ⵉⵎⵍⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⴼⵛⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴷⴷⴰⵡⵃⴰ ⴷⴼⴼⵉⵔ ⵏ ⵜⴰⵎⵜⵜⴰ ⵏ ⵛⵛⵉⵅ ⵅⴰⵍⵉⴼⴰ ⴱⵏ ⵃⴰⵎⴰⴷ ⴰⵍⵜⴰⵏⵉ

26 ⴽⵟⵓⴱⵕ 2016 Version Imprimable

ⴷⴷⵓⵃⴰ - ⵉⵎⵍⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏ ⵓⵙⵉⵏⴰⵙ ⴳ ⴷⴷⴰⵡⵃⴰ ⴰⴼⵛⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ ⴷⴼⴼⵉⵔ ⵏ ⵜⴰⵎⵜⵜⴰ ⵏ ⵛⵛⵉⵅ ⵅⴰⵍⵉⴼⴰ ⴱⵏ ⵃⴰⵎⴰⴷ ⴰⵍⵜⴰⵏⵉ ⴱⴰⴱⴰⵙ ⵎⵇⵓⵔⵏ ⵓⴳⵍⴷⵓⵏ ⵏ ⵇⴰⵟⴰⵕ ⴷⴰⵔⵙ 84 ⵏ ⵓⵙⴳⴳⴰⵙ.

ⵍⵍⵉ ⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⵙⵏⵓⴱⴳⵜ ⵍⴰⵎⵉⵔ ⵏ ⵓⵡⴰⵏⴽ ⵏ ⵇⴰⵟⴰⵕ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍⵜⴰⵏⵉ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵛⵛⵉⵅ ⵃⴰⵎⴰⴷ ⴱⵏⵏ ⵅⴰⵍⵉⴼⴰ ⴰⵍⵜⴰⵏⵉ, ⴳ ⵜⴳⴰⴷⵉⵔⵜ ⵍⵡⴰⵊⴱⴰ, ⵍⵍⵉ ⵖ ⴰⵙⵏ ⵉⴼⴽⴰ ⴰⴼⵛⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴷⴷⴰⵡⵃⴰ ⴷⴼⴼⵉⵔ ⵏ ⵜⴰⵎⵜⵜⴰ ⵏ ⵛⵛⵉⵅ ⵅⴰⵍⵉⴼⴰ ⴱⵏ ⵃⴰⵎⴰⴷ ⴰⵍⵜⴰⵏⵉ.

ⴷ ⵜⵏⵏⴰ ⵜⵙⵏⵓⵔⴰⵢⵜ ⵜⴰⵎⴰⴷⵓⴷⵜ ⵏ ⵇⴰⵜⴰⵕ ⵎⴰⵙ ⴰⵙⵏⵓⴱⴳ ⴰⴷ ⴰⵎⴰⴷⵓⴷ ⵉⴷⵔⵓ ⴷⵉⴽⵙ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵅⴰⵜⴰⵔⵏ ⵏ ⵇⴰⵟⴰⵕ, ⴳ ⵉⵍⵍⴰ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵄⴰⴱⴷ ⵍⵍⴰⵀ ⴱⵏⵏ ⵃⴰⵎⴰⴷ ⴰⵍⵜⴰⵏⵉ ⴰⵎⴰⵔⵉ ⵏ ⵓⴳⵍⴷⵓⵏ, ⴷ ⵛⵛⵉⵅ ⵄⴰⴱⴷ ⵍⵄⵣⵉⵣ ⴱⵏⵏ ⵅⴰⵍⵉⴼⴰ ⴰⵍⵜⴰⵏⵉ, ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵊⴰⵙⵉⵎ ⴱⵏⵏ ⵃⴰⵎⴰⴷ ⴰⵍⵜⴰⵏⵉ, ⴰⵙⵎⴷⵢⴰ ⴰⴷⵎⴰⵡⴰⵍ ⵏ ⵓⴳⵍⴷⵓⵏ.

ⴷ ⵉⴼⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵇⴰⵟⴰⵕ ⴷⴼⴼⵉⵔ ⴰⴼⵛⴰⴷ ⴰⴷ, ⴷ ⵉⵣⵣⵓⵍ ⴼⵍⵍⴰⵙ ⴳ ⵓⵣⵣⴰⴳⵣ ⴰⵎⴰⴹⵍⴰⵏ ⵏ ⴷⴷⴰⵡⵃⴰ ⵛⵛⵉⵅ ⵎⵓⵃⵎⵎⴷ ⴱⵏⵏ ⵄⴱⴷ ⵕⵕⴰⵃⵎⴰⵏ ⴰⵍⵜⴰⵏⵉ, ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ.

Dernière modification : 26 ⴽⵟⵓⴱⵕ 2016

Source URL: https://www.mapnews.ma/am/activites-princieres/%E2%B5%89%E2%B5%8E%E2%B5%8D%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B4%B0%E2%B4%BC%E2%B5%9B%E2%B4%B0%E2%B4%B7-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3#comment-0