Published on MAPNews (https://www.mapnews.ma/am)

Accueil > ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵜⵉⵢⵉⵔⴰ ⵏ ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⴳ ⴷⴷⵓⵃⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴷⵔⵓ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵜⵉⵢⵉⵔⴰ ⵏ ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⴳ ⴷⴷⵓⵃⴰ

30 ⵏⵓⵡⴰⵏⴱⵉⵔ 2016 Version Imprimable
ⴷⴷⵓⵃⴰ - ⵉⴼⵓⴽⴽⴰ ⴰⵙⵙ ⵏ ⵓⴽⵕⴰⵙ ⴳ ⴷⴷⵓⵃⴰ, ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ «ⵡⵉⵛ» ⴳ ⵜⵙⴽⴼⵍⵜ ⵜⵉⵙⵙ ⴽⵔⴰⴹⵜ ⵏⵏⵙ, ⵙ ⵜⵉⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵏⵜⵜⴰⵜ ⴷ ⵜⵖⵓⵔⵉ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⵍⵎⵉⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⴰⵎⴰⵙⵙⴰⵏⵜ ⴷ ⵜⵉⴳⵎⵉ ⵏ ⵓⵏⴰⵎⵓⵏ.

ⵉⴳⴰ ⴰⴳⵔⴰⵡ ⴰⴷ ⴰⵎⴰⴹⵍⴰⵏ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⵍⵍⵉ ⵜⵙⵏⵎⴰⵍⴰ ⵜⵎⵔⵙⴰⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⴰⵎⴰⵙⵙⴰⵏⵜ ⴷ ⵜⵉⴳⵎⵉ ⵏ ⵓⵏⴰⵎⵓⵏ ⴳ ⵙⵉⵏ ⵡⵓⵙⵙⴰⵏ, ⵢⴰⵏ ⴳ ⵜⵙⵏⵜⴰⵢⵉⵏ ⵜⵉⵎⴰⴹⵍⴰⵏⵉⵏ ⵍⵍⵉ ⵜⵕⵥⵎ ⵜⵎⵔⵙⵍⵜ ⵜⴰⵇⴰⵟⴰⵕⵉⵢⵜ ⵏ ⵜⴳⵎⵉ ⵜⵎⴰⵙⵙⴰⵏⵜ ⴷ ⵜⴳⵎⵉ ⵜⴰⵏⴰⵎⵓⵏⵜ, ⴷ ⵉⵙⴽⵔ ⴳ ⵢⴰⵏ ⵓⵣⵎⵣ ⵉⴷⵔⵓⵙⵏ ⵜⴷⴽⴽⵯⴰⵏⵜ ⵜⴰⵎⴰⴹⵍⴰⵏⵜ ⴳ ⵉⴳⵔ ⵏ ⵉⵡⵉⵣ ⴰⴷⵓⵙⴰⵏ, ⵉⵥⵍⵉⵏ ⵙ ⵓⵙⵉⴳⵍ ⴷ ⵓⵣⵓⵣⵣⵔ ⵉⵡⵏⴳⵉⵎⵏ ⵉⵖⵓⴷⴰⵏ ⴷ ⵓⵙⵏⵓⵍⴼⵓ ⴰⴷⵓⵙⴰⵏ.

ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⴰⵙⵙ ⵓⵙⵉⵏⴰⵙ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⴳ ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ «ⵡⵉⵛ 2016 » ⴳ ⵜⵙⴽⴼⵍⵜ ⵜⵉⵙⵙ ⴽⵔⴰⴹⵜ.

ⴷ ⵙ ⵓⵣⵎⵣⵣⵓ ⵏ ⵓⵏⵏⵓⵕⵥⵎ ⵏ ⵓⵙⴳⵔⴰⵡ ⴰⴷ ⴰⵎⴰⴹⵍⴰⵏ, ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⵙⴼⵙⵔ ⵏ ⵓⵙⵏⵓⵍⴼⵓ, ⵉⵜⵜⵓⵙⵏⵎⴰⵍⴰⵏ ⵙ ⵓⵙⴰⵜⵉ ⴰⴷ, ⵍⵍⵉ ⴳ ⵜⵣⵕⴰ ⵍⴰⵍⵍ ⵏ ⵜⴰⵜⵜⵓⵢⵜ ⵏⵜⵜⴰⵜ ⴷ ⵜⵖⵓⵔⵉ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⵍⵎⵉⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⴰⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⴰⵎⴰⵙⵙⴰⵏⵜ ⴷ ⵜⵉⴳⵎⵉ ⵏ ⵓⵏⴰⵎⵓⵏ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵖⴰⵢⴷⴰ ⵟⴰⵍⴰⵍ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵏⴼⵍⵓⵙⵏ ⵏ ⵜⵎⵔⵙⴰⵍⵜ ⵏ ⵍⵃⵓⵙⴰⵢⵏ ⵏ ⵍⴽⵓⵏⵚⵉⵕ, ⵅⴼ ⵛⴰⵢⴳⴰⵏ ⵏ ⵉⵙⴰⵜⵉⵜⵏ ⵏ ⵓⵙⵏⵓⵍⴼⵓ ⵉⵜⵜⵓⴼⵙⵔⵏ ⴳ ⵓⴼⵙⵔ ⴰⴷ.

ⵉⵍⵍⴰ ⴳ ⵓⵙⵏⵓⴱⴳ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵓⵣⴰⴳⵓⵣ ⵏ ⵃⴰⵎⴷ ⴰⵎⴰⴹⵍⴰⵏ, ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⵉⵍⵍⵉⵙ ⵏ ⵏⴰⵚⵕ ⴰⵍⵎⴰⵙⵏⴰⴷ, ⴷ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴷⴷⵓⵃⴰ ⵎⴰⵙⵙ ⵏⴰⴱⵉⵍ ⵣⵏⵉⴱⵕ ⴷ ⵉⴳⵎⴰⵎⵏ ⵢⴰⴹⵏ ⴳ ⵜⵎⵙⵇⴰⴷⵜ ⵜⴰⵎⵖⵕⵉⴱⵉⵢⵜ ⴳ ⴷⴷⵓⵃⴰ.

Dernière modification : 30 ⵏⵓⵡⴰⵏⴱⵉⵔ 2016
Source URL: https://www.mapnews.ma/am/activites-princieres/%E2%B5%9C%E2%B4%B7%E2%B5%94%E2%B5%93-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B5%9C%E2%B5%89%E2%B5%A2%E2%B5%89%E2%B5%94%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%9C%E2%B5%87%E2%B5%89%E2%B5%9B%E2%B5%9B%E2%B5%89%E2%B5%9C#comment-0