Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⴰⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⴰⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ

10 ⴷⵓⵊⴰⵏⴱⵉⵔ 2016 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⴰⵙⵙ ⵏ ⵓⵙⵉⴹⵢⴰⵙ ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ ⴳ ⵕⵕⴱⴰⵟ, ⵎⴰⵢⴰⴷ ⵉⵙⵎⵏⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴼⴼⵉⵔ ⵍⵍⵉⵖ ⵜⴱⴱⵉ ⴰⵙⴼⵉⴼ ⵉⵏⵉⴳⵍ ⵍⵍⵉ ⵢⵙⵎⵔⵏ ⴰⵕⵥⵥⵓⵎ ⵏ ⵓⴳⴰⴷⴰⵣ, ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵉⵙⴰⵢⵔⴰⵔⵏ ⵏ ⵓⵙⴼⵙⵔ ⵏ ⵓⴳⴰⴷⴰⵣ ⵏ ⵜⴰⵡⵍⵍⵓⵖⵜ ⴳ ⵎⴰⵏ ⴼⵙⵔⵏ ⵎⵏⵏⴰⵡ ⵏ ⵉⵢⴰⴼⵓⵏ ⵍⵍⵉ ⵢⵓⵛⴽⴰⵏ ⵙⴳ ⵜⵎⵉⵣⴰⵔ ⵉⵎⴷⵔⴰⵡⵏ.

ⵜⵜⵓⴼⴽⴰⵏ ⵉⵙⵙⴼⵔⵓⵏ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵅⴼ ⵜⵓⵎⴰⵢⵜ ⴷ ⵜⴰⵔⴰⵏⴰⵡⵜ ⵏ ⵉⵢⴰⴼⵓⵏ ⵉⵍⵍⴰⵏ ⴳ ⵓⴳⴰⴷⴰⵣ ⴰⴷ, ⵙⵍⴰⵡⴰⵏ ⴰⴽⴽⵯ ⵉⵢⴰⴼⵓⵏ ⵏ ⵜⵉⵏⵉⴹⵉ ⴷ ⵉⵢⴰⴼⵓⵏ ⵉⵎⵙⴰⴷⵓⵔⵏ ⵏ ⴽⵔⴰ ⵢⴳⴰⵜ ⵜⵎⴰⵣⵉⵔⵜ ⵉⴷⵔⵓⵏ ⴳ ⵓⴳⴰⴷⴰⵣ ⴰⴷ.

ⴰⵎⵎⴰⵙ ⵏ ⵢⴰⵏ ⵉⵏⴰⵡ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⴳⵔⴰⵡ ⴰⴷⵉⴱⵍⵓⵎⴰⵙⵉ, ⵎⴰⵙⵙⴰ ⵎⵓⵏⴰ ⵔⵉⴼⴰⵄⵉ, ⵜⴰⵎⵖⴰⵔⵜ ⵏ ⵓⵎⵙⵇⴰⴷ ⵏ ⵏ ⵍⵓⵕⴹⵓⵏ ⴳ ⵍⵎⵖⵔⵉⴱ, ⵉⵙ ⵉⴳⴰ ⵡⴳⴰⴷⴰⵣ ⵏ ⵜⵡⵍⵍⵓⵖⵜ ⵢⴰⵏ ⴰⵎⵓⵙⵙⵓ ⵉⵅⴰⵜⴰⵔⵏ ⵏ ⵜⵥⴰⵢⵕⵜ ⵜⴰⴷⵉⴱⵍⵓⵎⴰⵙⵉⵜ ⵍⵍⵉ ⵢⵓⵊⵊⴰⵏ ⵉⵎⴷⵔⴰⵡⵏ ⴰⴷ ⵎⵍⵉⵏ ⵜⵉⵎⴰⵜⵜⴰⵜⵉⵏ ⵏ ⵜⵎⵉⵣⴰⵔ ⵏⵏⵙⵏ ⴷ ⵢⴰⵏ ⵓⵣⵎⵣⵣⵓ ⴰⴼⴰⴷ ⴰⴷ ⵙⵎⵓⵏⵏ ⵜⵉⴽⴽⵉⵏ ⵍⵍⵉ ⵔⴰⴷ ⴷⴷⵓⵏ ⴷⴰⵔ ⵉⵙⵓⴷⵙⵏ ⵓⵔ ⵓⵏⴱⵉⴹⵏ ⵉⵎⵖⵔⴰⴱⵉⵢⵏ ⵍⵍⵉ ⵡⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⴷ ⵏ ⵓⵙⴳⵎⵉ ⴷ ⵜⴰⵏⴽⵔⴰ ⵙ ⵏ ⵓⵙⵔⵙ ⵏ ⵜⵎⵖⴰⵕⵉⵏ ⴳ ⵓⵎⵎⴰⵙ ⴰⴼⴰⵔⴰⵏ.

ⵍⵍⵉⵖ ⵜⴽⵎⵎⵍ ⵜⴼⵓⴳⵍⴰ ⵢⴰⴷ, ⵜⵓⵎⵥ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵓⵎⵙⴽⴰⵔ ⴷ ⵓⴳⵔⴰⵡ ⵏ ⵓⵙⵓⴷⵙ ⵏ ⵜⵥⴰⵢⵕⵜ ⴰⴷⵉⴱⵍⵓⵎⴰⵙⵉ.

ⵍⵍⵉⵖ ⵢⴰⴷⵍⵉ ⵜⵍⴽⵎ, ⵜⵣⵣⵔⵉ ⵍⴰⵍⵍ ⵏ ⵜⵜⴰⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵢⴰⵏ ⵜⵔⴰⴱⴱⵓⵜ ⵏ ⵉⵏⴹⴰⴼⵏ ⵏ ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵍⵍⵉ ⵢⴰⵜ ⵉⴼⴽⴰⵏ ⵉⴷⴷⵓⵔⵏ, ⴷⴰⵜ ⴰⴷ ⵜ ⵜⵣⵓⵍ ⵜⵎⴰⵡⵙⴰⵙⵜ ⵏ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵏ ⵜⴰⵡⴰⵛⵓⵏⵜ ⴷ ⵏ ⵜⴰⴱⴷⴰⴷⵜ,ⴱⴰⵙⵉⵎⴰ ⵃⵇⵇⴰⵡⵉ, ⴷ ⵎⵏⵏⴰⵡ ⵏ ⵉⴳⵎⴰⵎⵏ ⵢⴰⴹⵏⵉⵏ.

 

Dernière modification : 10 ⴷⵓⵊⴰⵏⴱⵉⵔ 2016
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-0#comment-0