⵙⵉⵏⴰⴳ ⵏ ⴼⵕⴰⵏⵙⴰ ⴷ ⵓⴳⵎⵎⴰⴹ ⵏ ⴰⵎⵔⵉⴽⴰ ⵍⴰⵜⵉⵏⵢⴰ ⴷ ⵓⵙⵉⵏⴰⴳ ⵏ ⵙⵉⵔⴼⴰⵏⵜⵉⵙ ⴷ ⵓⴳⵎⵎⴰⴹ ⵏ ⵙⵙⴰⵄⵓⴷⵢⴰ ⵜⴰⵄⵔⴰⴱⵜ ⴷ ⵉⵜⵙⵏ ⵢⴰⴹⵏⵉⵏ.

ⴳ ⵓⵣⵎⵣⵣⵓ ⴳ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵣⵣⵓⵍ ⵉⴷⵙ ⵎⴰⵙⵙ ⵎⵓⵃⵎⴷ ⴰⵎⵉⵏ ⵚⴱⵉⵃⵉ ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵎⴰⵙⵙ ⵎⵓⵍⴰⵢ ⵃⴼⵉⴹ ⵍⵄⴰⵍⴰⵎⵉ, ⴰⵎⴰⵡⵙⴰⵙ ⵉⵎⴳⵍⵏ ⵙ ⵜⴳⵎⵔⵜ ⴷ ⵜⵙⴱⴱⴰⴱⵜ ⴷ ⵓⵙⵙⴰⵔⵓ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵎⴳⵍⵏ ⵙ ⵜⵙⴱⴱⴰⴱⵜ ⵏ ⴱⵕⵕⴰ, ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴷⵎⵙⴰⵏⵜ ⵏ ⵜⵎⵉⵣⴰⵔ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵉⴳⴰⵏ ⴰⵏⴱⴳⵉ ⵏ ⵓⴱⵓⵔⵣ ⴳ ⵜⵙⵓⵜⵍⵜ ⴰⴷ ⴳ ⵜⵍⵍⴰ 10 ⵏ ⵜⵎⵉⵣⴰⵔ : ⵍⴳⴰⴱⵓⵏ, ⴰⵏⴳⵓⵍⴰ, ⵍⴽⴰⵎⵉⵔⵓⵏ, ⵜⴰⴳⴷⵓⴷⴰⵏⵜ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ, ⵍⴽⵓⵏⴳⵓ, ⴷ ⵍⴽⵓⵏⴳⵓ ⵜⴰⴷⵉⵎⵇⵕⴰⵟⵉⵢⵜ, ⴷ ⵖⵉⵏⵢⴰ ⵍⵉⵙⵜⵉⵡⴰⵢⴰ, ⴷ ⵕⵓⵡⴰⵏⴷⴰ, ⴷ ⵙⴰⵡⵜⵓⵎⵉ, ⴷ ⴱⵔⵉⵏⵙⵉⴱ, ⴷ ⵜⵛⴰⴷ.

ⴷ ⵉⵣⵣⵓⵍ ⵙⵓⵍ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵎⴰⵙⵙ ⵎⵓⵃⵎⵎⴷ ⵍⴰⵟⵉⴼⵉ ⵎⵔⵉⵏⵉ, ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ, ⴷ ⵎⴰⵙⵙ ⵅⴰⵍⵉⴷ ⵙⴰⴼⵉⵔ, ⴰⵏⴱⴱⴰⴹ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ- ⵙⵟⵟⴰⵜ ⴷ ⵓⵏⴱⴱⴰⴹ ⵏ ⵜⵏⴱⴰⴹⵜ ⵏ ⴹⴹⴰⵕⵍⴱⵉⴹⴰ, ⴷ ⵎⴰⵙⵙ ⵎⵚⵟⴰⴼⴰ ⵍⴱⴰⴽⵓⵔⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵚⵟⵟⴰⵜ, ⴷ ⵃⴰⵙⴰⵏ ⵍⵡⴰⵣⴰⵏⵉ ⴰⵏⵎⵀⴰⵍ ⵏ ⵓⴷⵍⵉⵙ ⴷ ⵜⴼⵏⵉⵇⵉⵏ, ⴷ ⵄⴰⵣⵉⵣ ⴰⵍⵄⴰⵍⴰⵎⵉ ⴽⵓⵕⴼⵟⵉ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵉⴳⴰⴷⴰⵣⵏ ⴷ ⵉⵙⴼⵙⴰⵔⵏ ⵏ ⴹⴹⴰⵕⵍⴱⵉⴹⴰ.

Dernière modification : 09 ⴱⵕⴰⵢⵕ 2017
Source URL: https://www.mapnews.ma/am/activites-princieres/%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-23-%E2%B5%8F#comment-0