ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ

29 ⵏⵓⵡⴰⵏⴱⵉⵔ 2016 Version Imprimable

ⴷⴷⵓⵃⴰ - ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⴰⵙⵙ ⵏ ⵓⵙⵉⵏⴰⵙ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⴳ ⵓⵙⴳⵔⴰⵡ ⵏ ⵜⵇⵉⵛⵛⵉⵜ ⵜⴰⵎⴰⴹⵍⴰⵏⵜ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ «ⵡⵉⵛ 2016 » ⴳ ⵜⵙⴽⴼⵍⵜ ⵜⵉⵙⵙ ⴽⵔⴰⴹⵜ, ⵍⵍⵉ ⵔⴰⴷ ⵉⴱⴷⵓ ⴰⵙⵙ ⵏ ⵓⴽⵕⴰⵙ, ⴷⴼⴼⵉⵔ ⵏ ⵜⵖⵓⵔⵉ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⵍⵎⵉⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⵉⵎⴰⵙⵙⴰⵏⵉⵏ ⴷ ⵜⵉⴳⵎⵉ ⵏ ⵜⴳⵔⴰⵡⵜ.

ⴷ ⵉⵍⵍⴰ ⴳ ⵓⵙⵏⵓⴱⴳ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵓⵣⴰⴳⵓⵣ ⵏ ⵃⴰⵎⴷ ⴰⵎⴰⴹⵍⴰⵏ, ⵍⴰⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⵉⵍⵍⵉⵙ ⵏ ⵏⴰⵚⵕ ⴰⵍⵎⴰⵙⵏⴰⴷ, ⴷ ⵓⵎⵙⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴷⴷⵓⵃⴰ ⵎⴰⵙⵙ ⵏⴰⴱⵉⵍ ⵣⵏⵉⴱⵕ ⴷ ⵉⴳⵎⴰⵎⵏ ⵢⴰⴹⵏ ⴳ ⵜⵎⵙⵇⴰⴷⵜ ⵜⴰⵎⵖⵕⵉⴱⵉⵢⵜ ⴳ ⴷⴷⵓⵃⴰ.

ⵜⴷⵔⵓ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵓⵙⴳⵔⴰⵡ ⴰⵎⴰⴹⵍⴰⵏ ⴰⴷ, ⵙ ⵉⴷⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ.

ⴰⴳⵔⴰⵡ ⴰⴷ ⴰⵎⴰⴹⵍⴰⵏ ⵏ ⵓⵙⵏⵓⵍⴼⵓ ⵙ ⵉⵡⵉⵣ ⴰⴷⵓⵙⴰⵏ ⵢⴰⵏ ⴳ ⵜⵙⵏⵜⴰⵢⵉⵏ ⵜⵉⵎⴰⴹⵍⴰⵏⵉⵏ ⵍⵍⵉ ⵜⵕⵥⵎ ⵜⵎⵔⵙⵍⵜ ⵜⴰⵇⴰⵟⴰⵕⵉⵢⵜ ⵏ ⵜⴳⵎⵉ ⵜⵎⴰⵙⵙⴰⵏⵜ ⴷ ⵜⴳⵎⵉ ⵜⴰⵏⴰⵎⵓⵏⵜ, ⴷ ⵉⵙⴽⵔ ⴳ ⵢⴰⵏ ⵓⵣⵎⵣ ⵉⴷⵔⵓⵙⵏ ⵜⴷⴽⴽⵯⴰⵏⵜ ⵜⴰⵎⴰⴹⵍⴰⵏⵜ ⴳ ⵉⴳⵔ ⵏ ⵉⵡⵉⵣ ⴰⴷⵓⵙⴰⵏ, ⵉⵥⵍⵉⵏ ⵙ ⵓⵙⵉⴳⵍ ⴷ ⵓⵣⵓⵣⵣⵔ ⵉⵡⵏⴳⵉⵎⵏ ⵉⵖⵓⴷⴰⵏ ⴷ ⵓⵙⵏⵓⵍⴼⵓ ⴰⴷⵓⵙⴰⵏ.

Dernière modification : 29 ⵏⵓⵡⴰⵏⴱⵉⵔ 2016

Source URL: https://www.mapnews.ma/am/activites-princieres/%E2%B5%9C%E2%B5%8D%E2%B4%BD%E2%B5%8E-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%99-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%9C%E2%B4%B7%E2%B5%94%E2%B5%93-%E2%B4%B3-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1#comment-0