Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴽⵉⴳⴰⵍⵉ
  1. Accueil
  2. Activités royales

ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴽⵉⴳⴰⵍⵉ

19 ⴽⵟⵓⴱⵕ 2016 Version Imprimable
ⴽⵉⴳⴰⵍⵉ - ⵉⵙⴽⵔ ⵙⵙⵉⵅⴼ ⵏ ⵕⵓⵡⴰⵏⴹⴰ ⵎⴰⵙⵙ ⴱⵓⵍ ⴽⴰⴳⴰⵎⵉ ⴰⵙⵙ ⵏ ⵓⴽⵕⴰⵙ ⴳ ⵜⴳⴰⴷⵉⵔⵜ ⵏ ⵜⵏⵙⵙⵉⵅⴼⵜ ⴳ ⴽⵉⴳⴰⵍⵉ ⵢⴰⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ .
ⵍⵍⵉⵖ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⵙⵖⵉⵎ ⵏ ⵜⴳⴰⴷⵉⵔⵜ ⵏ ⵜⵏⵙⵙⵉⵅⴼⵜ ⵉⵙⵏⵓⴱⵜ ⵓⵏⵙⵙⵉⵅⴼ ⵏ ⵕⵓⵡⴰⵏⴹⴰ ⵎⴰⵙⵙ ⴱⵓⵍ ⴽⴰⴳⴰⵎⵉ ⵣⵓⵍⵏ ⵉⵏⵎⵖⵓⵔⵏ ⵙ ⵓⵣⵎⵣⵣⵓ ⴰⴷ ⵉⵛ,ⵢⴰⵍⵏ ⵏ ⵜⵎⵉⵣⴰⵔ ⵙⵏⴰⵜ ⵣⵔⵉⵏ ⵉⵣⵍⵉⵜⵏ ⵉⵏⴰⵎⵓⵔⵏ ⵏⵏⵙⵏⵜ. ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵎⵓⵏ ⴳ ⵓⵔⵣⴰⴼ ⴰⴷ ⵏ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ ,ⵎⵏⵏⴰⵡ ⵉⵎⴰⵡⵙⴰⵙⵏ ⵏ ⵕⵓⵡⴰⵏⴹⴰ . ⴳ ⵜⵙⴳⴰ ⵢⴰⴹⵏ ⵣⵓⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵔ ⴰⵎⵖⵔⵉⴱⵉ ⵍⵍⵉ ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⵏⵙⵙⵉⵅⴼ ⵏ ⵕⵓⵡⴰⵏⴹⴰ ⵎⴰⵙⵙ ⴱⵓⵍ ⴽⴰⴳⴰⵎⵉ. ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⴽⴰⴱⴰⵕ ⴰⵎⴰⴷⴷⵓⴷ, ⵏⵓⵎⴰⵍ, ⵉⵎⵛⵉⵡⵔⵏ ⵏⵏⵙ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵢⴰⵙⵉⵔ ⵣⵏⴰⴳⵉ. ⴷ ⵉⵍⵍⴰ ⴳ ⵓⴽⴰⴱⴰⵔ ⴰⴷ ⴰⵡⴷ ⵓⵎⴰⵡⴰⵙ ⵏ ⵓⴳⵏⵙⵓ ⵎⴰⵙⵙ ⵎⵓⵃⵎⵎⴷ ⵃⵚⵚⴰⴷ, ⴷ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃ ⴷⴷⵉⵏ ⵎⵣⵡⴰⵕ , ⴷ ⵓⵎⴰⵡⴰⵙ ⵏ ⵍⵉⵃⴱⴰⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵎⴰⵙⵙ ⵃⵎⴰⴷ ⵜⴰⵡⴼⵉⵇ, ⴷ ⵓⵎⴰⵡⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴷ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴷ ⵓⵎⴰⵡⴰⵙ ⴰⵎⴰⵔⵉ ⴷⴰⵔ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵉⵡⵔⵉⴽⵏ ⵢⴰⴹⵏ. ⵉⴽⴽⴰⵜⵏ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵏⴰⵙ ⴽⵉⴳⴰⵍⵉ, ⴳ ⵓⵙⴰⵜⵉ ⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵕⵓⵡⴰⵏⴷⴰ, ⴳ ⵓⵙⵔⵙ ⴰⵎⵣⵡⴰⵔⵓ ⵏ ⵓⵔⵣⴰⴼ ⴰⴳⵍⴷⴰⵏ ⵉ ⴰⵡⴷ ⵟⴰⵏⵣⴰⵏⵢⴰ ⴷ ⵉⵜⵢⵓⴱⵢⴰ.
Dernière modification : 19 ⴽⵟⵓⴱⵕ 2016
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B4%BD%E2%B5%89%E2%B4%B3%E2%B4%B0%E2%B5%8D%E2%B5%89#comment-0