Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴽⵉⴳⴰⵍⵉ ⴳ ⵓⵙⴰⵜⵉ ⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵕⵓⵡⴰⵏⴹⴰ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴽⵉⴳⴰⵍⵉ ⴳ ⵓⵙⴰⵜⵉ ⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵕⵓⵡⴰⵏⴹⴰ

18 ⴽⵟⵓⴱⵕ 2016 Version Imprimable
ⴽⵉⴳⴰⵍⵉ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵏⴰⵙ ⴽⵉⴳⴰⵍⵉ, ⴳ ⵓⵙⴰⵜⵉ ⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵕⵓⵡⴰⵏⴷⴰ, ⴳ ⵓⵙⵔⵙ ⴰⵎⵣⵡⴰⵔⵓ ⵏ ⵓⵔⵣⴰⴼ ⴰⴳⵍⴷⴰⵏ ⵉ ⴰⵡⴷ ⵟⴰⵏⵣⴰⵏⵢⴰ ⴷ ⵉⵜⵢⵓⴱⵢⴰ.

ⵍⵍⵉ ⵖ ⵉⴳⴳⵣ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵣⴰⴳⵯⵣ ⵏ ⴰⵎⴰⴹⵍⴰⵏ ⵏ ⴽⵉⴳⴰⵍⵉ, ⴰⵏⵙⵙⵉⵅⴼ ⵏ ⵕⵓⵡⴰⵏⴹⴰ ⵎⴰⵙⵙ ⴱⵓⵍ ⴽⴰⴳⴰⵎⵉ.

ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵕⵓⵡⴰⵏⴷⴰ ⵎⴰⵙⵙⴰ ⵍⵡⵉⵣ ⵎⵓⵛⵉⴽⵉⵡⴰⴱⵓ, ⴷ ⵓⵎⴰⵡⴰⵙ ⵏ ⵉⵙⴰⴳⵎⵏ ⵉⴳⴰⵎⴰⵏⵏ ⵎⴰⵙⵙ ⴼⴰⵏⵙⵢⵓⵏ ⴱⵉⵔⵓⵜⵜⴰ, ⴷ ⵓⵎⴰⵡⴰⵙ ⵏ ⵜⵙⴱⴱⴰⴱⵜ ⴷ ⵜⴳⵎⴰⵔⵜ ⴼⵕⴰⵏⵙⵡⴰ ⴽⴰⵏⵉⵎⴱⴰ, ⴷ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⵎⴰⵙⵙⴰ ⵊⵉⵕⴰⵍⴷⵉⵏ ⵎⵓⴽⵉⵛⴰⵎⴰⵏⴰ, ⴷ ⵓⵎⴰⵡⴰⵙ ⵉⵥⵍⵉⵏ ⵙ ⵓⵖⴰⵡⴰⵙ ⴰⴷⵎⵙⴰⵏ ⵎⴰⵙⵙ ⵉⵣⵢⵉⵍ ⵏⴷⴰⵊⵉⵊⵉⵎⴰⵏⴰ, ⴷ ⵉⵡⵔⵉⴽⵏ ⵢⴰⴹⵏ ⵉⵕⵓⵡⴰⵏⴷⵉⵢⵏ.

ⴷ ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⵏ ⵕⵓⵡⴰⵏⴹⴰ, ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴽⵉⴳⴰⵍⵉ ⵎⴰⵙⵙ ⵢⵓⵙⴼ ⵍⵄⵎⵎⴰⵏⵉ, ⴷ ⵓⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵏ ⵉⴼⵔⵉⵇⵢⴰ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵎⵓⵃⵎⵎⴷ ⵚⴱⵉⵃⵉ.

ⴷⴼⴼⵉⵔ ⵎⴰⵢⴰⴷ ⵉⴼⵜⴰ ⵓⴽⴰⴱⴰⵕ ⴰⵎⴰⴷⴷⵓⴷ ⵙⵔ ⴰⵙⵖⵉⵎ ⵏ ⵜⵣⴷⵓⵖⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵎⴰⵥⵓⵏⵜ ⵏ ⵕⵓⵡⴰⵏⴷⴰ.

ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⴽⴰⴱⴰⵕ ⴰⵎⴰⴷⴷⵓⴷ, ⵏⵓⵎⴰⵍ, ⵉⵎⵛⵉⵡⵔⵏ ⵏⵏⵙ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵢⴰⵙⵉⵔ ⵣⵏⴰⴳⵉ.

ⴷ ⵉⵍⵍⴰ ⴳ ⵓⴽⴰⴱⴰⵔ ⴰⴷ ⴰⵡⴷ ⵓⵎⴰⵡⴰⵙ ⵏ ⵓⴳⵏⵙⵓ ⵎⴰⵙⵙ ⵎⵓⵃⵎⵎⴷ ⵃⵚⵚⴰⴷ, ⴷ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃ ⴷⴷⵉⵏ ⵎⵣⵡⴰⵕ , ⴷ ⵓⵎⴰⵡⴰⵙ ⵏ ⵍⵉⵃⴱⴰⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵎⴰⵙⵙ ⵃⵎⴰⴷ ⵜⴰⵡⴼⵉⵇ, ⴷ ⵓⵎⴰⵡⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴷ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴷ ⵓⵎⴰⵡⴰⵙ ⴰⵎⴰⵔⵉ ⴷⴰⵔ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵉⵡⵔⵉⴽⵏ ⵢⴰⴹⵏ.

Dernière modification : 18 ⴽⵟⵓⴱⵕ 2016
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%BD%E2%B5%89%E2%B4%B3%E2%B4%B0%E2%B5%8D%E2%B5%89-%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%89-%E2%B5%8F-%E2%B5%93%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%89-%E2%B5%95%E2%B5%93%E2%B5%A1%E2%B4%B0%E2%B5%8F%E2%B4%B9%E2%B4%B0#comment-0